Спорт
15 фудбалски факти за кои нема да поверувате дека се вистинити

Веб-страницата „Спортбајбл“ направи интересна колекција на фудбалски факти кои изгледаат дека се лажни, но се вистинити. Колекцијата е собрана од твитер-дискусија во текот на пандемијата на коронавирусот во 2020 и има некои навистина зачудувачки факти.
1. Филип Лам успеал да не направи фаул цела година
Легендарниот дефанзивец на Баерн Минхен и Германија, Филип Лам, успеал да избегне фаул 13 месеци во Бундеслигата – од септември 2015 до октомври 2015.
2. Жозе Мурињо не ја добил наградата за менаџер на месецот во две шампионски сезони во ПЛ
Специјалниот во две сезони во кои со Челси ја освои титулата не стигна ниту еднаш до оваа награда, иако ја доби трипати во кариерата – двапати во 2004/2005 и еднаш во 2006/2007.
3. Нејмар ја доби наградата за играч на месецот на Ла Лига пред Лео Меси
Бразилецот го совлада Меси при воведувањето на наградата во 2013, додека Меси прват беше награден во јануари 2016.
4. Манчестер јунајтед не загубил на „Олд Трафорд“ во Премиер лигата кога водел на полувреме
Неверојатно, но вистинито!
5. Тео Волкот има повеќе голови во ЛШ од Роналдо, Зидан, Азар…
Поранешниот талент на Арсенал има 15 гола во ЛШ, што е повеќе од Роналдо (бразилскиот), Зинедин Зидан, Мирослав Клозе, Давид Вилја, Алексис Санчез и Еден Азар.
6. Златан Ибрахимовиќ и Кристијано Роналдо дале голови во секоја минута од мечот
Засега тие се двајцата што имаат голови во сите минути во еден меч (1-90).
7. Златан играл за шест клуба со титула од ЛШ, но тој ја нема освоено
Ибрахимовиќ играл во Милан, Интер, Јувентус, Манчестер јунајтед, Ајакс и Малме – клубови што ја освоиле ЛШ.
8. Шпанија го освои Светското првенство со само 8 постигнати гола
Доминантната победа на СП во 2010 во Јужна Африка под Висенте дел Боске е освоена со само осум гола.
9. Гери Линекер никогаш не добил жолт картон во кариерата
За почит!
10. Стив Брус постигнал 19 гола во една сезона како централен бек
Брус беше капитен на Манчестер јунајтед и зачудувачки во 1990/1991 беше најдобар стрелец во Премиер лигата со 13 гола.
11. Вејн Руни, Герет Бејл и Кевин Дејвис се единствени фудбалери што постигнале гол, имале асистенција и си дале автогол во ист меч
Непосакуваниот хет-трик.
12. Кингсли Коман ја освоил лигашката титула секоја година како професионалец
Три клуба, 10 титули во низа – три со ПСЖ во 2014/2015, 2015/2016, скудето со Јувентус и потоа шест титули во Бундеслигата со Баерн Минхен.
13. Штефан Шварц има вселенска клаузула во договорот со Сандерленд
Шведскиот фудбалер во својот договор има опција дека договорот му се поништува доколку добие шанса да патува во вселената.
14. Жозе Мурињо во еден период девет години не загубил домашен натпревар
Со четири клуба тој точно 9 години и 150 дена не загуби дома.
15. Реал Мадрид го победи својот резервен тим во финалето на Копа дел Реј во 1980
Лос Бланкос има 19 титули од Копа дел Реј, но најчудната останува таа во 1980 кога го победија Реал Мадрид Кастилја со 6:1 на „Сантијаго Бернабеу“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мурињо: Денес секој може да биде тренер во Англија…

Познатиот португалски тренер Жозе Мурињо е во врвниот фудбал две и пол децении и сè уште ја чувствува истата страст, не размислува за пензионирање.
Сè уште е гладен за фудбал.
„Што ме храни како тренер? Сè уште е желбата за победа. Сакам да победувам на секој следен натпревар, навистина си ја сакам работата. Не можам да најдам никаква причина да не продолжам, да не се чувствувам доволно млад. Не гледам никаква разлика помеѓу Мурињо кој започна пред 20 години и денес. Нема никаква разлика“, рече познатиот тренер во големо интервју за португалскиот „А Бола“.
Сепак, забележа дека во меѓувреме се случиле големи промени во светот на фудбалот, особено кај тренерите.
Тој, исто така, коментираше за денешните менаџери во најсилната лига во светот, Премиер лигата.
„Дојдов во Премиер лигата како победник на Лигата на шампионите во 2004 година. Таа година, во Премиер лигата имаше само двајца странски тренери: Бенитез и јас. Тој дојде во Ливерпул откако го освои Купот на УЕФА со Валенсија. (Во Премиер лигата тогаш беше и Арсен Венгер и уште двајца странски тренери). Сега во Премиер лигата доаѓаат тренери чии имиња дури и не ги знам. Не сакам никого да навредам, тоа е реалноста. Има тренери кои се избираат врз основа на некои податоци, бројки, а не поради победи. Се чини дека денес идеите се поважни од победите“, се чуди Жозе Мурињо.
Португалецот е на клупата на турски Фенербахче од минатото лето. Претходно работеше во Бенфика, Леирија, Порто, Челзи, Интер, Реал Мадрид, Манчестер јунајтед, Тотенхем и Рома.
Освои близу 30 титули и купови како главен тренер и уште десетина како асистент додека му помагаше на Боби Робсон во Порто и Барселона.
Фото/ Принскрин
Спорт
Jамал е убедливо највредниот фудбалер на сите времиња

Младиот ас на Барселона, Ламине Џамал, вреди дури 279,7 милиони евра, што претставува рекордна проценка. Откако „Фудбал Бенчмарк“ почна да собира податоци во септември 2018 година, ниту еден фудбалер немал поголема пазарна вредност од Ламин Јамал.
Оваа компанија редовно објавува анализи за пазарната вредност на играчите од водечките европски национални првенства. Досега, само четири фудбалери достигнале бројка поголема од 200 милиони евра. Првата листа од септември 2018 година ја предводеа Нејмар (233,55 милиони) и Лионел Меси (209,96 милиони).
Килијан Мбапе им се придружи во јануари 2019 година со вредност од 215 милиони евра.
По последното продолжување на договорот со Барселона, пазарната вредност на 18-годишниот напаѓач на Барселона скокна за дури 121,75 милиони евра – од 157,95 на рекордни 279,70 милиони евра.
Помеѓу 2018 година и денес, ниту еден играч не се приближил до оваа бројка.
Топ 10 највредни фудбалери
Ламин Јамал (Барселона) – 279,70 милиони евра (+121,75)
Килијан Мбапе (Реал Мадрид) – 236,90 милиони евра (+7,62)
Ерлинг Холанд (Манчестер Сити) – 182,60 милиони евра (−5,72)
Џуд Белингем (Реал Мадрид) – 179,70 милиони евра (−4,23)
Винисиус (Реал Мадрид) – 171,50 милиони евра (−14,69)
Букајо Сака (Арсенал) – 155,70 милиони евра (-5,72)
Џамал Мусиала (Баерн) – 154,10 милиони евра (+7,36)
Флоријан Вирц (Ливерпул) – 144,10 милиони евра (−4,16)
Педри (Барселона) – 131,80 милиони евра (+14,14)
Федерико Валверде (Реал Мадрид) – 127,00 милиони евра (+3,20)
Спорт
Артета: Време е Арсенал да ја освои титулата

Арсенал игра одличен фудбал под водство на менаџерот Микел Артета во последните неколку сезони.
Тие се вицешампиони на Англија три сезони по ред, минатото лето стигнаа до полуфиналето на Лигата на шампионите, но навивачите се незадоволни и бараат само едно нешто, титулата шампион на Англија, која Арсенал ја чека од 2004 година.
Следната сезона во Премиер лигата ќе биде брутално предизвикувачка, има премногу силни тимови, но Арсенал е сигурно меѓу главните кандидати за трофејот.
„Топџиите“ се засилија, тимот им изгледа моќно, а Артета верува дека време е за титулата.
„Посилни сме од минатата сезона. Го подигнавме нивото на квалитет во тимот, сме поискусни и верувам дека имаме сила да триумфираме во Премиер лигата. Конкуренцијата ќе биде силна, има многу добри тимови и според мене барем шест или седум, можеби дури девет од нив можат да се надеваат на пехарот. На крајот, само еден клуб ќе биде среќен, а мислам дека тоа би можел да биде Арсенал“, рече Артета.
Ова лето, Арсенал веќе ги доведе Мартин Зубименди, Нони Мадуеке, Кристијан Норгард и Кепа Аризабалага и издвои 120 милиони евра за сите нив. Се чека уште Виктор Ѓокерес од Спортинг за 63+10 милиони евра.
Арсенал ќе го игра првиот натпревар во новата сезона во Премиер лигата на 17 август против Манчестер јунајтед.
Титулата во Премиер лигата ќе ја брани Ливерпул.
Foto/ EPA