Македонија
„Ако влезам во Советот, нема повеќе дремење на телефони, туку битка за Охрид“ – дуел со кандидатите за советници на Охрид
Стевче Стевоски, кандидат за советник во Охрид, смета дека нема потреба да го саботираат ако влезе во Советот на Градот, туку вели дека тој тоа ќе го прави секојпат кога ќе се обидат другите да гласаат нешто спротивно од интересите на граѓаните. Смета дека плажите се уривале селективно, за кои потенцира дека биле користени само од активисти на СДСМ и ВМРО-ДПМНЕ. Според Стевоски, со влегувањето во Советот на Охрид тоа нема да биде место за дремење и гледање во телефоните, туку, како што рече, тоа ќе биде место каде што ќе се бие битка за подобар Охрид.
„Тој човек не е тоа што е во јавноста. Тој е обичен човек што го возвишија двете политички партии, ВМРО-ДПМНЕ и СДСМ, желни за нивната власт, за да ја добијат и да раководат со Општина Охрид. Го искористија човекот, односно тој работеше за двете политички партии. Со него победуваа и ги правеа сите бизниси во Охрид. Вината не е кај тој човек, туку кај нашите луѓе што потклекнаа пред интересите на еден човек. Од владеењето на овие две партии ние трпиме штета и денес. Најголемиот проблем е што вие сте матрица, вашиот ген не се менува. Што видовме добро ние за овие четири години, освен капитални инвестиции од Владата, дали имавме одговорност за долгот предизвикан од 50 милиони евра што јас ја барав. Тој долг е знак дека е настанат од одредени активности што биле спротивни на законот. Што е тоа што се направи во Охрид за 50 милиони евра, а треба да се врати? Кажете една-две инвестиции. Тоа е пералница на пари. Ако бидам советник, јас ви гарантирам дека таму можеби и стапови ќе играат и нема да донесете ниедна одлука која ќе биде неосновано задолжување на Охрид“, вели Стевоски за Усеини.
Кандидатот за советник, кој беше и во претходниот состав, Ристо Николески од СДСМ, посочи дека во идниот мандат, кој сметаат дека ќе го добијат, ќе се осврнат на развојот на општината и на туризмот преку текот на целата година. Тој посочи и проекти за млади со кои ќе ги задржуваат во општината, но и инфраструктурни зафати, кои ќе го сменат ликот на градот.
„Стереотип од некогашното владеење и величање одредени личности е дека двете партии ја уништуваат Македонија. Верувам дека Охрид и тимот што го владее градот доволно покажа ажурност, спремност, способност, да ги решат клучните проблеми што се напластувале. На независните им е многу лесно да кажат, но кога имаш багаж и кога си бил претходно на власт, може лесно да кажат дека ова не чини. Колку повеќе листи, толку подобра и подемократска општина. Се исчисти крајбрежјето, а сега ќе се прават плажи по мерка на граѓаните. Хаосот, особено во просторот на ‘Горица 3’ и ’Славија’, беше направен со бекатон и со дискотеки. Општината ќе се заложи за урбана опрема за развој на екологијата и туризмот на плажите. Јас ќе се обврзам за секоја дива градба што има решение за отстранување или е завршен судскиот процес – да биде отстранета. И дивата база и, верувам, односно знам дека таа ќе биде отстранета доколку ние дојдеме на власт“, рече Николески.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Воз удри во автомобил кај Зелениково, нема повредени
Во сообраќајна несреќа што се случи денеска кај Зелениково, воз удрил во патничко моторно возило, но за среќа, во инцидентот нема повредени лица.
Од Министерството за внатрешни работи информираат дека несреќата е пријавена во СВР Скопје во 18:10 часот. Според пријавата, воз удрил во автомобил управуван од Ж.М.К. (51) од Скопје, додека возот бил управуван од С.М.
На местото на несреќата веднаш пристигнала екипа на Итната медицинска помош Скопје, која констатирала дека нема повредени.
Полицијата изврши увид и работи на целосно расчистување на случајот.
Македонија
Гаши демантира дека ја напушта коалицијата Вреди, останува лојален на гласачите
Претседателот на Собранието, Африм Гаши, преку објава на Фејсбук ги демантираше информациите што се појавија во некои медиуми дека ја напушта коалицијата Вреди. Тој истакна дека останува член на партијата Алтернатива и дел од коалицијата Вреди, истовремено потенцирајќи дека како собраниски спикер ќе продолжи да ги извршува своите обврски согласно уставните надлежности.
„Како пратеник во републичкото Собрание останувам лојален на гласачите кои ме избраа на изборите на 8 мај 2024 година. Значи, Африм Гаши е член на Алтернатива во коалицијата Вреди. Како претседател на Собранието, се трудам да бидам еднаков за сите пратеници и пратенички групи, бидејќи тоа ми го наметнува уставната одговорност и функцијата што ја извршувам“, напиша Гаши.
По неодамнешните несогласувања со Арбен Таравари, лидер на едното крило на Алијансата за Албанците, од коалицијата Вреди најавија нов чекор кон поголемо политичко единство. Според најавите, следната недела ќе започне процедурата за создавање на единствена политичка партија што ќе ги обедини постојните партии од оваа коалиција.
Лидерот на Демократско движење, Изет Меџити, во интервју за емисијата „ПодГо“ на Телеграфи Македонија, изјави дека новата партија ќе има заеднички штаб, информативен центар, заеднички кандидати, програма и советнички листи за претстојните локални избори.
Македонија
Фетаи жестоко го нападна Ахмети: Лицемерно е да зборувате за достоинство, додека замижувавте пред злосторства
Вицепремиерот за добро владеење Арбен Фетаи, остро реагираше ден по изјавата на лидерот на ДУИ, Али Ахмети, кој оцени дека само Арбен Таравари сфатил дека позициите на Албанците во Владата се понижувачки. Фетаи го обвини Ахмети за лицемерие и му порача дека тој „не е ничиј слуга“.
„Ахмети рече дека Арбен Таравари разбрал оти Албанците во Владата го понижиле и девалвирале својот народ. Колку дрско лицемерие. Ахмети, јас не сум ничиј слуга. Чувајте го овој епитет за себе, вие кои посветено им служевте на антиалбанските сили и го легитимиравте секое злосторство врз Албанците“, напиша Фетаи на социјалните мрежи.
Тој постави и неколку директни прашања до Ахмети, обвинувајќи го за молк и неактивност во клучни моменти за албанската заедница.
„Каде бевте кога вашите министри уапсија мајка и ќерка Албанка лажно обвинети за исламистички тероризам? Дали некогаш сте проговориле кога државните структури убиваа албански патриоти? Дали кренавте прст кога толпи хулигани тепаа Албанци по улиците на нашите градови? Каде беше тогаш вашето достоинство?“, праша Фетаи.
Во неговата реакција, Фетаи го обвини лидерот на ДУИ дека ја прифатил агендата на ВМРО-ДПМНЕ и ги изневерил интересите на Албанците.
„Ти си тој што дозволи институциите финансирани од нашите даноци да ги навредуваат Албанците на национална основа. Ти си тој што прифати „Скопје 2014“ како национален проект и лавот на ВМРО-ДПМНЕ како илирски симбол. Замижувавте пред манипулациите со пописот. Испразнивте цели региони од Албанци. Никогаш во историјата немало поголемо понижување, повеќе предавство и мизерија отколку за време на вашето мрачно владеење“, порача Фетаи.
Според него, ДУИ единствено успеала во „збогатување на тесен круг луѓе“, додека народот, како што рече, останал да страда.
„Албанците не забораваат. Албанците не простуваат. Вашиот проблем е сметката – и таа ви тропа на врата“, заврши Фетаи.
Гаши демантира дека ја напушта коалицијата Вреди, останува лојален на гласачите
Претседателот на Собранието, Африм Гаши, преку објава на Фејсбук ги демантираше информациите што се појавија во некои медиуми дека ја...
Пет лица се повредени во сообраќајката кај „Градска болница“
Пет лица се повредени, од кои едно потешко, во тешка сообраќајна несреќа што се случи синоќа во центарот на Скопје,...
Меџити: Вреди ќе се менува, платформата станува партија
Од платформата Вреди наскоро ќе произлезе нова политичка партија, која ќе настапи обединето на претстојните локални избори. Како што најави...
Откриен големиот воен проект на Трамп, Илон Маск е вклучен во сѐ
Компанијата на Илон Маск, заедно со партнерите „Palantir“ и „Anduril“, моментално е еден од главните кандидати за развој на клучните...
Г.г. Стефан: Страдањето во Кочани нè соочи со суровата стварност на смртта, само надежта во воскресението ни даде утеха
Овогодишниот Велигден го доживуваме поразлично од досега, по страшниот пожар во Кочани во кој пострадаа шеесетина наши чеда, а повеќе...
Сиљановска-Давкова: Од велигденската светлина да црпиме сила за солидарност и човечност
Претседателката на државата, Гордана Сиљановска-Давкова, упати велигденска честитка до поглаварите на верските заедници и до сите верници од христијанска вероисповед...
Христос воскресе објавено во полноќните литургии, црквите преполни со верници
Православните верници денеска го одбележуваат најголемиот христијански празник – Велигден, денот на Христовото воскресение, кога, според верата, Исус Христос ја...
Сончево и топло низ целата земја, температури до 27 степени
По нестабилностите од претходните денови, денес ќе има стабилизација на времето во целата држава. Ќе биде сончево и топло, со...
За Зеленски велигденското примирје на Путин е нова манипулација
Украинскиот претседател Володимир Зеленски изрази скептицизам во врска со едностраниот велигденски прекин на огнот, објавен денеска од рускиот претседател Владимир Путин. Во...
Путин објави велигденско примирје
Рускиот претседател Владимир Путин објави велигденско примирје и запирање на сите воени операции, соопшти Кремљ. – Руската страна, водејќи се...
Родителите на децата загинати во пожарот во Кочани: Живееме за да одиме на гробишта, да си помуабетиме со нашите деца
Обвинители, дали нашиот молк, тишината и тагата по нашите деца, кои се убиени, ви даде право да ослободите лица кои...
Деветнаесетгодишно момче загина откако со БМВ излета од пат
Момче на 19-годишна возраст од село Миравци, загина утрово околу четири часот кога со автомобил БМВ, што го управувало, излетало...
МВР го објави идентитетот на загинатите во тешката сообраќајка
На 18.04.2025 во 20.40 часот во ОВР Кичево e пријавено дека на магистралниот пат Кичево-Гостивар, кај место викано „Сеферов бунар“,...
Тошковски: Голема неприлагодена брзина е причината за сообраќајката во која загинаа три лица
Голема неприлагодена брзина е причината за трагедијата која вчера се случи на патот Кичево-Гостивар, а во која загинаа три лица....
Со протестен марш на семејствата, ќе се бара правда за настраданите во пожарот во Кочани
Во Кочани за денеска во 12:05 часот е најавен нов протестен марш на семејствата на настраданите во пожарот во дискотеката...
Три лица загинаа, а осум се повредени во сообраќајната несреќа на патниот правец Кичево-Гостивар
Три лица загинаа, а осум се повредени во сообраќајната несреќа што вчера вечерта се случи на патниот правец Кичево-Гостивар. Од...
Велигден е тука, но нашите деца ги нема, не прашува ли некој нас како ги минуваме деновите, пишува Златкова, мајка на загинато момче во дискотеката во Кочани
Велигден е тука, но нашите деца ги нема. Престанаа да им чукаат срцата, ги закопавме во црната земја. Некои биле...
Одземени возила: биле користени во „диви“ трки во Куманово
На 16.04. и 17.04.2025 во СВР Куманово било пријавено дека на автопатот Куманово – Скопје се одвиваат диви трки со...
Синдикатот на културата разочаран од Љутков: вработените останаа без плата за најголемиот христијански празник
Секој март од 2021 па наваму, кога се коригира минималната плата и кога платите во културата треба да се усогласат...
Наместо куќен притвор, мерки на претпазливост за двајца поранешни инспектори на ДПИ, иста мерка и за лице од дискотеката
Основното јавно обвинителство Кочани, постапувајќи во предметот во врска со пожарот во кабаре клуб “Пулс”, до Основниот суд во Кочани...
