Свет
Коронавирусот не е биолошко оружје, покажува најновиот американски извештај
Канцеларијата на американскиот директор на Националната разузнавачка служба (ODNI) објави нова проценка од која е отстранета тајната ознака за потеклото на Ковид-19, а во извештајот се проценува дека коронавирусот не е развиен како биолошко оружје.
Во извештајот, се отфрлаат индициите дека коронавирусот настанал како биолошко оружје и се наведува дека поборниците на оваа теорија немаат директен пристап до Институтот за вирологија во Вухан“и се обвинети за ширење дезинформации.
Извештајот е производ на 90-дневниот преглед објавен од администрацијата на американскиот претседател Џо Бајден во август, во услови на интензивна политичка контроверзија околу тоа дали и до кој степен Кина треба да се обвини за глобалната пандемија, или владите кои можеби не реагирале доволно брзо на ги штитат своите граѓани.
Во извештајот на ОДНИ се наведува дека четири американски разузнавачки агенции и тело што обединува неколку агенции имаат ниско ниво на доверба дека Ковид-19 потекнува од заразено животно или поврзан вирус.
Но, една агенција има умерена доверба дека првата човечка инфекција со Ковид-19 најверојатно била резултат на лабораториска несреќа, која најверојатно вклучувала експериментирање со животни во Институтот за вирологија во Вухан.
Американските разузнавачки агенции веруваат дека нема да можат да дадат попрецизно објаснување за потеклото на Ковид-19 без нови информации кои укажуваат дека вирусот поминал специфичен пат од животните до луѓето или дека лабораторија во Вухан работела на вирусот или сродниот вирус пред Ковид 19.
Во извештајот се наведува дека на американските агенции и на глобалната научна заедница им недостасуваат клинички примероци или целосно разбирање на епидемиолошките податоци од најраните случаи на Ковид-19, така што овој контроверзен извештај би можел да се преиспита доколку се појават повеќе докази.
Кина се соочи со меѓународни критики дека не соработува поактивно во истрагите за потеклото на актуелниот коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Се обидел да се пресоблече, па паднал од ѕид висок 20 метри: трагедијата на Калемегдан
В.М.(39) од Белград загинал синоќа при пад од ѕидините на тврдината Калемегдан, а според очевидци до несреќата дошло кога се обидел да се пресоблече.
Луѓето кои биле во близина, забележале маж кој се обидел да се облече, па најверојатно на тој начин изгубил рамнотежа.
„Видовме дека е сам. Сакаше да го облече горниот дел од облеката. Се чинеше дека ја изгуби рамнотежата. Полицијата и итната помош брзо дојдоа, но немаше помош“, велат очевидци во текот на истрагата.
За случајот е информирано Вишото јавно обвинителство во Белград.
Телото на В.М. (39) од Белград е пренесено на обдукција во Институтот за судска медицина, пишува српски Телеграф.
Неофицијално, на полицијата и е наредено да обезбеди видео надзор од околните камери.
Свет
Мало девојче загина пред градинка во Италија: ја удрила баба со автомобилот кога дошла да си го земе внукот
18-месечната Софија починала во болница во Бреша, Италија, откако во неа удрил автомобил пред градинката додека била со баба и.
Трагедијата се случила околу на паркин пред приватен училишен комплекс во главниот град на Ломбардија, во кој се сместени градинка, основно и средно училиште.
Во девојчето удрил автомобил управуван од баба на прваче. Како што пишуваат италијанските медиуми, таа го паркирала автомобилот од едно на друго паркинг место, но наводно не го видела девојчето.
Малата Софија паднала на земја и ја удрила главата.
Брзата помош пристигнала брзо, а девојчето било реанимирано на лице место, бидејќи доживеала срцев удар. Потоа ја префрлиле во болница, но малата Софија не преживеала.
И нејзината баба се здобила со неколку скршеници, и во шок е пренесена во болница.
Несреќата се случила во шпицот, кога децата го напуштаат училиштето, од кои некои биле сведоци на трагедијата.
Свет
Гетемилер: НАТО никогаш нема да ја нападне Русија
Ризикот од директен конфликт меѓу Русија и НАТО е нула, бидејќи Северноатлантската алијанса никогаш нема да ја нападне Москва, изјави поранешниот заменик државен секретар на САД за контрола на оружјето и поранешен заменик генерален секретар на НАТО, Роуз Гетемилер.
Руската специјална операција предизвикува загриженост, иако, додаде таа, што се однесува до НАТО, „тоа е одбранбен сојуз кој никогаш нема да дејствува агресивно, да ја нападне Русија“.
Дополнително, Гетемилер нагласи дека Соединетите Американски Држави распоредиле нуклеарно оружје на територијата на европските земји со цел да ги одвратат тие земји да дизајнираат сопствено нуклеарно оружје и да ги намалат ризиците од нивно ширење.
„Оваа мисија произлегува од преговорите за Договорот за неширење на нуклеарното оружје од 1960-тите, кога СССР беше многу загрижен за земјите од НАТО, особено Германија, кои ја дизајнираа и распоредуваа својата програма за нуклеарно оружје“, потсети таа.
Гетемилер, исто така, додаде дека од гледна точка на САД и нивните сојузници во НАТО, Договорот за неширење на нуклеарното оружје е договор за неширење во Европа, бидејќи спречил многу сојузници на НАТО да набават и распоредат нуклеарно оружје.
Во април, Меѓународната кампања за елиминација на нуклеарното оружје објави дека членките на НАТО го прекршуваат Договорот за неширење на нуклеарното оружје со распоредување оружје во Полска. Претходно организацијата апелираше до Америка да го повлече оружјето од Европа, бидејќи практиката на нуклеарна размена е опасна и го зголемува ризикот од ескалација.
Според нивните податоци, Америка има околу 150 нуклеарни бомби, дистрибуирани меѓу американските воздушни бази во Германија, Италија, Холандија, Белгија и Турција, без никакви официјални најави.
Договорот за неширење нуклеарно оружје (од 1968 година, кој важи од 1970 година) предвидува дека нуклеарно оружје може да поседуваат само пет земји (Америка, СССР, Велика Британија, Франција и Кина) и забранува појава на нови нуклеарни држави, пренесува Спутник.
„Нуклеарната петорка“ се обврза да не го предава нуклеарното оружје на други земји и да не помага во неговото создавање, а останатите учесници во договорот да не прифаќаат или произведуваат нуклеарна бомба.