Славниот американски филмски режисер Оливер Стоун во четвртокот вечерта изјави дека системот за следење на граѓаните што го спроведува актуелниот американски претседател Барак Обама е полош и од оној на злогласната источногерманската тајна полиција Штази.

На филмскиот фестивал во баскискиот град Сан Себастијан, каде го претстави својот нов филм „Сноуден“, според настаните околу одметнатиот припадник на американското разузнавање кој го обелодени масивното следење на комуникациите на милиони луѓе во светот, режисерот Оливер Стоун рече дека многумина во САД живеат во илузијата дека претседателот Барак Обама е човек на големиот интегритет.

„Токму спротивното, Обама двојно ја зголеми политиката на контролата во однос (на неговиот републикански претходник) Џорџ В.Буш“, рече Стоун,.

„Обама ја создаден најмасовната држава на глобален безбедносен надзор во историјата, далеку на источногерманското Штази, далеку над“, додаде американскиот режисер, пренесе AFP.

„Во името на само една работа, тероризмот, така да се променат сите правила не претставуваше никаков одговор, тоа е екстремен одговор“, констатираше Стоун, кому „Сноуден“ не му е прв филм во кој се занимава со политиката, имајќи предвид дека ги сними хитовите како „Водот на смртта“, „Роден на 4-ти јули“, како и филмовите за поранешните американски претседатели Кенеди и Никсон.

Стоун, исто така, тврди дека нема никаква поврзаност меѓу дистрибуцијата на неговиот нови филм и американските претседателски избори, но рече дека се надева оти Обама ќе го помилува Сноуден, кој е кривично гонет за кражба на државни материјали и за шпионажа, и кој во спреченоста да отпатува во некоја земја во Латинска Америка, две години живее заглавен со привремен азил во Русија.

Оливер Стоун, во 2014 година го сними документарниот серијал во десет епизоди под насловот „САД: Никогаш нераскажана приказна“, за најмрачните настани од американската историја, а задно со украински продуценти е копродуцент на документарецот „Украина во пламен“ .

Стоун, добитник на три Оскара, инаку, изминатите години на својот профил на Facebook и во медиумите има постојано објави во кои ја критикува актуелната политика на САД, особено на глобално ниво. Така, тој во времето на избувнувањето на украинската криза, во интервју го бранеше потегот на рускиот претседател Владимир Путин за присоединување на црноморскиот полуостров Крим, што западот го смета за нелегално руско анектирање на украинска територија.

Пред две години, славниот американски режисер, сценарист и продуцент напиша на својот профил на Facebook дека стремежот на САД да доминираат во светот може да се претвори во глобална катастрофа.

„Мразам да кревам паника во кој и да е облик, но сега сум преплашен. Не можам да молчам, гледајќи како слоумошнот на катастрофата го прекрива светот… ‘Бесниот пес’ Нетанјаху продолжува да го расипува угледот на САД во цивилизираниот свет со варварското крвопролевање во Газа. И покрај тоа, тоа не ги принуди САД да скршнат од фаталниот пат кој води во Источна Европа“, напиша тогаш режисерот.

Стоун потсети дека американскиот претседател Барак Обама им порача на своите критичари дека „Очигледно, луѓето забораваат дека Америка како најмоќната нација на Земјата, сѐ уште нема целосна контрола над светот“.

„Тоа е многу смела изјава, доколку подразмислите. Од кога доминацијата во светот стана официјална политика на САД? Мислам, до 1991 година, до моментот на падот на комунизмот, но сега кога маските од нашите наместени насмевки паднаа, ние како граѓани на светот, а не само како Американци, треба нешто да направиме во оваа нова реалност: САД сакат да го контролираат светот и ние нема да се откажеме од обидите да го намалиме влијанието на Русија, Кина и Иран. И ќе прибегнеме кон постигнување на тоа со какви да се средства, вклучително и војна“, напиша во продолжение Оливер Стоун./крај/мф/сн

Извор: Макфакс