Македонија
Македонци уапсени во Хрватска – со измами украле над 26.000 евра од минувачи
Двајца македонски државјани се упасени под сомнение дека извршиле пет измами и тешка кражба, предизвикувајќи материјална штета од околу 26.000 евра, соопшти сплитската полиција.
Станува збор за лица на возраст од 76 и од 68 години од Македонија кои извршиле пет кривични дела измама во август и септември на подрачјето на Сплит, Трогир и Примостен.
Двајцата Македонци чекале пред банки, пошти, болници и приоѓале главно на повозрасни лица. Се преправале дека се странци кои имале сообраќајна несреќа. Еднот глумел дека е од Израел, а другиот од Шведска.
На жртвите им барале помош со преводот околу исплаќањето на наводната оштета. Потоа приказната доаѓала до продажба на лажни златни часовници. Лажниот Израелец потоа почнувал да раскажува тажна приказна дека има финасиски проблеми, дека сопругата му е налекување и мора да му плати на докторот. Го нудел лажниот златен часовник за кој тврдел дека вреди 15 илјади евра на „Швеѓанецот“. Жртвите наседнувале на приказната и нуделе повеќе пари за часовникот од лажниот Швеѓанец.
Луѓето оделе во банка, и ги носле парите. „Израелецот“ се преправал дека ги става во торбичка, која им ја давал на жртвите да ја чуваат додека тој оди во болница кај жена му. Договорот бил, жртвите да го почекаат да се врати и да им го предаде часовникот.
Но, всушност, измамниците успевале во торбичката да подметнат плико без пари. Жртвите чекале одреден период и сфаќале дека се измамени.
При истрагата, полицијата од Сплит извршила претрес на возилото кое го користеле измамниците и на куќата во која живееле. Проналше голема сума од украдените пари и лажни златни часовници.
Двајцата Македноци се во притвор. За повозрасниот имало три меѓународни потреници, од Македонија и од Австрија и Словенија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Битиќи: Во среда да гласаме и да избереме заедништво и соживот
„Ви се обраќам со длабоко чувство за важноста на двојните избори во среда. Државата ни е на крстопат, одлуката која ќе ја донесеме ќе ја обликува судбината на Македонија во годините што доаѓаат. Вашиот глас нема да биде само исполнување на граѓанска должност, туку и влог во наследството кое ќе го оставиме“, вели во видео обраќање Фатмир Битиќи, потпретседател на СДСМ и коносител на листата на кандидати за пратеници на Коалицијата за европска иднина во изборна единица 2.
Тој истакнува дека секој глас е скапоцен, притоа посочувајќи дека избори може да се добијат или изгубат со мали разлики, но со големи последици.
„Затоа секој од вас е важен за да продолжиме по нашиот пат кон Европската унија. Да не дозволиме да отстапиме од тоа што седум години го градиме заедно и внимателно. Вашата желба за европски стандард и квалитет на живот е најважна, а тоа може да го исполниме со заокружување на бројот 1“, вели Битиќи.
Потпретседателот на СДСМ и кандидат за пратеник, Битиќи, потсетува дека пред седум години излеговме од сенките на поделеноста и заробената држава, притоа предупредувајќи дека национализмот и изолацијата повторно демнат, како што тој вели, на нашиот праг.
„Тоа не треба да не’ плаши бидејќи ние ја имаме моќта да одлучуваме за нашата судбина. Секој од нас сноси одговорност, никој не е изоставен. Без разлика дали сте земјоделци, учители, доктори или студенти – вашиот глас е важен. Затоа на 8 мај излезете на гласачките места и дадете го својот глас за СДСМ и Коалицијата за европска иднина, изберете го напредокот, оставете зад себе наследство на напредок, единство во различностите и просперитет“, порачува Фатмир Битиќи, коносител на листата на кандидати за пратеници на Коалицијата за европска иднина во изборна единица 2.
Македонија
Демократски сојуз ги повикува граѓаните да гласаат за Силјановска и ВМРО-ДПМНЕ
Демократскиот сојуз на Павле Трајанов ги повика граѓаните да гласаат за Гордана Силјановска Давкова и за коалицијата предводена од ВМРО-ДПМНЕ.
-Партиите кои се на власт, кои ги разградија институциите, ја криминализираа државата, ги загрозија националните и државните интереси, ги доведоа граѓаните во очај и предизвикаа масовно иселување, треба да одат во опозиција и да одговараат за грабежот и загрозувањето на опстанокот на државата. Во овие сложени состојби кога се одлучува за иднината на Македонија, Ве повикуваме на масовно гласање за промени, за Гордана Силјановска Давкова (2) и за кандидатите за пратеници на Коалицијата ТВОЈА МАКЕДОНИЈА, предводена од ВМРО-ДПМНЕ (Број 2), се вели во соопштението.
Македонија
Возач загина во сообраќајка на експресниот пат Штип-Кочани, повредени жена и две деца
Триесет и деветгодишен маж загина, а три други лица, од кои две малолетни, се повредени во сообраќајна несреќа што синоќа околу два часот по полноќ се случила на експресниот пат Штип-Кочани.
Во несреќата која била пријавена во 2:24 часот изутрина, учествувало само едно возило. Автомобилот „рено лагуна“ со скопски регистрации излетало од коловозот во близина на клучката кај селото Крупиште.
Возачот – 39-годишен маж од Скопје – починал, а сопатничката и двете деца се здобиле со повреди и се пренесени во болницата во Штип.
Увидот во несреќата е во тек.