Црна хроника
Кривична пријава за пензионирана судијка во Основниот суд Скопје 2
СВР Скопје поднесе кривична пријава против поранешна, сега пензионирана судијка од Основниот суд Скопје 2 за злоупотреба на службената положба
На судијката и помагале виш судски референт – извршител во оддел за вонпроцесна и оставинска постапка во судот и шумар во ЈП „Македонски шуми“ за измама.Судијката во текот на 2007,2008 г. службено постапувала како судија во основниот суд Скопје 2 по предлог на вработениот во „Македонски шуми“ против Македонија за паричен надомест на експроприрана недвижност – земјиште.„В.С. со намера да му овозможи стекнување со противправна имотна корист на М.Х., без да ги изврши нужните проверки во списите на предметот на 04.01.2008 година потпишала клаузула за правосилност и на ден 21.01.2008 година потпишала клаузула за извршност на решение кое таа предходно, на 02.04.2007 година, го донела во Основен суд Скопје II Скопје и покрај тоа што токму решението од страна на Државното правобранителство на РМ било обжалено пред Апелациониот суд во Скопје. На тој начин В.С. му овозможила на третопријавениот противправно да се стекне со парични средства во износ од 6.125.000 денари и за истиот износ го оштетила буџетот на Р.Македонија“ се вели во соопштението на МВР.Судската референтка и помогнала во измамата, со што сите пријавени се стекнале со противправна имотна корист. Сега, сите кривично ќе одговараат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Стојаково, пронајдена дрога, приведено едно лице
Вчера во 16.10 часот во село Стојаково, општина Богданци, полициски службеници од ОВР Гевгелија го лишиле од слобода В.К.(30) од село Стојаково.
При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава.
Црна хроника
131 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 131 меркa, меѓу кои за возење без возачка дозвола 17 санкции, 14 мерки за непочитување на брзината на движење, девет мерки за користење мобилен телефон при возење, осум санкции за минување на затворен сигнал – црвено светло…
Сообраќајните контроли продолжуваат и во наредните денови.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.