Македонија
Ѓуровски: Ниту една партиска книшка не може да ги замени индексот и универзитетската диплома
За да бидеш професор и дел од академската заедница, треба да имаш дигнитет, а не суета, а студентот интегритет. За да бидеш студент, треба индексот да ти е книшката што најмногу ја сакаш, а не членската од партија. Ниту една партиска книшка не може да го замени вашиот индекс, а утре да биде замена и за вашата диплома, порача проректорот на Универзитетот „Св. Климент Охридски“, професорот Марјан Ѓуровски, од свечениот академски час на Правниот факултет во Битола.
Според вториот човек на УКЛО, професор Ѓуровски, денес немањето подмладок и асистенти на сите државни факултети ио доведува во прашање нормалното функционирање на високото образование и изведувањето практични вежби за студентите.
„Професорите вложуваат дополнителни напори, но веќе еднаш високото образование не смее да биде третирано како сирак во државата и да се гледа одвоено кон него зашто промените само во основното и средното образование, чии реформи ги поздравуваме и се добри, но без сериозни вложувања во високото образование нема да ги дадат потребните ефекти во целост за целокупното македонско општество“, порача тој.
Ѓуровски искажа увреување дека овој алармантен проблем ќе биде надминат зашто, како што рече, некои факултети во блиска иднина нема да може во целост да ги реализираат акредитираните студиски програми, односно, за жал, веќе одамна вежбите не се дел од редовните универзитетски активности.
Повик до студентите да се вакцинираат
„За да излеземе што побгу од пандемијата на Ковид-19, секој од нас ќе треба да се вакцинира“, нагласи Ѓуровски.
Проректорот порача дека младите како студенти треба да веруваат во научните дострели наместо во теории на заговор.
„Сакајќи да се заштитите себеси, но и своите блиски, родители, баби и дедовци, потребно е да се вакцинирате доколку тоа досега не сте го направиле, само така заеднички ќе ја победиме пандемијата и сите заедно целосно ќе се вратите во предавалните и амфитеатрите. Само така ќе му се вратиме на нормалното живеење“, напомена проректорот.
Борба против корупцијата на Универзитетот
Од денешниот прв ден на новата академска година Ѓуровски ја потенцира заложбата за универзитет без корупција како заедничка задача во високото образование преку засилување на капацитетите на Универзитетот и студентските тела за имплементирање на Законот за заштита на укажувачите.
„Само преку стабилен правен систем ќе може да обезбедиме системско владење на правото на целата територија на државата. Со заеднички сили треба да дојдеме до целта професиолен високообразаван кадар, кој може да биде столб на правниот и политичкиот систем и процесот на професионализација, департизација и декриминализација на институциите што се борат против организираниот криминал и корупцијата или се грижат за почитување на Уставот и примената на законите. Вие сте браникот, вие сте идниот чадор од правната несигурност во земјата, што се провлекува цели три децении“, рече Ѓуровски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.