Македонија
„По локалните избори – време за отрезнување и соочување со стварноста на реалниот живот“
Кога ќе се изгаснат блескавите светла од адреналински потентните рефлектори за актерите на изборната сцена, сите повторно јасно ќе можеме да ги видиме нијансите кај темнината на ноќта и светлите колорити на денот. На овие локални избори во нашата држава дежурниот чувар ќе го исклучи главниот кабел за разнобојното осветление и прегласното озвучување, ќе ги скине здодевните ПР-билборди на кандидатите, а медиумите ќе си се вратат на своето редовно известување за вистинските проблеми и предизвици од реалниот живот.
Како и на сите претходни локални избори, кандидатите за градоначалник и советници во општинските совети гласно ги промовираа и се натпреваруваа со многу ветувања или со подолги листи на желби за приоритетни проекти што би ги реализирале доколку го добијат мандатот од гласачите. Со мали разлики, кај сите кандидати најчесто се повторуваа ветувањата за почиста и поуредена општина, реформирана и ефикасна општинска администрација, нови или реновирани и добро опремени училишта, изградба на нови или асфалтирање на постојните локални патишта, еколошки безбедна депонија, пречистителна станица за отпадни води, реконструкција на дотраени дистрибутивни мрежи за чиста вода до сите домаќинства, урбан канализациски систем, канали за наводнување и континуирано чистење на речните корита, современо организиран развој на земјоделството и сточарството, како и ефикасни откупни центри, развој на руралниот и бањскиот туризам, поквалитетен социјален живот за младите, култура, спорт и…
Во последните 30 години едно големо НО, кое постојано се повторува, е суровата реалност дека веднаш откако новоизбраната локална управа ќе биде „устоличена“, неизбежно ќе се соочи со бруталниот факт дека многу мал дел од слаткоречивото ветено може и објективно да се оствари доколку бргу не се обезбедат стабилни и значително поголеми финансиски приходи за општинските буџети за да се обезбеди оптимално потребна самоодржливост на општините.
Ноторен факт е дека успешноста на секоја локална власт не се проценува по атрактивноста на нејзините ветувања и списокот на желби, туку само по реално остварените проекти, акција и дела од интерес за сите жители независно од нивните политички, етнички, верски и културни различности.
Дури и на најквалитетните локални лидери што ќе победат во изборниот процес обезбедувајќи мнозинство гласови за поддршка на ветените проекти за подобар живот во општината, рацете ќе им бидат врзани затоа што без директни приливи на оптимално потребни пари во општинските каси, објективно нема да има можност за вистинска реализација. Всушност, само со конструктивна соработка и ефикасна координираност помеѓу локалните и централната власт нашата држава може да обезбеди практични услови за забрзан развој во сите релевантни сектори и драстично да ги подобри и подигне на повисоко ниво реалните услови за достоинствено живеење на СИТЕ свои жители. Тука локалното лидерство – градоначалниците и советниците во општинските совети, има извонредно важна улога за да помогне во создавање позитивна пријателска средина и да понуди ефикасни решенија за да се привлечат домашните и странските инвестиции, кои со себе носат нови и подобро платени работни места и повисок животен стандард.
Атрактивно срочените изборни пароли и слаткоречивите ветувања имаат само краткотрајно дејство врз нашите емотивни реакции, но разумот бргу ќе нѐ потсети дека само богати и економски развиени општини, региони и држава реално може да си дозволат непречено реализирање на сите наведени инфраструктурни и комунални проекти, да инвестираат значително во неопходната грижа за заштита на животната средина, да обезбедат високи стандарди и технички услови во делот на хигиената и здравјето на луѓето… Или, воопшто, со акција и дела да креираат квалитетни параметри за современо и среќно живеење. Да, ваквата поддршка од локалното ниво на власт е неопходна за државата на национално ниво, конечно, да почне ефикасно да се справува со девастирачките последици од сѐ помасовниот процес на егзистенцијално мотивирано иселување кон економски поразвиените земји како неизбежна последица од пролонгираната економска стагнација и евидентното чувство на бесперспективност кај младите генерации.
И, навистина, не е потребен некаков rocket scientist, ниту научни анализи на врвни економски експерти за да се заклучи дека само робусно инвестициско трошење и отворање реален бизнис, производство и мултиплициран извоз, може бргу и ефикасно да ја придвижи националната економија напред. Високите достигнувања за поквалитетен и посреќен живот на сите наши сограѓани се остварливи само преку забрзан економски развој. Никако не доколку останеме заробени од нагласениот говор на омраза преку радикално деструктивен пристап, кој мазохистички сугерира само пролонгирано живуркање и преживување.
Конгресот на локални и регионални власти на Советот на Европа (Сесија во Стразбур 26 – 28 октомври, 2021) расправа по извештајот за Македонија во однос на Европската повелба за локална самоуправа, која нашата држава ја ратификува уште во 1997 година. Познато е дека во извештајот е забележана позитивната клима во однос на реформата за понатамошна децентрализација и се поздравува важноста што се дава со усвојување на новата програма за одржлив локален развој 2021 – 2026. Конгресот оценува дека локалните власти реално немаат пристап до доволно финансиски средства за ефикасно извршување на нивните обврски и успешно остварување на приоритетните проекти. Затоа сугерира ургентно имплементирање дополнителни реформски зафати за да се обезбеди соодветно и пропорционално финансирање, односно да се зголеми уделот на општините во приходите на локалниот буџет.
Време е за отрезнување и соочување со стварноста на реалниот живот затоа што само со акција и дела може да стигнеме до подобар живот – сега и веднаш! Крајно време е сите да ги прифатиме неоспорните факти – со конечна реализација на мегаинвестицискиот проект „Иловица-Штука“, „Еуромакс ресоурцес“ секоја година, само по основ на законски давачки, даноци и такси, ќе уплаќа приближно по 24 милиони евра во државниот буџет. Над 5 милиони евра годишно ДИРЕКТНО ќе се слеваат во буџетите на општините, на чија територија функционира овој современ рударски комплекс! Речиси десеткратно ќе се зголемат даночните приходи, кои директно се наплаќаат, и општинските буџети на Босилово и Ново Село со тоа ќе бидат зголемени двојно. Дополнителните 5 милиони евра секоја година ќе обезбедат стабилно финансирање за општините и ќе ја овозможат реализацијата на дефинираните проекти за заштита на животна средина, водоснабдувањето, инфраструктурата, образованието, поддршка на земјоделството, културата и сè друго што ќе придонесе за брз просперитет!
Безрезервно ги поддржуваме презентираните визии и приоритетните проекти од новоизбраните градоначалници на општините Струмица, Босилово и Ново Село затоа што нивната брза и ефикасна реализација ќе донесе добросостојба за СИТЕ жители, без разлика кому му го довериле својот глас во изборниот процес. И во оваа пригода, како докажани партнери на заедницата, јавно се обврзуваме и гарантираме долгорочна финансиска и експертска асистенција убедени дека само со широка инклузивност, транспарентност, конструктивен дијалог и соработка со сите фактори ќе успееме заедно да го изградиме и оперираме современиот рударски комплекс како win-win капитална инвестиција со стратешко значење за прогрес и изградба на просперитетни и економски стабилни општини, регион и држава.
Автор: д-р Живко Груевски, директор за комуникации на „Еуромакс ресоурцес“
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Работна посета на министерот Муцунски на Обединетото Кралство – фокус на економската соработка, инвестициите и инфраструктурните проекти
Министерот за надворешни работи и надворешна трговија, Тимчо Муцунски, од денеска престојува во работна посета на Лондон. Во рамки на посетата, заедно со министерот за одбрана, Владо Мисајловски, оствари средба со парламентарниот државен потсекретар и министер за услуги, мали бизниси и извоз во Министерството за бизнис и трговија на Обединетото Кралство, Гарет Томас.
На средбата се разговараше за потенцијалите за зајакнување на економската соработка меѓу двете земји, со акцент на продлабочување на соработката во областа на инвестициите, зголемувањето на трговската размена, соработката во делот на инфраструктурните проекти, како и на подобрување и модернизација на здравствените капацитети.
Воедно, беше потврдена важноста на заедничкиот раст и просперитет за развојот на меѓусебните односи, како и заложбата за соработка во насока на постигнување на овие цели.
Македонија
Докторка затекната при примање поткуп во битолска болница: најостра осуда од Министерството за здравство
Министерството за здравство најостро го осудува секој облик на коруптивно однесување во здравствениот систем. Во врска со случајот во ЈЗУ Клиничка болница „Др. Трифун Пановски“ – Битола, каде што денес медицинско лице е затекнато при примање поткуп, Министерството веднаш иницира постапка за утврдување на дисциплинска одговорност, согласно законските процедури.
„Реакцијата на Министерството е брза, принципиелна и недвосмислена, ставена во насока на заштитата на достоинството на пациентите и интегритетот на медицинските лица од јавното здравство.
Граѓаните имаат право на фер и достоинствен третман. Министерството не толерира корупција и ќе ги санкционира сите прекршоци за да ја зачува довербата во здравствениот систем.
Очекуваме институционална истрага и завршница од надлежните органи, со цел ефикасна борба против корупцијата. Ги повикуваме граѓаните да продолжат да пријавуваат преку веб алатката „Пријави неправилности“, додека институциите да продолжат постапуваат доследно и без селективност“, соопштуваат од МЗ.
ОЈО Битола и СВР Битола постапуваат за кривичното дело примање поткуп од осомничената докторка. Се уште се преземаат дејствија, извести Обвинителството и најави повеќе информации во текот на утрешниот ден.
Македонија
Јаневска им додели награди на учениците со најдобри есеи по повод 80 години од кодификацијата на македонскиот стандарден јазик
Шест основци и средношколци победија со своите есеи во исто толку категории во рамки на конкурсот по повод 80 години од кодификацијата на македонскиот стандарден јазик. Конкурсот го објави Министерството за образование и наука на 5 мај, кога и се одбележува Денот на македонскиот јазик и на истиот пристигнаа над 320 апликации од ученици од четврто одделение во основното образование до четврта година во средното образование.
Победниците на конкурсот, денеска во МОН остварија средба со министерката за образование и наука, проф. д-р Весна Јаневска која им додели пригодни подароци.
„Јазикот е душата и идентитетот на еден народ, симбол на индивидуалноста и уникатноста. Оттука, исклучително важно е да го почитуваме и да продолжиме да се грижиме за развојот на македонскиот, но и на сите други јазици на кои говорат граѓаните на Македонија. Ви честитам на заложбата, на вложениот труд и ви посакувам во иднина уште многу успеси и победи“, рече министерката Јаневска, изразувајќи задоволство што младите сакаат да творат и да учествуваат на натпревари.
Учениците од четврто до шесто одделение, се натпреваруваа на тема „Мојот македонски јазик е како виножито, полн со бои и зборови“, а првото место го освои Лука Стојановиќ од ОУ„Видое Подгорец“ с.Колешино, Ново Село. Учениците од седмо до деветто одделение пишуваа на тема „Мојот македонски јазик- мој идентитет, културно наследство и аманет“ и првото место и’ припадна на ученичката Ива Јосифовска од ОУ„Гоце Делчев“- Прилеп, додека на истата тема, помеѓу учениците од прва до четврта година средно образование, првонаграденa е ученичката Тијана Атанасова од СОУ„Јосиф Јосифовски“- Гевгелија.
Ученичката Рига Куртај од ОУ„ 25 Мај“- Гази Баба е победник во категоријата на ученици од четврто до шесто одделение кои учат на наставен јазик различен од македонскиот јазик, а се натпреваруваа на тема „Македонскиот и мојот мајчин јазик се пријатели“.
Учениците од седмо до деветто одделение кои учат на наставен јазик различен од македонскиот јазик пишуваа на тема „Македонскиот јазик и мојот мајчин јазик се богатство кое не тежи, туку возвишува“, а најдобар е есејот на ученичката Ерина Бајрами од ОУ„ Наим Фрашери“ – Куманово. Додека на истата тема, меѓу учениците од прва до четврта година од средните училишта кои учат на наставен јазик различен од македонскиот, првонаграден е есејот на ученикот Аљдин Мурати од ДУРДМОВ „Димитар Влахов“- Кисела Вода, напишан на брајово писмо.
Докторка затекната при примање поткуп во битолска болница: најостра осуда од Министерството за здравство
Министерството за здравство најостро го осудува секој облик на коруптивно однесување во здравствениот систем. Во врска со случајот во ЈЗУ...
Незгода на патниот правец Битола – Прилеп: сообраќајот во прекин за тешки моторни возила, патничките се пропуштаат наизменично
Од 15:45 часот поради вршење на увид на сообраќајна незгода на магистрален пат А-3 Битола – Државна граница Маџитлија кај...
Во земјава има 200.000 дивоградби, предничи Гостивар, вели Меџити и повикува институциите да делуваат, но не селективно
Сегашниот вицепремиер и министер за животна средина, Изет Меџити, кој 12 години беше градоначалник на Општина Чаир, повика институциите да...
Меџити не исклучува можност да биде кандидат за градоначалник на Чаир: Сè е на маса
Првиот вицепремиер и министер за животна средина, Изет Меџити, не ја исклучува можноста да му биде противкандидат на Бујар Османи...
Активни три пожари во државата, оној кај Николиќ ставен под контрола
Активни се три пожари во државата, соопшти Надица Вчкова од Главниот штаб за управување со кризи. Во моментот сѐ уште е...
Доцнење на прегледи и на резултати, скопјани со најмногу поплаки за здравството – Алиу ветува дека ќе го слуша гласот на народот
Министерството за здрвство добило 90 пријави од граѓани кои се пожалиле на функционирањето на здравствениот систем. Министерот за здравство Азир...
Токму полициски службеници на Тошковски се фатени за диви приклучоци, проблемот не е водата, туку тие што ја добиваат бадијала и институциите што ги штитат, велат од Град Скопје
ВМРО-ДПМНЕ, кога обвинува за недостиг на вода во град Скопје, заборава да додаде дека токму полициските службеници на Панче Тошковски...
55 ветерници ќе обезбедуваат струја за 100.000 домаќинства – почна изградбата на ветерниот парк кај Штип
Со поставување камен темелник денеска стартуваше изградбата на ветерен парк во близина на Штип, каде „Алканзар енерџи партнерс“, со инвестиција...
Дивоградбите ќе се уриваат ако се утврди дека се проблем за безбедноста на граѓаните, рече Тошковски
Министерот за внатрешни работи Панче Тошковски потврди дека една од општините во која вчера е влезено од страна на Одделот...
Тошковски: Арсовска одбива да соработува, полициските службеници не може да обезбедат изјава
Министерот за внатрешни работи Панче Тошковски вели дека градоначалничката Данела Арсовска одбива да соработува со полициските службеници од Одделот за внатрешна...
Пренесувале и продавале дрога: осомничените откриени преку скај-комуникација
Врз основа на доказите добиени преку скај-комуникацијата, предметен обвинител од Основното јавно обвинителство за гонење организиран криминал и корупција донесе...
Полицаец се обидел да внесе дрога во Идризово, приведен е
Приведен е полицаец поради сомнеж дека се обидел да пренесува дрога во Идризово. „При претрес на Х.А.(42) од Скопје, вработен...
Апелација повторно го осуди Васил Јованов на три години и десет месеци за дрогата
Aпелациониот суд повторно го осуди Васил Јованов, кој ја прегази младата Фросина Кулакова, на три години и десет месеци затвор...
Трамп: Ракетите за системите „Патриот“ веќе се на пат кон Украина, пристигнуваат од Германија
Ракетите за системот за воздушна одбрана „Патриот“ наменети за Украина веќе се на пат, изјави американскиот претседател Доналд Трамп, објави...
Огласот за прием на 150 нови полициски службеници е во тек
Министерството за внатрешни работи распишува конкурс за прием на 150 униформирани полициски службеници. „Да се биде полицаец е повик а...
Трамп: Бонди треба да објави сè што смета за веродостојно за Епштајн
Американскиот претседател Доналд Трамп изјави дека државната обвинителка Пам Бонди треба да објави „сè што го смета за веродостојно“ за...
Со потврда од матичен лекар, невработените до четврток можат да се пријават за гаснење пожари за 24.000 денари месечно
Огласот за ангажирање 400 невработени лица за помош при гаснење пожари на Владата е отворен до четврток, потсети денес Стојанче...
Кривична против лекар во струшката болница: со истечена лиценца 4 години примал плата и додатоци
42-годишен лекар од Струга, четири години земал плата и додатоци на плата, иако немал валидна лекарска лиценца, извести МВР. „ОВР...
„Анима мунди“: Феликс не беше само куче, беше жртва. Стана симбол, а од денес и преседан
„Првпат во Македонија убиство на животно завршува со затворска казна. Основниот кривичен суд – Скопје го осуди Љубе Крстевски на...
Русија: Подготвени сме за преговори, но не прифаќаме ултиматуми
По претходната изјава од Кремљ, рускиот заменик-министер за надворешни работи Сергеј Рјабков изјави дека Москва е подготвена за разговори откога...
