Свет
ЕМА: Земјите треба да воведат дополнителни мерки за забавување на коронавирусот во текот на зимата
Европа мора да го премости јазот меѓу вакцинираните и невакцинираните против Ковид-19 за да го запре четвртиот бран, соопшти европското регулаторно тело бидејќи невакцинираните предизвикуваат зголемување на бројот на хоспитализации.
„Сведоци сме на прекумерен број случаи – вклучувајќи тешки болести, хоспитализации и приеми во единиците за интензивна нега, особено кај невакцинираните“, рече на прес-конференција Марко Кавалери, шеф за стратегија за вакцинација на Европската агенција за лекови (ЕМА).
Додека континентот се бори со новиот бран од пандемијата, стапките на вакцинација во некои земји членки се неприфатливо ниски, дури и кај оние што се изложени на ризик на возраст над 50 години“, истакна Кавалери.
„Треба да го премостиме тој јаз и да се погрижиме што е можно повеќе луѓе да се вакцинираат“, предупреди тој.
Италијанецот потсети дека не постои 100 проценти ефикасна вакцина, што значи дека земјите мора да преземат дополнителни мерки за да ја забават циркулацијата на коронавирусот во текот на зимата.
Голем број земји усвоија или планираат да усвојат мерки за вклучување на невакцинираните. Австрија неодамна воведе карантин за сите оние што не примиле вакцина против Ковид-19. Слични мерки би можела да најави и Германија, а за нив се подготвуваат и Чешка, Словачка и Грција.
Исто така, се прават напори да се поттикне вакцинацијата и да се најдат нови лекови.
Гледајќи го зголемувањето на бројот на случаи кај децата, ЕМА планира следната недела да донесе одлука за можно одобрување на вакцината на „Фајзер“ за деца на возраст од 5 до 11 години.
„Со оглед на критичната ситуација во многу земји членки регулаторот ќе го тестира новиот лек против Ковид-19 на „Фајзер“ во таблети, чии први резултати се ветувачки“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.