Македонија
Шилегов: Од 150 до 200 евра помал годишен трошок за родителите со дете во градинка или училиште, двојно за оние со две
На денешната прес-конференција градоначалникот на Град Скопје го претстави планот, на сите скопски кандидати на коалицијата на СДСМ, за задржување на младите во Скопје, за среќни деца и родители, за просперитетни млади и студенти.
„ Скопје е солидарен град и како таков има должност да вложува и ги поддржува сите, да ги поттикнува да останат и живеат во градот и да создава услови за квалитетен живот на сегашните и идните генерации. Водени од оваа идеја, денес го презентираме заедничкиот план за финансиска поддршка на неколку многу важни категории граѓани, младите, студентите, сегашните и идните родители. Тие студираат, работат, родителите се грижат децата и сe вo период од животот во кој секој денар им е важен. Како родител и градоначалник, знам колку е за нив важна финансиската поддршка во овој период од животот и затоа ние излегуваме во пресрет“, изјави градоначалникот Шилегов.
– Прво, го субвенционираме згрижувањето на децата во државните градинки преку покривање на максимум 50% од месечниот трошок. Ги поттикнуваме семејствата да останат во Скопје, тука да се развиваат и остваруваат. Понатаму, сите ученици од државните основни училишта во градот ќе добиваат до 50% поевтин оброк за време на престојот во училиште. Родителите ќе можат да задржат до 200 евра годишно во семејниот буџет, ако ја земеме сумата од 2.000 денари месечно што денес во просек ја трошат за оваа намена. Оброкот го правиме подостапен за секое дете, а на родителите им ги намалуваме фиксните месечни трошоци, продолжи Шилегов.
– За остварување на желбата за потомство, го помагаме процесот на биомедицинско потпомогнато оплодување преку финансиска поддршка на паровите. Го дополнуваме семејниот буџет за дополнителните трошоци што не се признаени со основните поволности на Фондот за здравствено осигурување или во дополнителен обид кој не е покриен од Фондот. Ја поддржуваме храброста и упорноста за посреќни семејства во нашиот град. Непризнаените хормонски терапии на фондот се минато. Сакате да продолжите да се обидувате и по третиот обид? Градот е тука финансиски да ве поддржи во вашите планови за семејство..
– За сите средношколци и студенти веќе обезбедивме бесплатен превоз. Сега тие бенефиции ги прошируваме и на оние што продолжуваат со образованието во нашиот град. Со ова сите кои се во процес на образование ќе може да се возат бесплатно во градскиот превоз. На сите постдипломци и докторанди кои студираат на државните универзитети во Скопје им овозможуваме бесплатен превоз во градските автобуси. Со тоа ги поттикнуваме да бидат поактивни во своите обврски и релаксирани во планирањето на својата мобилност низ градот, додаде Шилегов претставувајќи ја четвртата мерка.
– Обезбедуваме 100 стипендии во висина од 12.000 денари месечно за најдобрите средношколци од средните училишта на Град Скопје кои ќе се запишат на некој од државните универзитети. Ги поттикнуваме младите да вложуваат во себе, ги елиминираме финансиските тешкотии на семејствата и го вреднуваме трудот.
– За секој средношколец од државните училишта обезбедуваме бесплатно овошје за време на училишниот престој. Здравата исхрана е неопходна за виталност и здрав живот. Создаваме навики кај младите за здрава и среќна иднина, нагласи Шилегов во претставувањето на шестата мерка од планот финансиска поддршка на овие категории граѓани.
Мојот императив е среќни и задоволни граѓани во Скопје. Вложуваме во среќата за идните родители и за сите семејства во градот. Затоа со гордост го најавувам овој пакет мерки со кој инвестираме во квалитетот на живот. Градот станува еднаков за сите. За Скопје како што јас го сакам, еднаков за сите граѓани, транспарентен и солидарен град, град на успешен соживот. Постојаната комуникација со секој наш сограѓанин и подадена рака на секој на кого му е потребна е препознатлив пристап за нас. Ни претстои една поинаква приказна во социјалната слика на градот. Од Скопје правиме социјално сензитивен град за посреќни мигови, заклучи Шилегов на крајот од денешната прес-конференција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Петар Богојески од Републиката напиша писмо до граѓаните
Стоејќи исправен и горд пред споменот на основачите на македонската Република, тука од изворот на републиканството и македонството, длабоко убеден во Идеалот на Илинден за слободна Македонија на сите родени во неа, го упатувам ова писмо во очи на парламентарните и претседателски избори кои треба да се одржат на 8ми Мај 2024 година, до сите граѓани на Република Македонија, независно од нивната етничка, верска или политичка припадност, како непоколеблива верба во европските и светски цивилизациски вредности, во духот на Универзалната декларација за човечките права на Обединетите нации, донесена пред повеќе од 80 години.
Писмото од Републиката е базирано на единственото прашање кое ги обединува сите граѓани на оваа земја, идеалот на републиканската традиција која е јасно изразена во Манифестот на Крушевската република во далечната 1903 година, како прва Република на Балканот, заедно со Заседанието на АСНОМ на вториот Илинден на 2 ри Август 1944 година, во присуство на делегации на сојузничките сили на победниците над фашизмот, кои беа интернационални сведоци и поддржувачи на формирањето на македонската држава, во рамки на југословенската федерација.
Врз овие два историски настани е базирана нашата државност, која по крвавото распаѓање на Југославија, резултираше со масовниот Референдум за независна и самостојна Република Македонија на 8ми Септември 1991 година, по падот на Берлинскиот ѕид и беше неприкосновен доказ за европеизацијата на Балканот, оценета од Бадинтеровата комисија како чин кој единствено на Словенија и Македонија им препорача влез во Европската Унија, кој за нас не се оствари бидејќи се разбудија анахроните сили на Балканот, со обидите за разорување на македонското државотворно и граѓанско, национално право да стане дел од европската заедница на народите.
Почитувани македонски граѓани и граѓанки, по повеќе од три децении уцени, понижувања, манипулации, покрај тоа што Република Македонија ја потпиша Спогодбата и стана кандидат за влез во Европската Унија уште во 2000 година, до ден денес трае тој процес на разнебитување на нашата државност за која дописникот на францускиот весник “La Croix”, напиша:
„Македонија или загрозениот идеал на Балканот, треба да преживее по секоја цена, за да се оствари европската и евроатланската интеграција на тој регион, бидејќи во неа Националната телевизија емитува ТВ дневник на 7 јазиици. Таа е единствената земја на Балканот во која албанскиот и турскиот театар слават 60 години, каде што има образование и издавачка дејност на сите балкански јазиици. Македонија е вистинска лабораторија на европските вредности на Балканскиот полуостров! Ако биде уништен македонскиот хуманизам и етничкиот соживот, тешко ќе биде да се верува во дека Европа ќе може да го интегрира Балканот како целина, бидејќи има земји кои сега, за жал се членки на ЕУ, а кои не признаваат ниту едно малцинство, ниту еден јазик, освен мнозинскиот!“
„Одот по маките“ за најтолерантната земја на Балканот продолжи и по кризата со Косово и нападот на НАТО врз Србија и по нападот на косовскиот протекторат на ООН врз Македонија во 2001 година, по која Рамковниот договор требаше да донесе цврста
основа за македонската европска иднина.
Го преживеавме повеќедецениското вето на соседна Грција за името на Република Македонија, кое беше променето со методи, незапаметени по својата бруталност во парламентарната историја на Европа и кое резултираше со Преспанскиот договор и констатирање на влезот на Македонија во НАТО, одлука донесена на Букурешкиот самит на Алијансата уште во 2008 година. На тоа предходеше и Договорот за „добрососедство“ со Бугарија и лажното ветување дека „вратите на Европа ќе бидат широко отворени“ за нас Македонците.
Всушност иронијата нема крај. Сега вратите ни се широко затворени, со новото вето од соседна Бугарија. Македонија е повторно уценета да се откаже од својот етнички идентитет и македонски јазик, за да влезе во ЕУ како „земја инвалид“ под бугарски
услови и преговарачка рамка, досега непознати во европската историја.
Замислете, Бугарија која во својот Устав, не признава ниедно малцинство и ниеден друг идентитет, како врпочем и Грција, бара од Македонија да го промени својот Устав, а тие не ги применуваат 16те пресуди на Европскиот суд за човекови права од Стразбур за признавањето на основните етнички и човекови права на Македонците во таа земја.
Ние веруваме во визијата на таткото на ЕУ, Жан Моне дека Европа е нашиот заеднички дом. Ние на ЕУ гледаме како на можност за зацврстување на македонската државност, а не за нејзино укинување. Унапредување на институционалните капацитети, а не нивно рушење. Доколку ЕУ не е подготвена самата себе си да се почитува и да практикува европски вредности врз кое е основана, тогаш ние сме тука да и помогнеме и да ја освестиме за кривиот пат по кој тргнала. Убедени во капацитетите на европската јавност, тоа да го препознае и поткрепи.
Јас со ова Писмо од Републиката, сакам да ве потсетам на зборовите на големиот француски хуманист Жан Жорес, кој ги искажа пред 110 години и кои се запишани во новата европска историја, како да се изговорени вчера: „Сиромашни какви што сме, Татковината е нашето единствено богатство.“
Еден историски настан од новата политичка историја на Македонија, може да биде симболичка основа на желбите и стремежите на македонскиот народ и на сите граѓани на Република Македонија, кога претседателот Борис Трајковски на покана на колегата од Француската Република Жак Ширак истата ја посети, а со тоа започнаа и стратешките дирекни преговори за членство на земјава во ЕУ. По тој повод беше дадена заедничка изјава и соопштение, од кои издвојувам еден заклучок: „Република Македонија е една, единствена и неделива!“ Посочувам дека клучот за влез на Македонија во ЕУ, стои во Париз, а не во Софија. Помирување со Париз, поминува преку одрекување од Софија. Тоа е историски процес, кој никој не може да го запре. Со намера потсетувам на овој значаен настан во овие сложени времиња и си припомнувам на зборовите на тогашниот претседател на Европската комисија, Романо Проди кој уште тогаш повикуваше на брз прием на Македонија во ЕУ. При една неодамнешна посета на Охрид, по повод прием на Светиклиментовата награда за хуманизам, истиот тој со истите зборови алудираше на тоа време и на сите изгубени децении до денес, изгубени во европскиот лавиринт и балканските шовинистички блокади за една Македонија во која била отворена првата средновековна школа на хуманизмот од учениците на Светите Кирил и Методиј, солунските браќа, кои папата Јован Павле Втори ги прогласи за Заштитници на Европа во далечната 1980 година, единаесет векови после нивната смрт. Тоа токму поради нивната бесмртна визија дека во Европа и во светот, треба да владее „Цивилизација на љубовта“.
Писмото од Републиката до сите граѓани родени во Македонија и до сите мирољубиви граѓани на Балканот, Европа и светот, го завршувам со овие зборови и ве повикувам да го поддржите Македонски Концепт како национален, граѓански концепт, во времиња во кои владеат и беснеат војни на различни мердијани и да се потсетиме на големиот пријател на светската прогресивна интелигенција, поранешниот политички затвореник и претседател на Чешката Република, кој и денес е светски идол, Вацвал Хавел:
„Секаде каде што убиваат, не убиваат сите нас!“.
Во име на животот и цивилизацијата на љубовта, да веруваме дека никој не може да ни го одземе нашето право на постоење и нашиот етнички идентитет, како на секој поединец и секој народ на планетата Земја! Тоа право е нашата црвена линија за сите,
вклучително и за ЕУ! Свесен дека ќе има повторно грешки и од тие на кои им поклонивме доверба, им дадовме поддршка да управуваат со Републиката во следните години, ве повикувам таа одлука да ја запечатиме на 8ми Мај, со тоа што грмогласно и непоколебливо ќе кажеме ДА за број 2. Убеден дека тоа ќе биде печат на зацврстување на македонската Република во вкупната нејзина полнота.
Поздрав од Републиката!
Крушево, 06.05.2024 година
Петар Богојески
ПР текст
Скопје
Посебен режим на сообраќај утре во Скопје поради денот на полицијата
Министерството за внатрешни работи ги известува граѓаните на Скопје дека утре поради одржување на настан за одбележување „7 Мај – Ден на полиција“, во периодот од 08.00 до 18.00 часот за сообраќај ќе биде затворен бул.„АСНОМ“ на потегот од крстосница со бул.„Србија“ до крстосница со бул.„Февруарски поход“. Единицата за безбедност на патниот сообраќај при СВР Скопје ќе преземе мерки за пренасочување на сообраќајот.
Секторот за внатрешни работи Скопје апелира до сите учесници во сообраќајот да се почитуваат наредбите кои ќе ги даваат полициските службеници.
Македонија
Снопче ја праша ДУИ: Со која партија ќе формирате влада и зошто не го поддржувате Пендаровски во вториот круг
Кандидатот за пратеник од коалицијата ВЛЕН Халил Снопче изјави дека „Европски фронт“ не може да се промовира со старата гарда на Груевски.
„Велиме дека Груевски бил најкриминализирана сила. Не можете да го промовирате „Европскиот фронт“ со кандидат за пратеник на црната листа на Америка. Не можете да го промовирате „Европскиот фронт“ со целосно неприродна соработка. Мендух Тачи го нарече Али Ахмети, убиец. Зијадин Села пак, рече дека тој бил организатор на 27 април, дека Али Ахмети ја нарачал неговата елиминација а сега ги здружуваат силите“, рече Снопче.
Според него, ДУИ се уште не се изјасниле со која партија ќе коалицираат во идната влада.
„ДУИ мора да каже. Ако сака да биде во владата, со која партија ќе коалицира. Не се изјаснија“, рече Снопче.
Снопче додаде дека ДУИ од една страна ја критикува ВМРО, а од друга страна ги моли оние што ги критикуваат.
„Следната влада ќе се создаде со 61 пратеник, затоа ја прашувам ДУИ со која партија ќе формира влада. Според резултатите од 24 април, ако ги претвориме во мандати, СДСМ ќе добие 24 пратеници. Максим Димитриевски рече дек не влегува во влада со ДУИ. ДУИ може да формира влада само со ВМРО, додека ВМРО изрази дека нема место за ДУИ во следната влада”, рече Снопче, апелирајќи до ДУИ да посочи со која партија ќе формира Влада.
Снопче на крајот ја праша и ДУИ зошто не го поддржуваат Стево Пендаровски во вториот круг како што го поддржаа на претседателските избори во 2019 година како консензуален кандидат.