Американскиот претседател Доналд Трамп повторно јавно го нападна Илон Маск, тврдејќи дека без владини субвенции, шефот на „Тесла“, „Спејс Екс“ и „Икс“ „ќе мора да затвори сè и да се врати во Јужна Африка“.

Во објава на „Трут Сошнал“, Трамп се осврна на претходната силна поддршка на Маск за неговата претседателска кандидатура, истакнувајќи дека претприемачот цело време знаел дека Трамп е против законски мандат за преминување на електрични возила.

„Илон Маск знаеше, долго пред силно да ме поддржи за претседател, дека јас бев жестоко против задолжителните електрични возила. Тоа е смешно и отсекогаш било клучен дел од мојата кампања. Електричните автомобили се во ред, но никој не треба да биде принуден да вози“, напиша Трамп.

Во истиот текст, Трамп отворено ја доведе во прашање легитимноста на деловните успеси на Маск:

„Илон можеби добива повеќе субвенции од која било личност во историјата – убедливо најмногу. Без тие субвенции, Илон веројатно ќе мораше да затвори сè и да се врати дома во Јужна Африка. Немаше повеќе да има лансирања на ракети, немаше повеќе сателити, немаше повеќе производство на електрични автомобили, а нашата земја ЌЕ ЗАШТЕДИ БОГАТСТВО.“

Трамп конечно додаде: „Можеби DOGE треба внимателно да ја разгледа оваа приказна? ОГРОМНИ ПАРИ ЗА ЗАШТЕДА ТУКА!“

Соопштението доаѓа само неколку часа откако Маск на платформата Икс објави можно формирање на нова политичка партија – „Американска партија“ – ако законот за трошење на Трамп биде усвоен во Сенатот.

По објавувањето на неговото повлекување од политичкиот свет, милијардерот и основач на Тесла, Илон Маск, речиси веднаш се врати во центарот на вниманието на американскиот политички свет.

Додека американскиот Сенат вчера дебатираше за „Големиот прекрасен закон“ (One Big Beautiful Bill Act) на Трамп пред конечното гласање, Маск издаде неколку остри предупредувања и закани преку својата социјална мрежа Икс.

„Големиот прекрасен закон“ на Трамп е клучна законска иницијатива на неговата администрација, насочена кон големи даночни олеснувања и намалувања во социјалните програми.

Законот предвидува трајно продолжување на намалувањата на даноците од 2017 година, елиминирање на даноците за бакшиш и прекувремена работа и зголемување на одбитоци за постарите граѓани. Во исто време, ги заострува условите за користење на социјални програми како што се Медикејд и СНАП и ги намалува стимулациите за зелена енергија и електрични возила.

Иако Трамп тврди дека законот ќе го поттикне економскиот раст, независните проценки предупредуваат дека тој би можел да го зголеми националниот долг за повеќе од 3,3 билиони долари во следната деценија. Законот предизвика длабоки политички поделби околу неговото фаворизирање на богатите и намалувањата на социјалното осигурување.

Маск напиша неколку објави на Икс за време на дебатата за новиот закон, а во еден дури се закани дека конгресмените ќе изгубат во предизборната трка следната година.

„Секој член на Конгресот кој водеше кампања за намалување на владините трошоци, а потоа веднаш гласаше за најголемото зголемување на долгот во историјата, треба да се срами од себе! И ќе ја изгубат предизборната трка следната година, дури и ако тоа е последното нешто што го правам во мојот живот“, напиша тој.

Every member of Congress who campaigned on reducing government spending and then immediately voted for the biggest debt increase in history should hang their head in shame!

And they will lose their primary next year if it is the last thing I do on this Earth.

— Elon Musk (@elonmusk) June 30, 2025

Неколку часа подоцна, тој отиде уште подалеку, објавувајќи на Икс дека ако „лудиот закон за трошење биде усвоен, партијата на Америка ќе биде основана веќе следниот ден“.

If this insane spending bill passes, the America Party will be formed the next day.

Our country needs an alternative to the Democrat-Republican uniparty so that the people actually have a VOICE.

— Elon Musk (@elonmusk) June 30, 2025

„На нашата земја ѝ е потребна алтернатива на демократско-републиканската еднопартиска влада за народот конечно да може да има ГЛАС“, напиша тој.

Маск со недели беше жестоко критичен кон предлог-законот на Трамп, што доведе до многу јавна и жестока конфронтација со Трамп претходно овој месец. Во серија објави на Икс пред неколку недели, Маск предложи формирање нова политичка партија.

It is obvious with the insane spending of this bill, which increases the debt ceiling by a record FIVE TRILLION DOLLARS that we live in a one-party country – the PORKY PIG PARTY!!

Time for a new political party that actually cares about the people.

— Elon Musk (@elonmusk) June 30, 2025

Таа сугестија повторно се појави вчера, кога Маск рече: „Јасно е дека со ова лудо трошење, кое го зголемува плафонот на долгот за рекордни пет билиони долари, живееме во еднопартиска држава! Време е за нова политичка партија на која навистина ѝ е грижа за народот“.

Американскиот претседател Доналд Трамп вчера потпиша извршна наредба со која се укинуваат санкциите на САД врз Сирија, со што се става крај на изолацијата на земјата од меѓународниот финансиски систем.

САД ќе можат да ги задржат санкциите против поранешниот сириски претседател Башар ал-Асад, неговите соработници, злоупотребувачите на човекови права, трговците со дрога, луѓето поврзани со употребата на хемиско оружје, Исламската држава и ИСИС, како и лица блиски до Иран, изјави портпаролката на Белата куќа, Каролин Ливит, на брифингот за новинарите.

Асад беше соборен од власт во декември во молскавична офанзива од бунтовниците предводени од исламистите, а Сирија оттогаш презеде секаков чекор за повторно воспоставување на меѓународните врски.

Сирискиот министер за надворешни работи, Асаад ал-Шибани, напиша на социјалната мрежа Икс дека укинувањето на санкциите против Сирија од страна на Трамп ќе „ја отвори вратата за долгоочекуваната реконструкција и развој“.

Тој додаде дека овој потег ќе „отстрани пречка“ за економско закрепнување и ќе ја отвори земјата за меѓународната заедница.

Сирискиот претседател Ахмед ал-Шара и Трамп се сретнаа во Ријад во мај, каде што, во голем политички пресврт, Трамп неочекувано објави дека ќе ги укине санкциите против Сирија.

Некои пратеници во Конгресот бараат мерките целосно да се укинат, додека Европа објави дека ќе ги укине економските санкции.

„На Сирија мора да ѝ се даде шанса, и тоа е она што се случи“, изјави за новинарите специјалниот претставник на САД за Сирија, Томас Барак. Тој го опиша овој потег како „кулминација на многу внимателно осмислен, тежок процес на укинување на тие санкции“.

Белата куќа објави дека наредбата му наложува на државниот секретар повторно да го разгледа означувањето на бунтовничката група Хајат Тахрир ал-Шам како терористичка, предводена од Шараа и огранок на Ал Каеда, како и означувањето на Сирија како држава спонзор на тероризмот.

Во соопштението на Белата куќа се вели дека администрацијата ќе продолжи да го следи напредокот на Сирија во „преземањето конкретни чекори кон нормализирање на односите со Израел, решавање на прашањата поврзани со странските терористи, депортирање на палестинските терористи и забрана на палестинските терористички групи“.

Сиријците се надеваат дека олеснувањето на санкциите ќе го отвори патот за поголемо вклучување на хуманитарните организации што работат во таа земја, охрабрувајќи ги странските инвестиции и трговијата.