Спорт
Димитриевски со спектакуларна одбрана на пенал, Фалкао дебитираше со гол!

Шпанскиот прволигаш на репрезентативецот Столе Димитриевски, Рајо Валјекано стигна до втората победа оваа сезона, триумфирајќи со 3:0 против Хетафе во дуел на два клуба од мадридските предградија во меч во кој нашиот голман ја сочува мрежата мирна со одбранет пенал во 85. минута.
Мрежата на Димитриевски мируваше на мечот, а Рајо дојде до рано водство уште во 9. минута откако пеналот кој беше досуден Оскар Трехо го смести во голот. За Рајо во 71. минута од мечот дебитираше новото засилување, ветеранот Радамел Фалкао, а победата ја потврди Сенегалецот Пате Сис во 78. минута од мечот, пред Фалкао четири минути подоцна да стави печат на трите поени. Хетафе во 85. минута добија шанса од пенал да го намалат резултатот, но обидот на Енес Унал го одбрани Димитриевски.
Рајо имаат две победи, едно реми и два порази во првите пет меча од новата сезона, во која главна цел ќе биде да се обезбеди опстанокот. Хетафе се „заковани“ на дното со пет порази во пет меча.
Графикa: Sofascore за Топспорт.мк
Dimitrievski le atajó el penal a Enes Ünal.#RayoVallecano 3-0 #Getafe #LaLiga ??pic.twitter.com/l1hcGtsylE
— Bauti (@Bau_Nickk) September 18, 2021
Se le caen los goles @FALCAO pic.twitter.com/5N8BUxvhlW
— Iván Vargas (@iwanvargas) September 18, 2021
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-37223”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сон е подготвен да го напушти Тотенхем

Капитенот на Тотенхем, Сон, не е сигурен дека ќе остане во клубот. Кореецот има договор со клубот и за следната сезона. Клубот нема да му стои на патот доколку донесе одлука да го напушти Лондон.
„Имам уште една година од договорот. Пред да кажам нешто во овој момент, мислам дека сите треба да почекаме и да видиме што ќе се случи. Но, без разлика каде ќе завршам, секогаш ќе го дадам својот максимум. Тоа никогаш нема да се промени“, рече Сон.
Тој сè уште има повреда на стапалото, но влезе од клупата на натпреварот на Јужна Кореја во Сеул против Кувајт (4:0), во квалификациите за Светското првенство во 2026 година.
Сон рече дека имал проблеми минатата сезона, но дека била посебна поради пласманот на Тотенхем во финалето на Лигата на Европа.
„Знам дека луѓето можеби ќе кажат дека имав разочарувачка сезона, но за мене беше посебна бидејќи играш фудбал за да победиш, само победниците се паметат. Не бев во најдобра форма поголемиот дел од сезоната, но се надевам дека ќе бидам во подобра форма на почетокот на новата сезона“, рече тој.
Спорт
Готово е, Де Брујне ќе потпише за Наполи

Кевин Де Брујне (33) ќе стане нов играч на Наполи, објави Фабрицио Романо. Најпознатиот фудбалски инсајдер напиша „here we go“, што значи дека трансферот е завршен и дека се чека само да биде официјализиран.
Репрезентативецот на Белгија, како слободен играч бараше нов клуб откако му истече договорот со Манчестер сити, каде што стана еден од најдобрите фудбалери во светот.
Се пишуваше дека може да ја продолжи кариерата во МЛС или Саудиска Арабија, но одлучи да остане во Европа и следната сезона ќе игра во Лигата на шампионите со италијанскиот шампион.
„По лекарските прегледи и другите формалности, ќе потпише двегодишен договор со опција за продолжување за уште една сезона“, откри Романо.
Финснаките детали се уште не се познати, но италијанските медиуми претходно пишуваа дека Наполи му понудил 27 милиони евра за три сезони.
Кариерата, Де Брујне ја започнал во Генк, а потоа играше за Челзи, Вердер и Волфсбург. Дојде во Манчестер сити во 2015 година и долги години беше главен играч на тимот што владееше во Премиер лигата. Со клубот од Манчестер, тој ја освои Лигата на шампионите и уште 17 трофеи.
Одигра 111 натпревари за белгиската репрезентација и постигна 31 гол. „Трансфермаркт“ ја проценува неговата вредност на 20 милиони евра, а неговата највисока вредност според овој портал, специјализиран за фудбалски трансфери, била 150 милиони евра во мај 2018 година.
Спорт
Дурент посакува трејд во Сан Антонио

Кевин Дурент, еден од најдобрите играч во НБА бара начин да го напушти Феникс. Дурент има договор и за следната сезона, според кој треба да заработи 55 милиони долари, меѓутоа минимални се шансите да остане во Аризона.
Според инсајдерот Зак Лоу, Мајами Хит подготвуваат понуда, се обидуваат да состават вистински пакет за размена за да го доведат Дурант во Флорида.
Од друга страна, Дурант наводно ги претпочита Сан Антонио Спарс како прва опција. Тие се подготвени да вклучат тројца играчи во размената.
Спарс беа поврзувани со Јанис Адетокумбо во претходните месеци, па се чини дека тие исто така подготвуваат сериозен потег, покрај својот млад бисер Виктор Вембањама, да донесат суперѕвезда со која тимот би станал конкурентен во борбата за титулата.
Дурант одигра 62 натпревари во регуларната сезона оваа сезона, имаше просек од 26,6 поени, шест скока и 4,2 асистенции по натпревар.
Триесет и седумгодишникот ја започна својата кариера во Оклахома, а играше и во Голден Стејт и Бруклин.