Македонија
Излезноста до 18.30 часот е 48,88 проценти – најголема во Вевчани, а најмала во Сарај
Одѕивот на гласањето до 18,30 часот е 48,88 отсто. Претседателот на Државната изборна комисија Александар Даштевски, на една минута по затворањето соопшти дека на девет избирачки места гласањето ќе биде продолжено за онолку време колку што траел прекинот утрово.
Гласањето продолжува во Центар на избирачкото место 2867 /1 за 2 часа и 35 минути, на избирачкото место 2831 ќе се продолжи 2часа и 55минути. Во Сарај на изборачкото место 2433 гласањето ќе продолжи 2 часа и 45 минути, на избирачкото место 2435 2 часа и 45 минути и на 2438 ќе има продолжување од два часа. Во Карпош продолжување ка има на избирачкото место 2652 2 часа и 30 минути, во Чешиново – Облешево на избирачкот место 0887 гласањето ќе продолжи уште 1 час и 11 минути, во Зелениково на избирачкото место 2373 ќе се гласа уште 2часа и 15 минути, во Пробиштип на изборачкото место 1566/1 гласањето ќе продолжи уште 1час и 55 минути, на избирачкото место 1572 гласање ќе има уште два часа о во Долнени на избирачкото место 1471 гласањето ќе се продолжи за 1 час и 30 минути, колку што траел прекинот утрово.
Најголем одѕив во вториот круг до 18.30 часот има во Вевчани 81,2 отсто, а најмал одѕив е регистриран во Сарај каде што на гласање до 18.30 часот излегле 28,12 отсто од запишаните гласачи.
Во текот на изборниот ден пристигнале вкупно 739 приговори од кои 642 се прифатени, 45 одбиени и за 52 приговори било утврдено лицата ги има во Избирачкиот список.
„Сметам дека сите се уверивме дека имавме успешен и мирен ден со изолирани инциденти, не беа организирани, и фер и демократско гласање. Уредите за биометриска идентификација работеа беспрекорно освен неколку проблеми сабајлево што беа регулирани и не се повтори. Останува да се пребројат гласовите и да заклучиме дека денот помина успешно“, рече претседателот Даштевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија, мандат за состав на Влада добива кандидатот на партијата/ партиите кои имат мнозинство (најмалку 61 пратеник).
„Владата ја избира Парламентот со мнозинство гласови од 120-те пратеници. Мнозинство се 61 пратеник. За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса. Се работи за класична манипулација или непознавање на политичкиот систем и Уставните решенија за избор на Влада“, велат од Демократскиот сојуз.
„Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.
Наводната проевропска партија „ги отвори вратите на ЕУ“, при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади Албанци.
Сите партии се изјаснија дека по изборите нема да коалицираат со ДУИ. Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ“, се додава во соопштението на Демократскиот сојуз.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.