Спорт
Емерсон: Буквално бев избркан од Барселона
Емерсон Ројал никогаш нема да го заборави летниот преоден рок во 2021 година. Бразилецот од Бетис, за девет милиони евра, се пресели во Барселона, но на „Ноу Камп“ се задржа само 40 дена. Барселона го продаде за 30 милиони евра во Тотенхем.
„Мислев дека во клубот сакаат да останам. Во неделата играв против Хетафе. Кога наредниот ден се појавив на тренингот ми стана јасно што се случува. Тотенхем испратиле понуда која во клубот ја прифатиле. Ништо не ми беше јасно“, рекол Емерсон и открил што се случувало потоа.
„Истиот ден, попладнето, ме повикаа на разговор. Ми кажаа дека сакаат да ме продадат. Ми кажаа дека клубот е во тешка финансиска ситуација, дека периодот е тежок. Им кажав дека сакам да останам, но бргу ми стана јасно дека тоа нема да биде можно. Ми рекоа дека морам да заминам, буквално ме избркаа“.
„Ме повредија со начинот на кој што го реализираа трансферот. Можеа тоа да го направат на поинаков начин. Кога дојдов мислев дека никогаш нема да ме продадат, а тие уште тогаш знаеја што ќе направат. Нецели 40 дена бев во Барселона“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.