Спорт
Шпанија повторно без играчи од Реал, Енрике го повика Гави за завршниот турнир во Лигата на нации
Шпанскиот селектор Луис Енрике, повика 23.фудбалери за завршниот турнир во Лигата на нации, кој ќе се одржи од 6. до 10.октомври. Енрике ја изненади јавноста со повикот што го упати до 17-годишниот фудбалер на Барселона, Гави. Забележливо е дека Енрике повторно не повика во националниот тим ниту еден играч на Реал Мадрид.
Завршниот турнир во Лигата на нации ќе го пропуштат повредените Џерар Морено, Алваро Мората и Џорди Алба. Поради тоа во тимот се повикани напаѓачот на Виљареал Јереми Пино и играчот на Спортинг од Лисабон, Педро Поро.
„Опасно е кога ризикувате со млади играчи во кои не веруваш. Не се сомневам дека тој во иднина ќе биде важен играч за Шпанија. Можеби избрзав што го повикав, но годините не се важни. Ми се допаѓа она што го гледам, сакам да го видам во нашиот тим, да видам дали ќе се вклопи во нашата игра. Тој е и повеќе од подготвен“, ја образложил Енрике одлуката да го повика Гави.
Дополнил дека верува во квалитетите на Маркос Љоренте од Атлетико Мадрид, за кого бил убеден дека би го дал својот придонес и како голман.
На списокот на Луис Енрике се голманите Унаи Симон, Давид Де Хеа и Роберт Санчес, дефанзивците Педро Поро, Цесар Аспиликуета, Емерик Лапорт, Ерик Гарсија, Ињиго Мартинез, Пау Торес, Серхио Регуилон и Маркос Алонсо.
Повик од играчите од редот за врска добија Родри, Серхио Бускетс, Гави, Коке, Микел Мерино, Педри, Маркос Љоренте, Пабло Сарабија, Пабло Форналс и Микел Ојерсабал, додека напаѓачи се Јереми Пино и Феран Торес.
Завршниот турнир во Лигата на нации ќе се одржи во Италија, во Милано и Торино. Шпанија ќе игра против Италија на 6.октомври во Милано, ден подоцна во Торино ќе се сретнат Франција и Белгија.
Финалето е на 10.октомври во Милано.
? OFICIAL | ¡¡Estos son los elegidos por @LUISENRIQUE21!!
23 jugadores conforman la CONVOCATORIA del técnico asturiano para la Final Four de la #NationsLeague.
? La @SeFutbol se estrenará en semifinales contra Italia el miércoles 6 de octubre.
?? ¡¡#VamosEspaña!! pic.twitter.com/XPHc8Xll4v
— Selección Española de Fútbol (@SeFutbol) September 30, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.