Спорт
Пике: Бензема се спаси со заминувањето на Роналдо
Барселона утре од 16.15 часот на „Ноу Камп“ го дочекува најголемиот шпански ривал – Реал Мадрид во големото дерби на 10. коло во Ла Лига.
„Кралевите“ моментно се второпласирани со 17 бодови, 2 повеќе од Барселона која врза два триумфи.
„Нема овој натпревар да одлучува многу што се однесува на првенството, но победа би ни донела многу самодоверба. Досега не играме баш најдобро. Едноставно мора да сме поефикасни“ смета Жерар Пике.
Шпанските новинари побараа од него да ги спореди младите ѕвезди на двата тима – Ансу Фати и Винисиус Јуниор.
„Ако бидат здрави, тие се иднината на фудбалот. Винисиус е побрз, експлозивен, поекстремен играч. Ансу е поталентиран и поснаодлив пред голот, а Винисиус е еден од најдобрите светски играчи во игра еден на еден“ смета Пике.
Шпанскиот дефанзивец не заборави дека Реал во нападот го имаат фантастичниот Карим Бензема.
„Бензема се спаси со заминувањето на Роналдо. Тој остави дупка зад себе, а неа сјајно ја пополни Бензема кој сега е потполно смирен и фокусиран на постигнувањето голови. Последните сезони игра одлично. Но Реал не е само Бензема и Винисиус. Имаат многу сјајни играчи“ смета дефанзивецот на Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Оклахома го доби Далас, Кливленд без шанси во Бостон
Кошаркарите на Оклахома поведоа против Далас во полуфиналето од плеј-офот на Западната конференција, откако го добија првиот натпревар со 117:95.
Оклахома ја предводеше Шеј Гилџес-Александер со 29 поени, девет скока и девет асистенции. Чет Холмгрен постигна 19 поени, седум скока, три блокади и две украдени топки, а Џејлен Вилијамс имаше 18 поени со пет скока и пет асистенции.
Во тимот на Далас Кајри Ирвинг постигна 20 поени, Лука Дончиќ имаше 19 поени, девет асистенции и шест скока, (шут 6/19), а Даниел Гафорд додаде 16 поени, 11 скока и пет блокади.
Селтикси во првиот натпревар ги победија Кавалирс со 120:95, а победничкиот тим го предводеа Џејлен Браун со 32 поени и шест скока и Дерик Вајт со 25 поени и пет асистенции, постигна седум тројки во 12 обиди.
Во победата придонесоа Џејсон Тејтум со 18 поени и 11 скока, Пејтон Причард со 16 поени, а Џру Холидеј со 14 поени и шест скока.
Во тимот на Кливленд најефикасен беше Донован Мичел со 33 поени со шест скока и пет асистенции.
Спорт
Англиски тренер доживотно исфрлен од фудбалот, 27 години работел во Челси
Гвин Вилијамс (76), човек кој 27 години работел на различни позиции во Челзи, добил доживотна забрана за тренерска работа, откри Атлетик. ФА, забраната за Вилијамс ја вовеле уште во 2019 година, но таа не била објавена во јавноста бидејќи англиската ФА нема пракса да објавува такви информации.
Вилијамс бил казнет поради расизам и малтретирање играчи. Атлетик пишува дека тој секојдневно на расна основа злоставувал момчиња на возраст од 12 години.
„Јазикот што понекогаш го користел кога разговарал со црните играчи бил суров, шокантен“, изјавил еден неименуван играч во истрагата.
Против Вилијамс биле поднесени и две пријави до полицијата, вклучително и обвиненија за сексуална злоупотреба на играч од младинскиот тим на Челзи. Сепак, полициските истраги не доведоа до обвиненија. Вилијамс ја негираше вината и во двата случаи, а врз основа на тие информации ФА одлучи дека тој не претставува сексуална опасност за децата.
Вилијамс имал различни улоги за време на неговите 27 години во Челзи. Покрај работата со помладите категории, тој бил и главен скаут и помошник тренер во штабот на Клаудио Раниери.
Тој го напушти Челзи во 2006 година, по што седум години беше технички директор во Лидс Јунајтед. Таму добил отказ откако испратил порнографски слики на колегите по електронска пошта.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.