Спорт
Американците мора да имаат „злосторник“ – до вчера тоа беше Ѓоковиќ, сега е Русинот?

Публиката на САД опен е позната по тоа што јасно го искажува своето мислење со свиркање и гласни реакции, но овојпат првпат мета на тоа е беше Новак Ѓоковиќ, кој и самиот честопати се наоѓаше во конфликт со нив, туку Русинот Данил Медведев.
Медведев го шокираше тенискиот свет со 6:4/6:4/6:4 победа над Новак Ѓоковиќ, за да стане првиот тенисер од „новата генерација“ кој победил еден од „големата тројка“ во гренд слем финале. Медведев, сепак, беше исвиркан на меч-поен, по што го загуби својот сервис, но два гема потоа, стигна до победата, и тогаш беше исвиркуван.
Ѓоковиќ, пак, беше зачуден од реакцијата.
„Иако не победив, срцето ми е полно со радост и најсреќниот сум бидејќи ме направивте да се чувствувам посебно на теренот. Никогаш не сум се чувствувал вака во Њујорк. Ве сакам момци, благодарам за поддршката. Се гледаме наскоро“, изјави Србинот.
Медведев не е првпат „контра“ публиката во Њујорк. Во 2019 година, кога беше исвиркуван цел меч, на крајот им одговори.
„Благодарам момци, колку што повеќе го правите ова, повеќе ќе победувам за вас. Кога ќе легнете вечер, размислувајте за тоа“, изјави тогаш Медведев.
25 years DANIIL MEDVEDEV,
the world number 2, beats World number 1, NOVAK DJOKOVIC 6-4, 6-4, 6-4 to win the #USOpen
DANIIL apologized to CROWD for FINISHING the game FAST as because he has to PURCHASE a GIFT for his WIFE to CELEBRATE their THIRD MARRIAGE ANNIVERSARY. pic.twitter.com/GvH8My5BM4— Riz.Khan (@RizKhan68912327) September 13, 2021
Daniil Medvedev responding to the US Open crowd booing him in 2019.
"The more you do this, the more I will win for you guys."
Two years later he wins his first grand slam at the US Open.pic.twitter.com/cW1KZjQQ9M
— Sam Street (@samstreetwrites) September 13, 2021
Novak Djokovic said the love of the #USOpen crowd felt "as strong as winning 21 grand slams", after his defeat in the final to Daniil Medvedev pic.twitter.com/W8aNSXroB5
— PA Sport (@pasport) September 13, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Њукасл го потпишаа Џејкоб Ремзи

24-годишниот играч од средниот ред, Џејкоб Ремзи, е нов член на Њукасл јунајтед, со кого потпиша петгодишен договор, објави англиската Премиер лига во неделата.
Ремзи им се придружи на „страчките“ од Астон Вила и стана четвртото засилување на Њукасл ова лето.
Клубот не ги објави финансиските детали за овој трансфер, но англиските медиуми објавија дека е договорена компензација од 40 милиони фунти (околу 46 милиони евра).
„Ова е голем потег за мене, но штом дознав дека тренерот е заинтересиран и дека навистина му се допаѓам, не ми требаше долго време да донесам одлука“, изјави Ремзи за официјалната веб-страница на Њукасл јунајтед (newcastleunited.com).
Поранешниот англиски репрезентативец до 21 година кариерата ја започна во младинската школа на Астон Вила и одигра 167 натпревари за сениорскиот тим, постигнува 17 гола и забележа 19 асистенции.
Во својот нов клуб, Ремзи ќе го носи бројот 41, кој го имаше во Астон Вила, а би можел да дебитира во понеделник, 25 август, кога ќе игра на „Сент Џејмс Парк“, кога Њукасл ќе го пречека актуелниот шампион Ливерпул.
Foto/ newcastleunited.com
Спорт
(Видео) Нико Вилијамс со гол и две асистенции и пресуди на Севилја

Атлетик Билбао, во возбудлив натпревар, ја победи Севилја со 3:2. На отворањето на сезоната во Ла Лига, блескаше Нико Вилијамс со гол и две асистенции. Севилја се врати во мечот по водствто на Атлетик од 2:0, но не издржа. Дебитантот во дресот на баскискиот тим, Наваро погоди за победа.
Нико Вилијамс, кој во последен момент реши да остане во Билбао, кога ја одби понудата од Барселона, во 36.минута избори пенал и го претвори во гол. Овој играч, седум минути подоцна му асистираше на Санади кој погоди за 2:0.
Домашниот тим имаше шанси да го реши мечот во првите 10 минути од вториот дел, а кога не успеа казната стигна преку Лукебакио, кој испрати вистинска бомба од дистанца и намали на 2:1.
Во 72.минута, Севилја постигна уште еден гол од далечина. Резултатот го изедначи Агуме.
Го имаа гостите посакуваниот резултат се до 81.минута, кога по додавањето на Нико Вилијамс, конечниот резултат го постави Наваро.
Foto/ EPA/Miguel Tona
Спорт
Македонските одбојкари се пласираа на ЕП

Одбојкарската репрезентација на Македонија, како една од петте второпласирани селекции избори пласман на Европското првенство наредната година. Во последното коло, Македонија ја победи Грусија со 3:0 (25:13, 25:16, 25:17).
Македонија мораше да ја победи Грузија во три сета и да не загуби повеќе од 68 поени. Поради тоа македонските одбојкари максимално сериозно му пристапија на натпреварот. Експресно го добија првиот сет, во ист ритам продолжија и во вториот.
Мало опуптање следеше во третиот сет кога Грузија водеше 9:11, но тогаш се појави Ѓеорѓиев со серија добри сервиси, Македонија се одлепи на 18:12 и рутински го заклучи сетот.
Македонија во 2026 година четврти пат во историјата ќе учествува на Европско првенство.
Foto/ facebook.com/volleyballmkd