Црна хроника
„Метастаза“: Притвор од 30 дена за приведените
Со лисици на рацете од Основниот суд 1, триесет и тројцата лекари, претседатели и членови на комисиите за доделување на инвалидски пензии попладнево беа однесени во истражниот затвор во Шутка, јавува Макфакс
Роднините на уапсените со извици „ова е политичка хајка“, „ништо не ви можат, невини сте“, а некои и со солзи на очите, ги испратија уапсените во затвор со седум полициски комбиња.На сите триесет и седум осомничени, од кои четворица се недостапни за полицијата им е одреден триесетдневен притвор, дури попладнево, по распитот кој траеше повеќе од 12 часа.„Мојата сопруга сто посто не е инволвирана во ништо, ова е најголемата мафија што постои во државата. Уапсени се луѓето што немаат врска со оваа работа. Оваа држава, да биде држава треба да ги уапси правилните луѓе, а не да уапси луѓе кои воопшто не се инволвирани. Сега одам кај премиерот да го прашам што значи ова за нашата држава“ вели Стојан Силјановски, сопруг на една од обвинетите.„За да се определи притвор мора да постојат силни причини за секого поединечно, не може да се стави се на куп. Притворот во секоја правна држава е последна мерка за обезбедување на присутност“ вели адвокатот на еден од обвинетите кој бил инволвиран како помагач, Владимир Ракочевиќ.Во вчерашната полициска акција „Метастаза“, беа уапсени 33 лекари, претседателот на ревизионата комисија, претседателката на првостепената комисија за доделување на инвалидски пензии, членови на комисиите, 17 лекари и други помагачи. Четворица се уште се недостапни за полицијата.Тие се товарат дека со злосторничко здружување, неправилно доделувале инвалидски пензии, на лица кои им плаќале одреден надомест.Се стекнале со нелегална имотна корист од 165.000 евра, а Фондот за пензиско и инвалидско осигурување го оштетиле за 53.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена физички нападната од возачот на автобус на ЈСП
Вчера во 17.15 часот во СВР Скопје, С.Б.(60) од Скопје пријавила дека околу 10.20 часот на автобуска постојка на Транспортен центар-Скопје била физички нападната од едно лице – возач на автобус на ЈСП.
Се преземаат мерки за расчистување на случајот.
Црна хроника
Импровизиран кревет и забоден кујнски нож нашла Кацарска пред гаражата – заканите се пријвени во МВР
Претседателката на Уставниот суд, Добрила Кацарска, пријавила во МВР дека добила закани за својот живот.
Од полицијата информираа дека случајот бил пријавен во текот на вчерашниот ден.
„Од страна на Д. К. било пријавено дека на подрачјето на Центар во подземни гаражи, пред нејзиното гаражно место, биле пронајдени импровизиран кревет и кујнски нож, кој бил забоден на прекинувачот за светло“, велат од МВР.
За случајот известен е јавен обвинител, предметите се подигнати за вештачење и се преземаат мерки за расчистување на случајот.
Црна хроника
Во хотелска соба во Охрид пронајдена почината 82-годишна жена од Аргентина
82-годишна жена била пронајдена почината во Охрид, соопшти полицијата.
Имено, на 14.5.2024, во 7.15 часот, во СВР Охрид е пријавено дека во соба во хотел во Охрид, каде што престојувала, била пронајдена почината Р. В. Б. (82) од Аргентина.
Лекар од итната медицинска помош констатирал смрт без видливи траги на насилство.
Надлежните извршиле увид.