Трофејниот италијански тренер Масимилијано Алегри од следната сезона ќе го води Ал-Ахли од Саудиска Арабија.

Двете страни постигнаа договор, а оваа информација ја пренесе Фабрицио Романо.

Алегри е без работа од минатата сезона, кога на крајот на сезоната доби отказ во Јувентус.

Тој ќе го предводи тимот кој моментално е петти на табелата со 14 бода помалку од лидерот Ал-Хилал. Ал Ахли три пати беше шампион на Саудиска Про лига, последен пат во 2016 година.

Алегри, покрај Јувентус, со кого пет пати беше шампион на Италија, исто толку пати освојувач на купот, два пати освојувач на Супер купот и два пати финалист во Лигата на шампионите, раководеше со Милан со кој победи Серија А и Супер купот, а ги водеше и Каљари, Сасуоло, Гросето, СПАЛ и Аланезе.

Манчестер јунајтед беше на прагот на катастрофален пораз од последнопласираниот тим во Премиер лигата, но успеа да направи пресврт во последните минути и да слави со резултат 3:1 (0:1).

Избраниците на Рубен Аморим губеа уште од 43. минута кога несреќниот Угарте си постигна автогол за водство наСаутемптон на „Олд Трафорд“.

Во следните минути видовме, Јунајтед напаѓаше, а во последните 12 минути се решеи Аманд Диало.

Крилниот напаѓач постигна хет-трик. Мрежата на Рамсдејл ја погоди во 82., 90. и 94.минута.

Звучи чудно, но Јунајтед со овој триумф скокна на 12. место на табелата со 26 освоени бодови.

Саутемптон останува последен со само шест од 21 одигран натпревар.

Реал Мадрид е последниот учесник во четвртфиналето на Купот на Кралот, откако по продолженијата ја совлада Селта Виго со 5:2.

Килијан Мбапе во 37. минута и Винисиус Жуниор во 48. минута беа стрелци за водство на Реал од 2:0, а се чинеше дека мадриѓаните рутински ќе се пласираат меѓу осумте најдобри.

Селта сепак не се предаде, прво резервистот Џонатан Бамба го намали резултатот на 1:2 во 83. минута по грешката на Камавинга, а потоа Маркос Алонсо реализираше пенал во 90+1 минута. минута и со тоа го доведе натпреварот во продолженија.

Во финишот на регуларниот дел судијата Мунуера, можеше но не досуди пенал за Селта откако топката во рака го погоди Белингем.

Слична ситуација имаше и на почетокот на продолженијата кога топката во рака го погоди Ридигер.

Карло Анчелоти беше принуден да ги испрати сите расположливи сили на теренот, а во продолженијата резервите Ендрик и Валверде ставија точка на натпреварот. Бразилецот погоди во 108. и 119. минута, а Федерико Валверде во 112. минута постигна спектакуларен гол.

И додека Анчелоти со оваа победа се спаси од отказ, не успеа да ги побегне свирежите на навивачите на Реал. Искусниот тренер доби заглушувачки свирежи.

😱 Le public du Santiago Bernabéu s’en prend à Aurélien Tchouaméni et Carlo Ancelotti ! @damiancasol pic.twitter.com/fWrKXmfHty

— Le Journal du Real (@lejournaldureal) January 16, 2025

Покрај Реал во четвртфиналето ќе играат: Барселона, Атлетико, Реал Сосиедад, Осасуна, Леганес, Хетафе.