Свет
Никола Саркози прогласен за виновен за незаконско финансирање изборна кампања
Поранешниот француски претседател Никола Саркози е прогласен за виновен за нелегално финансирање на изборната кампања во 2012 година.
Саркози (66), кој ги негира обвинувањата, не беше на суд за време на изрекувањето на пресудата.
Тој е обвинет дека потрошил речиси 22,5 милиона евра, речиси двојно од максималната законска сума, за својата кампања за реизбор во 2012 година, а потоа загуби од социјалистот Франсоа Оланд.
Обвинителите тврдат дека Саркози знаел оти неговите трошоци, кои се строго ограничени со францускиот закон, се приближуваат до законскиот максимум. Тој е обвинет за игнорирање две белешки од неговите сметководители, кои го предупредиле дека има проблеми со финансиите.
Освен на Саркози, им се судеше и на 13 други лица, меѓу кои и членови на неговата конзервативна Републиканска партија, сметководители и шефови на секторот за комуникации задолжени за организирање на собирите. Некои ги признаа прекршоците и детаљно опишаа што презеле за да го прикријат прекумерното трошење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.