Спорт
10-годишно девојче го анализира дебаклот на „црвените ѓаволи“
На сајтот на телевизијата на Манчестер јунајтед, „Јунајтед вју ТВ“, објавено е петминутно интервју со 10-годишно девојче, навивач на „црвените ѓаволи“. Девојчето го анализира поразот на Јунајтед од ливерпул (0:5).
Навистина игравме лошо денес: Пораз од Ливерпул 0:5, како се чувствуваш?
„Па не знам…Го имаме Роналдо, Санчо кој воопшто не влезе во игра и покрај тоа што за него плативме милиони. Го имаме Фернандеш, кој беше одличен минатата сезона. И да знам дека Ливерпул го победија Вотфорд со 5:0, во претходното коло, но ние сме многу подобра тим од Вотфорд, не смеевме вака да загубиме од Ливерпул. Мислам дека Оле им кажува да одиграат нешто, а тие тоа не го прават. Можевте да видите колку е Роналдо фрустриран, го удри противникот. Ништо не е случајно, во средата едвај ја добивме Аталанта…Еј, Аталанта“.
Да беше густо, но дали мислиш дека може да биде подобро, понекогаш е потребно време да се наредат работите, многумина пребргу бараат смена на тренерот, бараат нови играчи…Дали мислиш дека може да биде подобро?
„Но кажаа дека ќе биде подобро. Рече дека ќе биде подобро кога изгубивме во финалето во Лига Европа, но јасно е дека не сме подобри, загубивме 5:0 од Ливерпул“.
Одлично го забележа тоа, кажаа дека ќе бидеме подобри, сега ги имаме Роналдо, Санчо, Варан, но се чини дека сме полоши?
„Мислам дека проблемот сега е во тоа што Оле не знае што прави и кој е на теренот, го видовте Мегваер и оној…Линделоф…Да тие двајца не можат да се договорат кој ќе ја шутне топката, кога треба да ја шутне Мегваер, ја шутира другиот, кога треба да ја шутне другиот ја шутира Мегваер. Мислам дека проблемот е во тоа што се опуштија, веројатно си помислија: „Сега ги имаме Роналдо и Санчо, не мораме повеќе да се трудиме“ и мислам дека не сакаат да научат ништо ново“.
This 10-year-old’s analysis of Manchester United.
The next generation of fans ❤️
⁰(via @unitedviewtv) pic.twitter.com/1YQw6eQnKB— B/R Football (@brfootball) October 25, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: Не одлучувам јас дали ќе го напуштам Челзи
Тренерот на Челзи, Маурисио Покетино изјави дека не е сигурен дали ќе има време да го врати клубот на врвот на англискиот фудбал.
Челзи на домашен терен го победи Тотенхем со 2:0 во натпреварот од Премиер лигата и ги задржа шансите за пласман во европските натпреварувања.
„Сините“, речиси цела сезона се справуваат со повреди, а во моментов дури 14 играчи поради повреди се надвор од тимот. Се шпекулира дека аргентинскиот стручњак би можел да го напушти клубот на крајот на сезоната.Тој не сакаше да одговори на ова прашање.
„Мислам дека е доста“, изјави Покетино за Скај на прашањето за шпекулациите околу неговата иднина.
„На сите тренери им треба време за да пренесат идеи и филозофии. Уште повеќе кога екипата е ваква. Ни треба време. Тоа не е моја одлука. Тешко е бидејќи секоја недела сум под лупа. Но, тоа не е моја одлука. Ако сакаме да испишеме историја со Челси, не чека многу работа. Ќе бидиме дали ќе имаме доволно време“.
Челзи моментално е осмо на табелата со 51 бод од 34 натпревари во Премиер лигата и заостанува три бода зад шестопласираниот Манчестер Јунајтед, кој го држи последното место кое обезбедуа пласман во европските купови.
Спорт
Тренерот на Бенфика сега е прв фаворит за нов тренер на Баерн
Баерн беше подготвен да го претстави Ралф Рангник како тренер кој ќе го наследи Томас Тухел следната сезона, но австрискиот тренер се премисли во последен момент и реши да остане на кормилото на репрезентацијата на Австрија. Претходно Баерн го одбија Чаби Алонсо и Јулијан Нагелсман.
Баерн ја продолжува потрагата по наследникот на Тухел, а според „Билд“ следен кандидат е Роџер Шмит (57), актуелниот тренер на Бенфика.
„Билд“ тврди дека Баерн сега со сите сили ќе тргне по Шмит, чиј договор со Бенфика е со важност до 2026 година и има откупна клаузула од 30 милиони евра. Сепак, португалскиот клуб наводно не е целосно задоволен од неговата работа, па постои можност Баерн да го добие на друг начин, наместо да плати голема сума.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“