Спорт
Зидан нема намера да биде тренер на Манчестер јунајтед
Зинедин Зидан не сака да биде менаџер на Манчестер јунајтед, тврдат француските и англиските медиуми. Името на поранешниот тренер на Реал Мадрид, медиумите го поврзуваа со „црвените ѓаволи“.
Зидан има намера да ја преземе француската репрезентација по завршувањето на Светското првенство во Катар. Поради тоа тој не бил заинтересиран за менаџерската позиција во Манчестер јунајтед, тврди францускиот новинар, Жилијен Лорен.
Неможноста да го ангажираат Зидан, ги натерала клупските челници да не му врачау отказ на Оле Гунар Солскјер.
Неколку медиуми од Англија, денес објавија дека тој сигурно ќе го предводи Јунајтед, во сабота, против Тотенхем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кејн се мачи со повреда во пресрет на ЕП
Напаѓачот на англиската репрезентација и Баерн Минхен Хари Кејн (30) мака мачи со повреда на грбот во пресрет на Европското првенство кое од 14 јуни до 14 јули ќе се одржи во Германија. Кејн ќе го пропушти последниот натпревар на Баерн во Бундес лигата против Хофенхајм, поради проблем со грбот.
Кејн имаше проблеми со грбот и во пресрет на реваншот од полуфиналето на Лигата на шампионите против Реал Мадрид минатата недела, но покрај тоа што чувствуваше болка тој беше во тимот.
„Пробавме со инекции и терапија. но не помогна. Се влоши и тоа го чувствуваше во секојдневните движења. Немаше шанси воопшто да тренира“, изјави тренерот на Баерн, Томас Тухел.
На ЕП Англија ќе игра во група со Словенија, Данска и Србија. Тренерот Герет Саутгејт во вторник ќе го именува својот прелиминарен состав за турнирот.
Кејн постигна 44 гола во сите натпреварувања во неговата прва сезона во германскиот клуб, вклучувајќи четири хет-трика во Бундеслигата. Кејн со 62 гола е најдобар стрелец во историјата на англиската репрезентација.
Спорт
Севилја му нуди доживотен договор на Хесус Навас
Хесус Навас (38) во петокот навечер објави дека ја напушта Севилја по крајот на сезоната. Во објавата се пожали дека никој во клубот не му понудил нов договор.
Сепак, претседателот на Севилја, Хозе Марија дел Нидо Караско реши да реагира. Тој зборуваше на прес-конференција одржана до стадионот кој го носи името на „Хесус Нава“с, каде што настапува резервниот тим на Севилја. Караско објави дека на Навас му нуди доживотен договор.
„Се чувствувам дека треба да го истакнам ставот на клубот кога е во прашање Хесус. Не би ми паднало на памет како човек, како навивач на Севилја или како претседател да се спротивставам на најголемата легенда на клубот. Дури и овој стадион е именуван по него и јас не сакам да се судриме со него ниту јавно, ниту приватно, но не можам да дозволам да биде запишано во аналите на историјата дека Хесус не останува затоа што Севилја тоа не го сака. Станува збор за недоразбирање и јас не сакам Хуус да пати“, рече Караско и дополни.
„Од оваа позиција му нудам доживотен договор за да може да игра овде колку што сака, а потоа да продолжи да работи овде. Доколку остане при својата одлука, ќе го почитувам тоа и ќе направам се за да го добие заслуженото збогување, но се надевам дека Хесус ќе продолжи со нас затоа што го заслужува тоа и Севилја ќе му даде што сака“.
Навас кариерата ја започна во 2003 година, а во 2013 година се пресели во Манчестер сити. По четири години минати во Англија, тој се врати во Севилја.
Вкупно, тој играше за клубот од Андалузија 689 пати во сите натпреварувања, со што го држи рекордот како играч со најмногу настапи во историјата на клубот.
Спорт
Фоден играч на сезоната во Премиер лигата
Премиерлигашката сезона ќе заврши во недела, а во сабота премиер лигата објави дека најдобар играч на сезоната е Фил Фоден.
Фудбалерот на Манчестер сити, Фил Фоден ја доби наградата за најдобар играч на сезоната. Покрај тоа, Фоден го доби и признанието за најдобар играч на сезоната во изборот на фудбалските новинари.
На (само) 23 години, Фоден е еден од клучните играчи на Сити оваа сезона. „Граѓаните“ се на една победа до нова титула, четврта во низа. Доколку успеат, ќе станат првиот тим во историјата со четири последователни титули во Премиер лигата.
Фоден постигна 17 гола и додаде осум асистенции на 34 натпревари кои ги одигра во лигата. Играше практично на две позиции, а е втор по бројот на одиграни минути за клубот.