Македонија
Даштевски: Ако има потреба гласањето и изборниот молк ќе траат и до 22 часот
Гласањето ќе продолжи и по 19 часот на сите избирачки места на кои ќе има метеж и гласачи кои дошле на гласање но не го оствариле правото до 19 часот, најави претседателот на Државната изборна комисија (ДИК) Александар Даштевски. Колку време ќе биде продолжено гласањето зависи од бројот на лица кои не успеале да гласаат.
„И ние во овој момент не знаеме за колку време ќе биде продолжено гласањето. Ако има потреба да се гласа до 22, ќе се гласа до 22 часот“, рече претседателот Даштевски.
Во моментот кога ќе заврши гласањето Даштевски најави дека ДИК на прес – конференција ќе го соопшти тоа и ќе ја извести јавноста, без разлика на тоа за колку часа ќе биде одложен крајот на гласањето.
Изборниот молк ќе трае се додека не заврши гласањето. Редици граѓани кои чекаат за гласање се видливи речиси на сите избирачки места. Претседателот Даштевски вели дека и до нив стигнуваат такви информации.
Тој уште еднаш кажа дека има неколку причини за големиот метеж на гласачките места односно, избирачкиот список кој има многу повеќе страни отколку што имал претходно затоа што имаме рекорден број на листи, една четвртина од отпечатоците што ги добиле од МВР се со лош квалитет, а дополнително треба да се внимава на ковид – мерките.
Попладнево тој ги извести избирачките одбори дека наместо еден, како што беше предвиден, во просторијата може да пуштаат и повеќе гласачи односно дозволено е да влезат онолку луѓе колку што има гласачки места плус едно лице на кое ќе му се прави проверка. Даштевски уште еднаш апелираше на сите избирачки места да се постави по едно лице кое ќе воведува ред и бележи кој стигнал на местото за гласање или во дворот до 19 часот.
Одзивот на гласањето до 17 часот е 41,38 отсто, а гласале 547.284 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во мај уште еден продолжен викенд
Денеска се одбележува вториот ден на Велигден според православниот календар и е неработен за сите граѓани на земјава.
Овој месец ни престои уште еден неработен ден, а тоа е 24 мај (петок) кога се одбележува „Св. Кирил и Методиј“ – Ден на сесловенските просветители.
За граѓаните од православна вероисповед неработен ќе биде 21 јуни (петок), Духовден, петок пред Духовден.
На 23 мај (четврток) се одбележува Националниот ден на Власите и ќе биде неработен за припадниците на оваа националност, додека 16 јуни (недела) муслиманите во земјвата ќе го слават Курбан Бајрам, а неработен ќе биде првиот ден на Курбан Бајрам.
Македонија
СДСМ: Граѓаните масовно да излезат на изборите на 8 ми мај, се одлучува за иднината
СДСМ ги повикува граѓаните масовно да излезат на изборите на 8 ми мај и да гласаат за Стево Пендаровски за претседател и за пратеничките листи на СДСМ и Коалицијата за европска иднина.
„На 8 мај се одлучува за иднината. Во овој клучен момент државата се наоѓа на крстопат. На една страна е враќање назад кон изолација, конфликти, меѓуетничка нетрпеливост и внатрешни поделби со ДПМНЕ. А на другата, продолжување напред, кон прогресот и просперитетот на Македонија во ЕУ, со СДСМ и Коалицијата за европска иднина“, дополнуваат од СДСМ.
Според нив, на 8 мај постои само една социјалдемократска опција, само една лева прогресивна опција која се вика СДСМ.
„Граѓаните со моќта на својот глас можат да кажат стоп за враќањето во кошмарното минато на поделби и тензии и да испратат јасна и гласна порака на сите ретроградни сили дека во Македонија живеат прогресивни луѓе, кои сонуваат за подобра европска иднина за себе и своите деца“, завршуваат од СДСМ.
Македонија
Православните верници денеска слават втор ден Велигден и Ѓурѓовден
Денес, освен вториот ден од Велигден, се празнува и Ѓурѓовден, празник во чест на Свети великомаченик Георгиј Победоносец, празникот на обновувањето на природата и на животот воопшто.
Празникот на светиот великомаченик Георгиј познат како Ѓурѓовден се празнува на 6 мај според новиот или на 23 април според стариот календар.
Тој се смета за најголем пролетен празник што го празнува не само христијанското туку и целото население во Македонија што од друга страна значи дека во неговата основа е празнувањето на природата, на разбудувањето на вегетацијата и на животот воопшто.