Свет
Кина сака пристап до транспацифичкиот партнерски сојуз
Министерот за трговија на Кина во писмена форма му го го предаде барањето за придружување кон договорот за слободна трговија на новозеландскиот министер за трговија.
Во обид да го зајакне своето трговско влијание, Кина, втората по големина економија во светот, аплицира за да се приклучи на сеопфатниот и прогресивен транспацифички договор за партнерство.
Овој договор беше потпишан во 2018 година од 11 земји, вклучувајќи ги Австралија, Канада, Чиле, Јапонија и Нов Зеланд.
Договорот порано беше познат како транспацифичко партнерство и се сметаше за важна економска противтежа на регионалното влијание на Кина.
Јапонија, која годинава претседава со ова партнерство, рече дека ќе се консултира со сите земји членки за да го коментираат барањето на Кина, но не кажа колку бргу тоа ќе се случи.
„Јапонија верува дека е неопходно да се утврди дали Кина, која аплицира за приклучување кон ТЕ-11, е подготвена да ги исполни екстремно високите стандарди на нашата организација“, рече јапонскиот министер за економија, Јасутоши Нишимура.
TPP беше клучен сојуз за стратешкиот пресврт на поранешниот американски претседател Барак Обама кон Азија, но неговиот наследник Доналд Трамп ги повлече САД од тој договор од 2017 година.
Пристапувањето кон партнерството ќе биде голем поттик за Кина по минатогодишното пристапување во договорот за слободна трговија на 15-члено регионално сеопфатно економско партнерство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.