Црна хроника
Најмалку 20 припадници на АРМ повредени во сообраќајка кај Штип
Најмалку дваесет лица, припадници на АРМ од кои најверојатно 15 старешини се повредени во сообраќајната несреќа што се случи во вторник околу 17.30 минути на 20 километри од Штип, на раскрсницата кај Криволак, јавува струмичката телевизија ВИС.
До несреќата дошло откако во автобус на „Струмица експрес“ удрил џип марка Ауди.
Десетина повредени со полесни повреди се префрлени во струмичката болница каде им е укажана прва помош.
Дел од повредените потврдуваат дека возилото удрило во автобусот што ги превезувал вработените во АРМ од штипската касарна до Радовиш и Струмица.
Џипот доаѓал од Неготино и сакал да сврти лево кон Штип, јавува телевизијата.
Полицијата врши увид на местото на несреќата. /крај/вис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Турчин со „хонда“ удрил во полицаец
Денеска во 02.50 часот, полициски службеници од ОВР Гостивар го лишиле од слобода О.Д.(28) од Република Турција затоа што со патничко возило „хонда” со скопски регистарски ознаки, кое го управувал, удрил во полициски службеник кој извршувал службени дејствија.
Тој е задржан во полициската станица Гостивар и по целосно документирање на случајот против него биде поднесена соодветна пријава.
Црна хроника
Го погодил проектил во нога додека собирал печурки
Маж од Велес собирал печурки и почувствувал убод во левата нога. По лекарски преглед, од коленото му бил изваден проектил од огнено оружје.
„Во СВР Велес вчера во 11 часот, 63-годишниот Д.Ј.од Велес, пријавил дека при собирање печурки во атарот на село Лисиче, Општина Чашка, почувствувал убод на левата нога, по што во Општа болница Велес му бил извршен преглед и од коленото му бил изваден проектил од огнено оружје“, информира денеска Татјана Ѓуровска од СВР Велес.
Таа додаде дека за настанот бил известен јавен обвинител од Основното јавно обвинителство Велес и дека се преземаат мерки за негово расчистување.
Црна хроника
Мигранти од Турција и Ирак најдени на автопат кај Неготино
Полициски службеници од ОВР Неготино пронашле тројца мигранти, двајца од Република Турција и еден од Ирак, соопшти Министерството за внатрешни работи (МВР).
Мигрантите се пронајдени рано утрово, во 02.15 часот, на автопатот А1 кај Неготино по што се предадени на Полициската станица за граничен надзор Михајлово за натамошна постапка.