Црна хроника
Место да плати вперил пиштол во таксист
Таксист кој превезувал непознат патник од Кочани до Штип, место да наплати, се соочил со пиштол пред него, соопшти полицијата.
Имено, во саботата во СВР-Штип, А.А.(1988) од Кочани, пријавил дека околу 14 часот вршел превоз на непознат патник со „Голф“ од градскиот плоштад во Кочани до Штип.
Кога пристигнале во Штип, во близина на АД „Стопанска Банка“, тој од патникот побарал пари за такси услугата, при што овој извадил пиштол кој го вперил кон него и му се заканил со зборовите: „Бегај од тука, какви пари бараш“ и го напуштил возилото.
По превземените мерки дојдено е до сознание дека можен сторител на кривичното дело е Г.Т.(1985) од село Долни Балван, штипско./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.