Спорт
Ријека пропушти 3:0 водство против Динамо, Велковски стрелец, Ристовски асистент
Ријека и Динамо Загреб одиграа трилер 3:3 реми, во кое домаќините успеаја да пропуштат 3:0 водство во првото полувреме, а македонскиот репрезентативец Дарко Велковски постигна еден гол за Риека, но и беше одговорен за еден од пеналите на гостите.
Јосип Дрмиќ уште во 7. минута постигна прекрасен гол од 20-тина метри за водство на домаќините, а истиот фудбалер во 39. минута од мечот ја дофати одбиената топка за 2:0. Велковски најдобро се снајде во шестнаесетникот на „модрите“ само две минути подоцна за големи 3:0 по првите 45 минути.
Во второто полувреме, хрватскиот шампион доби два пенали во шест минути (58. и 64.) кои ги реализираше Бруно Петковиќ. Вториот пенал беше досуден по игра со рака на Велковски во шестнаесетникот. Во 74. минута, Оршиќ постигна гол за израмнување, но тој беше поништен поради прекршок, пред Комнен Андриќ да донесе поен за „модрите“ во 82. минута по асистенција на македонскиот репрезентативец Стефан Ристовски.
Ријека останува лидер во лигата со 24 поени, еден повеќе од Динамо, но загрепчани имаат натпревар помалку.
— Follow @aboutHNL (@aboutHNL_Goals) October 16, 2021
— Follow @aboutHNL (@aboutHNL_Goals) October 16, 2021
— Follow @aboutHNL (@aboutHNL_Goals) October 16, 2021
— Follow @aboutHNL (@aboutHNL_Goals) October 16, 2021
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-48-37053”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.