Спорт
Просинечки: Пушев и пиев, не бев робот каков што е Роналдо
„Таков играч не сме имале ни пред ни потоа. Беше неповторлив, волшебен“, вака навивачите на Портсмут говорат за Роберт Просинечки. Поранешниот хрватски репрезентитвец само една сезона играш за Портсмут. Просинечки може да се пофали дека во кариерата играл за двата најголеми шпаснки клуба, Реал и Барселона.
Просинечки, фудбалер со префинета техника, беше познат и како страствен пушач. Позната е приказната на неговиот поранешен соиграч, Питер Крауч, дека знаел да запали на полувремето во соблекувалната на Портсмут.
„Само една сезона играв во Портсмут, одлично ми беше, дури и ме прогласија за омилен странец. Со задоволство се сеќавам на тој период. Ќе останев подолго, но мојот татко се разболе и јас решив да се вратам во Олимпија, а потоа и во Загреб. Питер е симпатично момче, тогаш беше многу млад. Добар играч, особено со таква висина. Интересна личност. Јас никогаш не сум криел дека пушам. Но, дека сум пушел во соблекувалната на полувреме, тука малку претера“, рекол Просинечки.
„Денес пушат речиси сите, само што се кријат. Мислат дека ако те види некој дека ќе ти извади муабет дека се трудиш доволно. Тоа не е вистина. Јас живеев за фудбалот. Тоа што сакав да запалам цигара и да се напијам, тоа нема врска. Толку многу му дадов на фудбалот. Во денешниот врвен спорт демек тоа не се прави. Роналдо е исклучок, ми делува како да е програмиран. Внимава на секоја работа. Веројатно поради тоа трае толку долго. Целиот живот го подредил на фудбалот. Тој супер игра, но во тоа има нешто роботски. Ми се чини дека и во љубовта е како робот.“
Просинечки, повторил дека денешниот фудбал не е како оној од негово време и претходно.
„И Меси и Роналдо се талентирани, не се работи тука само за дисциплината. Поради дисциплината доминираат долго време. Нема повеќе да има такви играчи кои ќе доминираат толку долго време. Имавме и еден друг Роналдо, кој доминираше три години, го имавме Роналдињо, Марадона. Тие беа многу пореално. Луѓето сакаат да видат потег да ги изненадиш со нешто, сакаат да ја видат убавината на играта. Фудбалот сега е за роботи, сите се физички максимално подготвени, но кога ќе се појави некој поразличен тогаш се врзуваме за нив. Тука е Меси поразличен од Роналдо, кај него има убавина во играта“, заклучил Просинечки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.
Спорт
Чави инстирал капитенот да остане – Серхи Роберто го продолжи договорот
Капитенот на Барселона, Серхи Роберто ќе потпише нов договор со каталонскиот клуб.
Чави Ернандез им порачал на Деко и Џоан Лапорта дека Роберто има огромно влијание врз младите играчи, дека е вистински лидер и дека како играч во ротацијата се уште е од големо значење.
Роберто е дете на клубот, а многумина со години го гледаат надвор од Барселона, но Чави го штити и го сака во тимот. Навивачите и јавноста се поделени, мислат дека е време за промена на генерациите, иако Роберто има намалена улога на теренот како некогаш Џерар Пике и Жорди Алба.
Сепак, Роберто во неколку наврати прифаќаше намалување на платата, практично сега заработува пет пати помалку од пред три години, што е уште една причина за продолжување на договорот.
Роберто е свесен дека нема да игра многу, но не се гледа себеси надвор од Барселона, каде што ја помина целата своја кариера.