Европа
Моравјецки: ЕУ ни стои со пушка на главата

Полскиот премиер Матеуш Моравјецки ја обвини Европската Унија дека ѝ поставува барања на Варшава ставајќи ѝ пушка на главата, а во исто време го повика Брисел да ги повлече заканите за правни и финансиски санкции доколку сака да ја реши кризата со владеењето на правото во таа земја.
Говорејќи за „Фајненшл тајмс“, Моравјецки рече дека секој потег за намалување на кохезионите фондови ќе биде пречекан со силна одмазда.
„Сметаме дека ова е веќе дискриминаторски пристап и диктат од Брисел. Но, ако ова стане уште полошо, ќе треба да размислиме за нашата стратегија“, рече Моравјецки.
Тој исто така рече дека минатонеделните разговори со лидерите на ЕУ, вклучително и со германската канцеларка Ангела Меркел, францускиот претседател Емануел Макрон и претседателката на Европската комисија, Урсула фон дер Лаен, во кои тој го претставил главниот аргумент на Варшава дека ЕУ ги надминува своите законски надлежности, биле многу задоволителни.
Во обид да ги намали тензиите во долготрајниот спор, кој предизвика страв од излегување на Полска од ЕУ, Моравјецки вети дека ќе го распушти дисциплинскиот судски совет до крајот на годината за кој Европскиот суд на правдата утврди дека е незаконски, пишува „Фајненшл тајмс“.
Сепак, полскиот премиер предупреди дека доколку Европската комисија почне, како што рече, трета светска војна со скратување на ветените пари за Варшава, тој ќе ги брани правата на Полска со сето оружје што е на располагање.
Комисијата ѝ се закани на Полска со санкции откога највисокиот суд во земјата овој месец пресуди дека клучните елементи од правото на ЕУ се некомпатибилни со државниот устав.
Пресудата доведе до голема ескалација во правната битка во врска со промените во полскиот судски систем, кои, според владејачката Партија на правото и правдата на Моравјецки, се неопходни за зголемување на ефикасноста.
Официјален Брисел тврди дека ваквата пресуда ги загрозува независноста на судството и основните правни принципи на ЕУ, а некои членки на Унијата и делови од Комисијата веќе побараа усвојување нов механизам за условување преку кој би можеле да бидат загрозени десетици милијарди евра од годишните средства на ЕУ неменети за Варшава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Вознемирувачко видео) Снимка од дрон покажува како руски војници егзекутираат четворица украински заробеници, објави АП

Снимките од воздух покажуваат како четворица украински војници излегуваат од уништена куќа, едниот со кренати раце во знак на предавање, а потоа легнат со лицето надолу во тревата во селото Пјатихатки во јужна Украина. Над нив стојат вооружени руски војници.
Два дрона, едниот украински, а другиот руски, ја снимиле целата ситуација од воздух. Компаративната анализа на двете видеа, до која дојде „Асошиетед прес“, открива шокантна разлика во содржината: во руското видео затворениците се живи, а потоа нагло престанува. Снимката од украинскиот дрон ја покажува нивната егзекуција од непосредна близина.
-4 servicemen of the
128th Mountain Brigade. TWK. Piatykhatky, March 13. pic.twitter.com/hF4ghOO8f2
— Niebla de Guerra (@NieblaGuerra) April 10, 2025
Според видеото добиено од европските воени претставници и анализирано од Британскиот центар за информативни истраги (ЦИР), војниците што носат руски воени ознаки го креваат оружјето и им пукаат во секого од четворицата Украинци во грбот.
„Од сите егзекуции што ги анализиравме од крајот на 2023 година, ова е едно од најјасните“, рече Роло Колинс од ЦИР. „Ова не е убиство во борба. Ова е незаконска егзекуција“.
Според информациите што ги добил АП од европски претставници, инцидентот се случил на 13 март. Два дена претходно, руските војници објавија видео на социјалните мрежи, на кое се гледа како поставуваат знаме среде урнатините на Пјатихатки, во регионот Запорожје.
На руската снимка се гледа моментот кога експлозивниот дрон влегува во куќата во која се криеле Украинците, а потоа еден од затворениците излегува со кренати раце и лежи на земјата со другите.
Украинските снимки покажуваат како руски војници накратко ги прегледуваат затворениците, потоа пристигнуваат уште двајца, комуницираат преку радио и почнува егзекуцијата. Руски војник се приближил со оружје во раката и почнал да пука, а му се придружиле и уште двајца. Додека едниот го полни оружјето, вториот пука во главата и во шлемот на еден војник, а третиот потоа ги завршува сите други. Ги убиваа еден по еден, методично.
Украинската 128. бригада на планинските сили, која го сними инцидентот, одби да коментира бидејќи е почната истрага. Украинската служба за безбедност потврди за АП дека случајот се истражува како можно воено злосторство.
Според украинските податоци, руските сили егзекутирале најмалку 245 украински воени заробеници од почетокот на инвазијата. Обвинителите тврдат дека не станува збор за изолирани случаи, туку за систематска практика поддржана од највисокото раководство на руската влада.
Европа
(Видео) Обилен снег паѓа во Анкара

И покрај тоа што е речиси половина од април, месецот кој повеќето го поврзуваат со пролетта, утрово во турската престолнина паѓа обилен снег.
It snows in Ankara in mid-April pic.twitter.com/W25pICcR5r
— Ragıp Soylu (@ragipsoylu) April 11, 2025
Турскиот новинар Рагип Сојлу објави видео од Анкара со натпис: „Во Анкара врне снег во средината на април“.
Метеоролозите вчера предупредија на обилни врнежи и бурни ветрови.
Гувернерот на Анкара, Васип Шахин, вчера најави дека сите образовни институции во турската престолнина денеска ќе бидат затворени поради неочекуваните временски услови.
Yapılan son meteorolojik değerlendirmelere göre; İlimizde yarın (Cuma) ilk saatlerden itibaren başlayacak kar yağışının öğle saatlerine kadar etkili olması, yer yer 15 cm’ye kadar kar örtüsü bırakması ve ayrıca kuvvetli rüzgar ve fırtına (40 ilâ 60 km/h ) beklendiğinden,…
— Vasip Şahin (@vasipsahin) April 10, 2025
Според неговата објава на социјалните мрежи, прогнозите покажуваат дека снегот ќе почне да паѓа во раните утрински часови и ќе продолжи до пладне, со можни акумулации и до 15 сантиметри во некои делови од градот. Најавени се и удари на ветер од 40 до 60 километри на час.
Европа
Русија го нападна Киев, Украинците јавуваат за 12 повредени

Русија изврши напади со беспилотни летала врз украинскиот главен град Киев и Миколаев на југот на земјата во текот на ноќта, при што беа повредени најмалку 12 лица, соопштија властите.
Две жени се повредени во главниот град, каде што дроновите предизвикаа пожар во магацин и оштетија станбени згради, соопшти градската воена управа на Киев.
Украинските воздухопловни сили соопштија дека собориле 85 од 145 беспилотни летала лансирани од Русија во нејзиниот напад во текот на ноќта. Се додава дека 49 други не успеале да ги постигнат своите цели, најверојатно, поради контрамерки од електронско војување.
Воздухопловните сили не разјаснија што се случило со преостанатите 11 беспилотни летала.
Во нападот во текот на ноќта беа повредени и 10 лица во јужниот град Миколаев, изјави регионалниот гувернер Виталиј Ким.
Во рускиот напад оштетени се и девет станбени згради, 30 гаражи и една административна зграда, додаде тој.
Русија негира дека намерно гаѓа цивили, но илјадници се убиени и повредени во нејзината инвазија на Украина.