Спорт
Студен туш за БиХ во Зеница, Финците си заминаа со три бода!
Фудбалската репрезентација на БиХ доживеа тежок пораз во Зеница – со 3-1 победа извојуваше селекцијата на Финска.
Со ова фудбалерите предводени од селекторот Петев ги загубија шансите за бараж кој би ги одвел на СП во Катар идната година.
Уште во 25 минута гостите имаа можност да го отворат резултатот, но Тимо Пуки промаши пенал. Сепак Финска го отвори резултатот. Токму Пуки беше асистентот, а Форс во 29 минута погоди за 0-1 на „Билино поље“.
Гостите имаа хендикеп веднаш потоа затоа што Раитала во 37 минута доби директен црвен картон.
Сепак, средниот ред на фудбалерите на БиХ денеска не функционираше, пред се незабележителен на теренот беше капитенот Миралем Пјаниќ кој ја напушти играта во 66 минута, а од гледалиштето беше испратен со свирежи.
Претходно, во 51 минута Финска со голот на Лод стигна до предност од 2-0.
Се играше 69 минута кога домашните барем за момент се вратија во игра, стрелец Менало кој влезе во игра само две минути претходно.
Студен туш во Зеница во 73 минута. Иако во очигледен офсајд, О`Шонеси ја тресе мрежата на Сехиќ по една нафрлена топка за конечни 1-3.
Со овој пораз БиХ комплетно ги загуби шансите за второто место во групата Д кое носи во бараж. Босанците им направија услуга на Укранците кои за три дена се нивни гости и со победа можат да дојдат до толку посакуваното место во баражот.
Иако Финска во моментов со 11 бода има два повеќе од Украина, сепак тие во последното коло ја пречекуваат фаворизираната селекција на Франција која мора да победи во Финска за сигурен пласман во Катар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вилбекин трагичар, Монако избори мајсторка
Кошаркарите на Монако го совладаа Фенербахче на гости со 65:62 во четвртиот натпревар од четвртфиналната серија на плеј-офот во Евролигата и се изборија за мајсторка.
Да потсетиме, само Реал Мадрид досега се пласираше на завршниот турнир во Берлин, додека петтиот натпревар ќе го даде победникот и во сериите меѓу Барселона и Олимпијакос, односно Панатинаикос и Макаби.
Исклучително возбудлив натпревар, во кој доминираа одбраните одиграа фенер и Монако.
На крајот Монако победи со многу среќа. Малку фалеше Мајк Џејмс наместо еден од хероите на победата на Монако да биде трагичар. Американецот постигна тројка на 51 секунда до крајот, на гостите 61:57.
Во меѓувреме погодија Вилбекин и Хол, а потоа Марко Гудуриќ со својата тројка ги доведе возбудувањата до точка на вриење. Фенер на 18 секунди до крајот се доближи на 62:63.
Следуваше кулминација на истанбулската драма, Џејмс во предвидените пет секунди не успеа да ја уфрли топката во игра, па Фенер имаше речиси цел напад да ја обезбеди победата,
Вилбекин ја презеде одговорноста, имаше многу време да размисли како ќе ја нападне одбраната на Монако, се обиде да заврши со флотер и промаши.
Топката му припадна на Монако, а Хол со забивање стави точка на натпреварот.
Кај Фенербахче најефикасен беше Марко Гудуриќ со 14 поени (3/3 за три).
Ели Окобо ги предводеше гостите со 13 поени, додека Мотијеунас и Џејмс мечот го завршија со по десет поени.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.