Спорт
Рапсодија на Кари во Бруклин
Кошаркарите на Голден стејт вориорс со победа во Бруклин ја почнаа турнејата по Источната конференција. Вориорси, на теренот на еден од најдобрите тимови во НБА славеа со 117:99. Изминатата ноќ победи забележаа Јута Џез и ЛА Клиперс.
Бруклин немаа одговор за Стеф Кари. Бекот на Вориорс за 29 минути на теренот постигна 37 поени, на кои придодаде седум скока и пет асистенции. Двоцифрен ефект имаа уште Ендрју Вигинс (19 поени), Џордан Пул (17) и Дрејмонд Грин (11 поени, 6 скока, 8 асистенции).
Најефикасни во редовите на Бруклин беа Џејмс Харден со 24 и Кевин Дурент со 19 поени.
Ворирос се лидери во лигата со 12 победи и два порази, Бруклин имаат 10 победи и пет порази.
Јута ја декласира Филалделфија 120:85. Без Џоел Ембид, Филаделфија ја продолжи серијата порази. Бојан Богдановиќ ја предводеше Јута со 27 поени, Џордан Кларксон постигна 20, а Риди Гобер забележа 15 поени и 17 скока.
Јута е на скор 9/5, Филаделфија има 8/7.
Клипеси против Сан Антонио ја забележаа шестата победа во низа. Предводени од Пол Џорџ (34 поени), Клиперси славеа со 106:92.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.