Забава
(Видео) Кристен Стјуарт импресионира како принцеза Дијана во „Спенсер“
Кристен Стјуарт изјави дека никогаш не се чувствувала „повисока“ во улога кога ја глуми принцезата Дијана во „Спенсер“ на Чилеанецот Пабло Лареин.
Говорејќи на прес-конференција на Филмскиот фестивал во Венеција, во петокот, неколку часа пред светската премиера на филмот, Стјуарт рече: „Уживав во физичкото создавање на овој филм повеќе отколку што било друго. Се чувствував послободна, жива и способна да се движам, дури се чувствував и повисока.“
Улогата на Стјуарт како Дијана ги импресионира критичарите. Покрај убедливиот раскошен британски акцент, Стјуарт внимателно ги отелотворува манирите и однесувањето на Дијана во текот на филмот.
„Басна од вистинска трагедија “, стои во насловот на почетокот на „Спенсер“, поглед на покојната принцеза Дијана. Чилеанскиот режисер веќе ни даде една микроскопска студија за моќна жена во криза во „Џеки“, филм во кој Натали Портман ја портретира Џеки Кенеди по атентатот на претседателот.
А тука, Кристен Стјуарт ја портретира Дијана. Годината е 1991 и британското кралско семејство се собира во Сандрингам на традиционални тридневни свечености за Божиќ. Дијана веќе се распаѓа психички, а режисерот Лараин не се воздржува да ги покаже нејзините нарушувања во исхраната.
„Сите шпекулации за моето распаѓање се потврдија “, вели таа во еден момент.
Режисерот во голема мера се воздржува да ги карактеризира другите членови на кралското семејство. Џек Фартинг го игра принцот Чарлс, но има само неколку разговори со Дијана. Таа повеќе комуницира со персоналот – симпатичниот главен готвач (Шон Харис), нејзината љубезна гардероберка Меги (Сали Хокинс).
Филмот, похрабра алтернатива на популарната серија „Круната“, се обидува, и во голема мера успева, да се најде под кожата на Дијана.
Најдобрите сцени се нежните моменти со нејзините синови, Вилијам и Хари, давајќи им тајни подароци што треба да се отворат на Божиќ (традицијата во кралското домаќинство налага сите подароци да се отворат претходниот ден).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.