Спорт
Ако дојде Мбапе, Азар ќе биде вишок во Реал

Трансферот на Килијан Мбапе во Реал е реалност, барем така тврдат шпанските медиуми. Напаѓачот ги одби сите понуди од ПСЖ за да го продолжи договор кој му истекува наредното лето. Ова значи дека Мбапе веќе на 1.јануари наредната година, може да потпише со „кралскиот клуб“.
Евентуалниот договор со Мбапе ќе му отвори еден друг проблем на Флорентино Перез. Вишок во тимот ќе биде Еден Азар, во кого клубот вложи 100 милиони евра.
Азар, за две години во Реал не покажа ништо. Белгиецот, поради проблемите со повредите, повеќе време мина во клупската амбуланта и на трибините, отколку на теренот.
Почетокот на сезоната најавува дека Азар би можел да се врати во формата која ја имаше во Челси.
Сепак планот на Реал, покрај Мбапе да се обидат да го донесат и Ерлинг Халанд, не му оди во прилог на Белгиецот.
Доколку овие двајца дојдат во Реал, покрај нив во нападот ќе игра Карим Бензема, а алтернатива ќе им биде Винисисус Жуниор.
Проблем за Реал е платата која ја има Азар, малку клубови можат да му го понудат она што го има во Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Пирло не го сакаше Роналдо во Јувентус“

Андреа Пирло, кој го презеде Јувентус во 2020 година со големи очекувања, всушност не го сакал Кристијано Роналдо во тимот, тврди неговиот поранешен помошник Алпарслан Ердем.
Во интервју за турските медиуми, Ердем откри претходно непознати детали за тензиите во клубот, кои, според него, директно влијаеле на резултатите.
„На Пирло не му се допаѓаше Роналдо, но не можеше ништо да направи. Ги анализираше податоците, тие покажаа дека Роналдо има најслабо трчање и најлош пресинг во тимот“, рече Ердем.
Тој додаде дека Пирло имал јасна тактичка визија заснована на формација 4-4-2, во која гледал повеќе простор за Алваро Мората отколку за португалската суперѕвезда.
„Пирло не го сакаше Роналдо во тимот, но едноставно станува збор за Кристијано Роналдо. Не можел да го извади. Мората му одговараше повеќе затоа што се вклопуваше во системот. Тој план на игра едноставно не функционираше ниту со Роналдо ниту со Дибала, но неговите раце беа врзани.“
Спорт
Синер го освои турнирот „Шест кралеви“ и заработи шест милиони долари

Италијанецот Јаник Синер го победи Карлос Алкараз во финалето на турнирот „Шест кралеви“ во Ријад.
Неочекувано, мечот заврши за само еден час и 12 минути со резултат 2:0 (6:2, 6:4).
Актуелното најголемо соперништво во светскиот тенис не ја оправда тоа на теренот во Ријад, бидејќи италијанскиот тенисер играше на многу повисоко ниво.
Алкараз го загуби својот сервис во првиот гем, и оттаму добивме прва индикација во која насока оди овој меч.
Синер одигра навистина спектакуларно и го потврди брејкот, а набрзо направи уште еден, и веднаш на семафорот стоеше 5:1.
Иако Алкарас не се предаде, по само 27 минути бранителот на титулата го доби првиот сет.
Во вториот дел, Шпанецот успеа да одговори, да пружи отпор. Нерешено беше до седмиот гем.
Потоа Синер повторно успеа да му го одземе сервисот на противникот и многу успешно да ја зачува таа предност до крајот.
По само еден час и 12 минути тенис, Синер успеа да го прослави својот триумф и да ја одбрани титулата во Ријад.
Италија заработи неверојатни шест милиони долари за триумфот во Саудиска Арабија. Тој доби 1,5 милиони за учество, како и останатите тенисери, и уште 4,5 милиони за трофејот.
Спорт
(Видео) Интер ја победи Рома, го искористи поразот на Наполи за да се искачи на првото место

Фудбалерите на Интер барем на 24 часа ќе бидат лидери во Серија А. Ова е епологот по победата на Интер над Рома во Рим (1:0) и поразот на Наполи во Торино со истиот резултат.
Интер против Рома победи со голот на Бои во шестата минута по додавањето на Барела,.
Натпреварот по тој гол беше доста динамичен, со шанси на двете страни. Логично, Рома ја имаше иницијативата, се обиде да израмни, но не успеа во тоа.
Најблиску до гол Рома беше во 52-та минута кога шутот на Дибала го одбрани Зомер, потоа во 53-та минута кога шутираше Ермосо, но повторно Швајцарецот беше одличен.
И во 55-та минута, Зомер успеа да го одбрани добар обид на Дибала. Потоа, уште две можности за домашниот тим во истата 59-та минута, прво за Челик, кој шутираше покрај стативата од солидна позиција од десната страна, а потоа Довбик со глава од пет метри ја погоди топката над голот на Интер. Потоа, во 84-та минута, одлична можност имаше Мхитарјан, кој шутираше од 12 метри и ја погоди стативата.
Foto/ EPA