Спорт
Луис Енрике: Франција – тоа е најдобрата екипа во светот!
Репрезентациите на Шпанија и на Франција вечерва од 20.45 часот на „Сан Сиро“ во Милано ќе се борат за трофејот во второто издание на Лигата на нации на УЕФА.
Французите до финалето дојдоа по страшен пресврт на мечот со Белгија (3-2), додека „Фуријата“ до борба за трофејот дојде по изненадувачкиот триумф против актуелниот европски шампион, домаќинот на турнирот – Италија.
Пред мечот со „триколорите“, селекторот на Шпанија, Луис Енрике имаше само комплименти за противничката селекција предводена од Дидие Дешам.
„Погледнете го тимот на Франција и нивните стартни единаесет. Сите играат во најдобрите клубови на светот и се истакнати фудбалери, тоа е најдобрата екипа на светот. Сите тројца во нападот се супериорни и спремни да го свртат секој натпревар. Сепак, тоа нема да промени ништо во нашиот став. Игравме и го победивме европскиот првак, па што би било подобро од тоа да играме со бранителот на светскиот трон. Потребна ни е победа и национална титула за Шпанија, тоа е нешто што повеќето од нас не сме го доживеале“ рече Енрике.
Како увертира за спектаклот вечерва во Милано, од 15 часот во Торино, Италија ќе ја дочека Белгија во натпреварот за третото место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лукаку со гол и две асистенции го водеше Наполи до триумф над Комо
Наполи со победата против Комо со 3:1 во натпреварот од седмото коло во италијанската Серија А ја зголеми предноста пред Јувентус на првото место на првенствената табела. За тимот на Антонио Конте погодија Скот Мектоминеј, Ромелу Лукаку и Давид Нерес, а за гостите од Комо, Габриел Стрефеца.
Наполи одлично го започна натпреварот. Шкотскиот играч за врска Скот Мектоминеј постигна гол во првата минута на асистенција на Лукаку. Гостите израмнија во 43. минута со голот на Габриел Стрефеца.
Во второто полувреме, Лукаку реализираше пенал за 2:1 во 53. минута, а потоа му асистираше на Давид Нерес во 86. минута за конечни 3:1, со што Наполи ја постигна петтата победа во новата сезона во Серија А.
Мектоминеј и Нерес ги постигнаа дебитанските голови во дресот на Наполи.
Тимот под водство на Антонио Конте е на врвот на табелата со 16 бодови, пред Јувентус кој има 12 бодови и натпревар помалку. Комо е на десеттата позиција со осум бодови.
Спорт
(Видео) Барцокас и Шарас за малку ќе се степаа
Јоргос Барцкокс и Шарунас Јасикевичиус, тренерите на Олимпијакос и Фенербахче, на крајот од натпреварот, кој му припадна на Фенербахче (82:71) имаа жесток вербален дуел.
Целата мешаница започна откако се поздравија на крајот од натпреварот.
Стратегот на Олимпијакос збесна, влезе во вербална расправија со Литванецот, кој не му остана должен.
Паднаа тешки зборови, се создаде голема гужва, но немаше хаос од големи размери.
Šarūnas Jasikevičius.
Mourinho şu sekansı izlerken mest olmuştur. pic.twitter.com/PEyjkVOfsW
— Ozzy (@kanaryasoul) October 4, 2024
Двајцата тренери отидоа во соблекувалните. По натпреварот, Јоргос Барцокас разговараше со турски новинар во микс зоната и ја објасни ситуацијата од негова гледна точка.
„Пред да одиме би сакал да кажам нешто за однесувањето на противничкиот тренер. Што и да се случи на натпреварот, ние добивме по техничка грешка. На крајот отидов да му пружам рака и тој покажа тотално непочитување, ме нападна. Само сакам ова сите да го знаат“, рече Барцокас.
Спорт
Голем пресврт: казната е намалена, Пол Погба на терен веќе во март
Забраните за играње од четири години се намалени на 18 месеци. Вест на денот во европскиот фудбал! Пол Погба се враќа на терените за помалку од половина година.
Имено, првичната четиригодишна забрана за играње фудбал поради позитивен допинг тест, Меѓународниот спортски арбитражен суд ја намали на 18 месеци, пренесува Дејли Мејл.
Тоа значи дека од јануари францускиот играч ќе може да тренира со Јувентус, а од март повторно ќе има право да игра фудбал.