Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.

Полицијата изјави дека едно лице осомничено за пукањето е уапсено.

LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O

— Breaking911 (@Breaking911) August 4, 2025

Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.

Нема информации за мотивот на нападот.

Полицијата објави дека отворила истрага.

Германија поради својата историска одговорност, не донесува одлуки што владата на Израел не ги сака, иако е сè потешко да ја оправда својата политика пред своите партнери во Европа. Додека Франција и некои други земји најавуваат признавање на државата Палестина, Германија се спротивставува и на раскинувањето на преференцијалниот трговски договор меѓу ЕУ и Израел. Но, тоа не значи дека сè уште може да ја поддржи оваа политика на владата на израелскиот премиер Бенјамин Нетанјаху.

Германија е сè поосамена во ЕУ во својата поддршка за Израел. Меѓу другото, затоа германскиот министер за надворешни работи, кој го посети Израел, предупреди дека ситуацијата е „неприфатлива“ и побара итна промена на политиката, анализираат медиумите во регионот.

Според написите, германскиот министер за надворешни работи Јохан Вадефул (CDU), за време на неговата посета на Израел, беше повеќе од јасен. Гладот и проблемите во Појасот Газа се „целосно неприфатлива ситуација што мора веднаш да се промени“, рече германскиот министер по средбата со израелското раководство во Ерусалим. Потребно е „фундаментално подобрување за луѓето од Појасот Газа“, објавува Дојче Веле. Во спротивно, на Израел мора да му биде јасно дека му се заканува меѓународна изолација, предупреди Вадефул.

По Ерусалим, германскиот министер доаѓа во палестинскиот регион на Западниот Брег овој петок, каде што ќе се сретне со палестинскиот претседател Махмуд Абас. Во Рамала, темата ќе биде сè почестото насилство на израелските доселеници врз Палестинците таму и плановите на Израел за анексија на таа територија.

Затоа што, Кнесетот, израелскиот парламент, неодамна ја поддржа анексијата со резолуција, иако тоа предизвика остри меѓународни критики. Ова е целосно неприфатливо и за германската влада.

„Потребно е фундаментално подобрување за луѓето од Појасот Газа“ рече Вадефул.

Кога станува збор за признавањето на Палестина и санкциите против Израел, германскиот министер Вадефул изјави дека политиката на Берлин „може да зависи“ од разговорите што ги води во Израел и палестинските територии, иако Германија редовно го поврзува признавањето на Палестина со сеопфатно, меѓународно решение за конфликтот на Блискиот Исток.

Израелскиот премиер Бенјамин Нетанјаху објави дека оваа недела ќе издаде нови упатства за продолжување на војната во Појасот Газа, бидејќи расте притисокот врз неговата влада да го прекине конфликтот и да ги ослободи заложниците земени од Хамас на 7 октомври 2023 година.

Во исто време, Израел има намера да го стави прашањето за заложниците „во центарот на глобалната агенда“, изјави израелскиот министер за надворешни работи Гидеон Саар пред состанокот на Советот за безбедност на ОН за ова прашање. Отворајќи ја седницата на кабинетот, Нетанјаху објави дека ќе свика состанок на кабинетот за безбедност „оваа недела“ за да „издаде упатства до војската за тоа како да ги постигне трите воени цели што беа претходно поставени“.

„Се наоѓаме во средината на жестока војна во која постигнавме многу важни, историски успеси, бидејќи не бевме поделени, затоа мора да останеме обединети“, рече тој, повторувајќи ги целите на војната за „победување на непријателот, ослободување на заложниците и обезбедување дека Газа повеќе не претставува закана за Израел“.

Израелското воено радио во понеделникот објави дека началникот на Генералштабот на армијата, Ејал Замир, е сè повеќе фрустриран од она што го опиша како недостаток на стратешка јасност од страна на политичкото раководство, како и загрижен за можноста да биде вовлечен во војна на исцрпување со милитантите на Хамас.

Израелската влада се соочува со зголемен притисок во последните месеци да најде решение за конфликтот. Речиси 600 поранешни функционери од безбедносниот апарат на Израел, првенствено Мосад и Шин Бет, во понеделникот го повикаа американскиот претседател Доналд Трамп да изврши притисок врз Нетанјаху да ја заврши војната и со тоа да им дозволи на „заложниците да се вратат дома“.

„Стоп на војната во Газа!“, се повикува во писмото. Нетанјаху „го води Израел кон пропаст, а заложниците кон смрт“, го обвини Семејниот форум, главната организација што ги претставува семејствата на оние што се држат во Газа.

„22 месеци, на јавноста ѝ се продава илузијата дека воениот притисок и интензивните борби ќе ги вратат заложниците“, но овие тврдења „не се ништо повеќе од лаги и јавна измама“, соопшти Семејниот форум. Од 251 лице киднапирано за време на нападот на Хамас врз Израел на 7 октомври 2023 година, 49 сè уште се наоѓаат во Газа.

Меѓу нив има 27 кои беа прогласени за мртви од страна на израелската војска. Во меѓувреме, имаше два прекини на огнот за време на кои преостанатите заложници беа ослободени.

Фото: ЕПА