Спорт
Чави веќе отпишал шестмина
Чави Ернандез го одработи првиот тренинг како тренер на Барселона. Поради репрезентативните обврски, од тренингот отсуствуваа голем број играчи од првиот тим. За да може да работи, Чави повикал седум мина од Барселона Б.
По првиот тренинг, новинарите во Барселона, имаат свои теории околу тоа како ќе изгледа неговиот тим. Многу од нив се согласни дека Чави нема да смета на шестмина фудбалери.
Според непотврдени информации, Чави му соопштил на претседателот Џоан Лапорта, дека во неговиот тим нема да има место за Лукд Де Јонг, Мартин Брејтвајт, Самуел Умтити, Нето, Клеман Ленгле, Филипе Кутињо.
Де Јонг ќе се врати во Севилја, додека на останатите ќе им биде соопштено дека можат да во јануарскиот преоден рок да го напуштат клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тренерот на Бенфика сега е прв фаворит за нов тренер на Баерн
Баерн беше подготвен да го претстави Ралф Рангник како тренер кој ќе го наследи Томас Тухел следната сезона, но австрискиот тренер се премисли во последен момент и реши да остане на кормилото на репрезентацијата на Австрија. Претходно Баерн го одбија Чаби Алонсо и Јулијан Нагелсман.
Баерн ја продолжува потрагата по наследникот на Тухел, а според „Билд“ следен кандидат е Роџер Шмит (57), актуелниот тренер на Бенфика.
„Билд“ тврди дека Баерн сега со сите сили ќе тргне по Шмит, чиј договор со Бенфика е со важност до 2026 година и има откупна клаузула од 30 милиони евра. Сепак, португалскиот клуб наводно не е целосно задоволен од неговата работа, па постои можност Баерн да го добие на друг начин, наместо да плати голема сума.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“
Спорт
Шумахер најавува пропаст на Ред Бул
Ралф Шумахер (48) смета дека заминувањето на Адријан Њуи од Ред Бул е значаен момент за Формула 1. Поранешниот Ф1 возач смета дека ова е позначајно дури и од трансферот на Луис Хамилтон од Мерцедес во Ферари.
Пред два дена Ред Бул објави дека спогодбено ќе се раздели со најдобриот дизајнер во Ф1. Шпекулациите велат дека Њуи би можел да му се придружи на сонародникот Хамилтон во Ферари следната сезона.
Дури и да не се случи тоа, Ралф Шумахер е убеден дека без врвниот дизајнер, Ред Бул ќе стане просечен тим.
Помладиот брат на еден од најголемите возачи на сите времиња, Михаел Шумахер, кој и самиот имаше солидна кариера во Формула 1 (182 трки, 27 подиуми, 6 пол-позиции, 6 победи) отиде чекор понатаму и објави дека Њуи е само првиот во низата клучни луѓе на тимот на Ред Бул кои наскоро ќе ја напуштат базата во Милтон Кејнс.
„Да, тоа е факт и повеќе луѓе ќе си заминат“, одговори Шумахер на прашањето за организациската криза во најдоминантниот тим на првенството.
„Тоа е јавна тајна, но во реалноста сè започнува од фактот дека Кристијан Хорнер верува дека не му треба ниту еден од тие луѓе и дека најдобро знае како треба да изгледа Ф1 тим. Конечно, ја има целосната поддршка од тајландските инвеститори“, изјави Германецот, а пренесува шпанска „Марка“.