Спорт
Конте повторно ќе работи во Премиер лигата, но не во Манчестер јунајтед
Антонио Конте во наредните неколку денови би можел да се врати во Премиер лигата. Италијанскиот тренер се поврзува со Манчестер јунајтед, меѓутоа „Тутомеркато“, тврди дека Конте ќе биде новиот тренер на Тотенхем.
Тотенхем, во новата сезона влегоа со Нуно Еспирито Санто, стартуваа со три победи, но во наредните седум кола победија само два пати, а забележаа пет порази. Спарс имаат негативна гол-разлика 9:16.
Тотенхем се наоѓаат во лоша форма, поради што, покрај италијанските и англиските медиуми пишуваат дека Даниел Леви е во потрага по нов менаџер.
Приказната на „Тутомеркато“, ја потврди и новинарот на „Газета дело Спорт“, Алфредо Педула. Тој тврди дека Тотенхем ќе направат се што е во нивна моќ за да го донесат трофејниот тренер.
„Тотенхем е во слободен пад, а позицијата на Нуно Еспирито Санто дополнително ја разниша вчерашниот пораз од Манчестер јунајтед. Директорот на клубот, Фабио Паратичи е пријател со Конте, него на клупата сака да го види и претседателот Леви. Паратичи ќе се обиде да го убеди да се врати во Лондон. Сепак, Конте нема да брза со одлуката. Добро ќе размисли пред да го одбере следниот ангажман, а во Тотенхем веруваат дека ќе го одбере нивниот проект“, пишува Педула.
Конте од 2016 до 2018 година го предводеше Челси. Тој со „дините“, во 2017 ја освои Премиер лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.