Спорт
Роналдо пак беше стрелец, ама Де Хеа е херојот на „ѓаволите“, фати пенал во 95-та
Со четвртиот гол на третиот меч во дресот на Манчестер Јунајтед, португалскиот ас Кристијано Роналдо му донесе на својот израмнување на резултатот во првото полувреме, на гостувањето кај екипата на Вест Хем, 1:1 во рамки на 5. коло во Премиерлигата.
Иако „ѓаволите“ губеа во Лондон со голот на Бенрахма во 30 минута, сепак Португалецот најдобро се најде во мешаницата пред домашниот голман и во 35-тата минута погоди за Јунајтед за 1-1.
Во второто полувреме гостите од „Олд Трафорд“ тргнаа по преостанатите два бода, ја имаа топката повеќе во нозете, упатија и повеќе директни удари во рамките на голот на Фабијански.
Роналдо беше најсериозната закана за противничкиот гол, имаше прилика во 47. минута, а во 77. и во 92. минута паѓаше во шеснаесетникот на Вест Хем, но судијата Мартин Еткинсон само одмавнуваше со раката.
На средината на вториот дел бројот на изведени корнери на мечот гласеше 1:11, додека вкупниот број на упатени удари во рамки на голот беше 10-3 во корист на гостите.
Сепак, иницијативата на фаворитот вроди со плод во самиот финиш, во 89 минута. Нововлезениот Џеси Лингард, кој и не добива премногу шанса кај Солскјер, ја заврши одличната соло акција со погодок и водство од 2-1.
Се играше 93 минута кога при една акција на домашните топката удри во раката на Лук Шо. По ВАР асистенција домашните добија пенал, а Марк Нобл не беше сигурен реализатор, голманот Де Хеа е херојот на „црвените ѓаволи“, го одбрани неговиот удар и ги однесе трите бода во Манчестер.
По 5 одиграни натпревари, тимот од Манчестер заедно со лидерот на табелата Ливерпул имаат по 13 бода, до 4 победи и едно реми.
Во истиот термин екипата на Брајтон со 2-1 и со многу среќа го совлада тимот на Лестер Сити.
Мапеј во 35 минута од пенал ги доведе домашните во водство, а Дени Велбек во 50 минута зголеми на 2-0.
На 2-1 во 61 минута намали Џејми Варди, а подоцна, во 67 и во 86 минута гостите постигнаа уште два гола, ама и двата беа поништени поради офсајд, по ВАР сигнализација.
Изненадувачки, по 5 кола Брајтон е третопласиран со 4 победи и 1 пораз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
МЗТ загуби од Спартак Суботица
Фото/ Петр Стојановски/ АБА2
Кошаркарите на МЗТ го загубија првиот полуфинален натпревар во АБА 2 лигата. Вечерва во Скопје, МЗТ доживеа пораз од Спартак 73:78 (15:23, 16:12, 24:17, 18:26).
Лошата игра во првиот дел во кој му дозволија на гостинот апсолутна доминација во скокот го однесе МЗТ во пораз. Спартак, најдобриот тим во регуларниот дел од сезоната, преку скокот ја контролираше играта. Одличната секвенца на Војдан Стојановски во финишот на полувремето го доближи МЗТ на само четири поени негатива.
Американецот Гилион одлично го започна вториот дел, со седум поени во низа го врати МЗТ во водство. Се одлепи МЗТ на пет поени (55:50) во финишот на третиот период и тука застана.
Спартак предводен од Гордиќ стекна предност од 10 поени, предност која МЗТ успеа да ја преполови.
Војдан Стојановски со 20 поени, по три скока и асистенции и шест украдени топки го предводеше МЗТ. Двоцифрени беа и Делалиќ со 13, Танасковиќ со 12 и Гилион со 11 поени. Кај Спартак се истакна Гордиќ со 16 поени и шест асистенции.
Реваншот се игра за една недела во Суботица.
Спорт
Катастрофа за Милвоки се повреди и Лилард
Кошаркарот на Милвоки, Демијан Лилард заработил повреда на Ахиловата тетива, објавија сите НБА инсајдери.
Лилард играл последните недели и покрај проблемите со Ахиловата тетива, и ја влоши состојбата во последниот дел од третиот натпревар од првото коло од плеј-офот против Индијана.
Плејмејкерот на Милвоки мора да носи ортопедска чизма и под знак прашалник е за четвртиот меч (понеделник, 01.00 часот) во серијата во која Пејсерси водат со 2:1.
Бакс веќе играат без Јанис Адетокумбо, кој ќе ја пропушти првата рунда, а неговата сезона многу лесно може да заврши доколку Милвоки биде елиминиран.
Во првите три натпревари во плејофот, Лилард имаше просек од 32,3 поени и 5,7 асистенции по натпревар.
Спорт
(Видео) Нула во италијанското дерби
Фудбалерите на Јувентус и Милан одиграа без голови во дербито од 34. коло од Серија А. Нерешениот резултат му оди во прилог на Милан, црвено-црните имаат пет бода повеќе од Јувентус и извесно е дека ќе ја задржат втората позиција до крајот на сезоната.
Првиот дел донес ерамноправна ира на двете страни, без серизно шанси, исклучок е обидот на Влаховиќ, кој се закани од слободен удар, но Спритиело одбрани.
Во вториот дел Јувентус беа подобри на теренот. Спортиело го одбрани ударот на Костиќ, а потоа и обидот на Милик. Меѓу двете шанси на Јувентус, госѕите се заканија преку Лофтус Чик по одличен удар од далечина.
Најдобрата шанса на мечот Јувентус ја имаше во 86.минута, кога единствениот кикс го имаше голманот на Милан, но удаорт на Рабио од гол-линијата го одбрани Тиао.