Спорт
Нова главоболка за Милан – и Брахим Дијаз позитивен на КОВИД
Тренерот на Милан, Стефано Пиоли ќе има нов проблем со изборот на играчи за мечот против Сампдорија овој викенд, откако по позитивниот тест на КОВИД на Тео Ернандез, денеска беше потврдено дека и Брахим Дијаз е позитивен и дека е во „изолација“.
„Милан потврдува дека Брахим Дијаз имаше позитивен тест на денешните задолжителни тестови. Тој е во добра состојба и е во домашна изолација. Остатокот од тимот имаше негативен тест“, велат од Милан.
„Росонерите“ се мачат со многу повреди и отсутни пред мечот против Верона на Игор Тудор, а Пиоли потврди дека утре ќе донесе одлука дали Златан Ибрахимовиќ ќе игра. Давиде Калабрија е вратен во погон, додека Жуниор Месијас и Тиемуе Бакајоко уште се во аут.
Official Statement: @Brahim ➡️ https://t.co/3WAjVh0v5v
Comunicato Ufficiale: Brahim Díaz ➡️ https://t.co/CiP41Qr0DW#SempreMilan pic.twitter.com/GpWjPlbh43
— AC Milan (@acmilan) October 15, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе гласа за укинување на ВАР од следната сезона
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови.
ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон.
Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.