Спорт
Невил: Не би сакал да играм во одбраната во овој тим на Манчестер јунајтед
Легендарниот играч на Манчестер јунајтед, Гери Невил, испорача жестоки критики до Оле Гунар Солскјер и неговите фудбалери, по поразот во Лестер (4:2).
„Јунајтед има големи проблеми. Пред неколку недели реков дека ќе има проблем кога ќе налета на организиран и сериозен тим. Тоа сега се случува. Астон Вила, Евертон, Виљареал и Лестер се сериозни тимови и се случи она на што предупредував. Против организирани тимови Јунајтед нема шанси. Го растиру Астон Вила, го растури Евертон, и Виљареал го растури иако резултатот не е таков и сега го растури и Лестер. А најлошото допрва доаѓа. Наредниот викенд Ливерпул, па Тотенхем, па Сити“, рекол Невил и дополнил.
„Солскјер во тимот ги стави Гринвуд, Санчо, Роналдо, Погба и Бруно Фернандеш. Јас во тој тим не би сакал да играм во одбраната. Тоа се фантастични играчи, но со нив нема доволно работници на теренот. Поради тоа во минатото, натпревари за Јунајтед добиваа Дарен Флечер, Џон О’Шеј, Ники Бат, Том Клеверли, Парк ји-сунг, Овен Харгривс. Покрај креативци во тимот мораш да имаш и работници“.
„Кога ја немаат топката, Јунајтед не се ниту блиску до најдобрите тимови. Најлоши се кога треба да играат пресинг од сите тимови кои се при врвот. Погледнете го притисокот на Челси. Па Јунајтед под таков притисок ќе се распадна за 15 минути. Не може Јунајтед да се носи со она што го играат Ливерпул, Сити и Челси“, заклучил Невил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.