Спорт
Наполи извлече реми кај Лестер, Елмас доби помалку од половина час
Виктор Осимен постигна два гола за да помогне Наполи да се врати од 2:0 негатива кај Лестер и да извлече поен од тешкото гостување во првото коло на Лига Европа, во меч во кој македонскиот репрезентативец, Елиф Елмас влезе во игра во 64. минута.
На „Кинг пауер“, Ајозе Перез ги донесе „лисиците“ во водство уште во 9. минута, а изгледаше дека домаќинот ќе стигне до убедлива победа кога Харви Барнс во 64. минута зголеми на 2:0, откако претходно им беше поништен и голот на Дака. Меѓутоа, Осимен пет минути подоцна намали на 2:1, за во 85. минута да извлече нерешен резултат за „партенопеи“.
Интересно беше и во Холандија, каде што ПСВ Ајндховен и Реал Сосиедад одиграа идентично 2:2 реми, додека Лион лесно со 2:0 славеше на преполниот „Ајброкс“ против Ренџерс. Монако со 1:0 го совлада Штурм, додека на Фенербахче во драматична завршница им беше поништен гол во 93. минута за да одиграат 1:1 на гости кај Ајнтрахт, откако прво Месут Озил ги донесе во водство уште во 10. минута.
ЛИГА ЕВРОПА, 1.КОЛО
ГРУПА А
Брондби – Спарта Прага 0:0
Ренџерс – Лион 0:2
ГРУПА Б
Монако – Штурм Грац 1:0
ПСВ Ајндховен – Реал Сосиедад 2:2
ГРУПА Ц
Лестер – Наполи 2:2
ГРУПА Д
Ајнтрахт Франкфурт – Фенербахче 1:1
Олимпијакос – Антверпен 2:1
ЛЕСТЕР – НАПОЛИ
АЈНТРАХТ – ФЕНЕРБАХЧЕ
РЕНЏЕРС – ЛИОН
ПСВ АЈНДХОВЕН – РЕАЛ СОСИЕДАД
МОНАКО – ШТУРМ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.