Спорт
Јокиќ „залепи банана“ во последна секунда за триумф на Нагетси
Кошаркарите на Денвер Нагетс го совладаа ноќеска Хјустон Рокетс со 95:94 (26:27, 20:20, 26:24, 23:23), а јунак на мечот беше српскиот центар Никола Јокиќ.
Јокиќ мечот го заврши со 28 поени и 14 скока, со 2 асистенции и 2 украдени топки. Нему му припадна и одлучувачкиот потег на мечот, во последната секунда.
Хјустон имаше напад, Тејт се обиде да поентира за победа, но Јокиќ со сјајна блокада го спречи асот на гостите да постигне кош.
NIKOLA JOKIC SAYS NO AT THE BUZZER!@nuggets win a thriller. pic.twitter.com/Ax3uL3FHEe
— NBA (@NBA) November 6, 2021
Покрај Јокиќ, забележителна партија имаше и Бартон со 15 поени и 7 скока, додека кај „ракетите“ Даниел Тајс броеше до 18, а Крис Вуд до 12 поени и 17 скока.
На останатите ноќешни НБА натпревари, Мајами Хит со 118-115 беше поуспешен од Јута Џез.
Чикаго беше поразен со 105:114 од Филаделфија.
Далас предводени од феноменалниот Лука Дончиќ (33 поени) славеа против Бостон со 107:104.
Феникс ја совлада Атланта 121:117
Портланд му нанесе тежок пораз на тимот на ЛА Лејкерс 105:90
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.