Спорт
Конте со 0:0 ja започна авантурата со Тотенхем во Премиерлигата
Дербито Евертон – Тотенхем ги разочара љубителите на фудбалот откако мечот заврши со најнепопуларниот резултат 0:0.
Новиот менаџер на „петлите“ Антонио Конте, за кого ова беше прв премиерлигашки меч на клупата на лондонскиот клуб нема по добро да го памети мечот.
Спарси предводени од еден од најдобрите светски напаѓачи во моментов Хари Кејн не упатија ниту еден удар во рамки на голот на Џордан Пикфорд.
Ниту „карамелите“ не претставуваа посебна закана пред голот на Лорис, само два удари одеа кон неговата мрежа.
За одбележување на овој меч е и директниот црвен картон на нововлезениот играч на Евертон – Холгејт во 92 минута.
Арсенал минимално со 1-0 славеа на својот стадион против Вотфорд.
„Топчиите“ во 7 минута имаа поништен гол на Сака поради офсајд, а во 36 минута Обамејанг промаши пенал.
Сепак, трите бодови остануваат во Лондон благодарение на погодокот на Роу Смит во 56 минута.
Гостите во 89 минута останаа и без еден играч на теренот, Куцка заработи втор жолт картон.
Со третиот триумф во низа четата на Микел Артета се искачи до петтата позиција на табелата во ПЛ.
Во третиот меч кој започна во истиот термин Лидс на својот стадион одигра 1-1 со составот на Лестер.
Двете најголеми возбудувања на овој меч се случија за само 2 минута.
Најпрво Рафиња го доведе составот на Биелса во водство од 1-0 во 26 минута, а „лисиците“ преку Барнс во 28 минута израмнија за конечни 1-1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.
Спорт
(Видео) Арсенал не се откажува од шампионската трка
Фудбалерите на Арсенал го победија Борнмут со 3:0 во натпреварот од 36. коло на Премиер лигата.
Головите за „топчиите“ ги постигнаа Букајо Сака во 45. минута од пенал, Леандро Тросар во 70. и Деклан Рајс во седмата минута од судиското надополнување во вториот дел.
Арсенал доминираше во првото полувреме и постојано притискаш кон голот на гостите. Вп првите 30 минути блескаше голманот на Борнмут во првиот половина час беше голманот Марк Траверс, кој одбрани неколку тешки удари.
Во вториот дел Арсенал го зголеми притисокот кој резултираше со два гола.
На две кола до крајот на сезоната Арсенал има четири бода повеќе, од Манчестер сити кој до крајот на сезоната ќе одигра уште четири натпревари.
Спорт
Де Зерби останува во Брајтон
Италијанскиот тренер Роберто Де Зерби нема намера да го напушти Брајтон по завршувањето на сезоната.
Медиумите на Островот пренесуваат дека италијанскиот стручњак ја одбил понудата на Баерн да го наследи Томас Тухел.
Покрај тоа, неговото име во последните недели се поврзуваше со Челзи, Милан, Ливерпул и Манчестер Јунајтед, но се чини дека тој ќе остане на југот на Англија.
Тој најави дека ќе следат разговори со првиот човек на клубот Тони Блум.
„Ќе разговараме со Тони Блум. Мислам дека би сакал да останам во Брајтон, бидејќи ги сакам овие играчи. Овој град, клубот, навивачите. Реков на средбата со навивачите, ако сум среќен, не постои клуб што ќе ме натера да го емнам тимот“, вели Де Зерби.
Неговиот тим моментално е на 12. место во Премиер лигата