Спорт
Чави и Барса демантираат дека Агуеро се пензионирал

Барселона и нивниот нов тренер Чави, ги демантираа извештаите дека Серхио Агуеро решил да се повлече од фудбалот поради проблеми со срцето, по вестите во саботата дека тој едноставно не смее да продолжи со спортот.
Напаѓачот на Барселона излезе од игра на мечот против Алавес на 30 октомври поради болки во градите, и иако клубот не откри за каков проблем со срцето се работи, каталонските медиуми тврдат дека се работи за аритмија, по што во саботата повеќе медиуми јавија дека тој одлучил да стави крај на кариерата и дека ќе го потврди тоа на прес-конференција следната недела. Барселона го демантираше тоа.
„Агуеро има три месеци да види како ќе се развива аномалијата. Ни беше кажано дека се потребни три месеци за да се процени дали тој може да продолжи да игра фудбал“, вели потпретседателот на клубот, Рафа Јусте.
Чави, по вчерашното деби на клупата при победата над Еспањол, исто така вели дека нема потврда за повлекувањето на Аргентинецот.
„За Кун Агуеро не знам ништо ново, а зборував со него пред неколку дена и тој беше во добро расположени. Тоа што излегува во медиумите не е вистина. Ќе треба да почекаме и се надеваме дека тој ќе се врати да игра за нас“, објасни Чави.
? Xavi sobre @aguerosergiokun: pic.twitter.com/sVGkbcGZEc
— FC Barcelona (@FCBarcelona_es) November 20, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дуран по само шест месеци го напушти Ал Наср

Foto/ EPA-EFE/ADAM VAUGHAN
Колумбискиот напаѓач Џон Дуран (21) по само шест месеци си замина од Ал Наср. Во јануари Астон Вила го продаде Дуран во Ал Наср за 77 милиони евра и потенцијални бонуси.
Во клубот од Ријад, главниот град на Саудиска Арабија, играше со Кристијано Роналдо, но не успеа да ја освои титулата. Дуран постигна 12 гола на 18 настапи, а сега го напушта клубот и се враќа во Европа.
Иако потпиша договор до 2030 година, тој оди на позајмица во Фенербахче. Таму ќе ја преземе улогата на Един Џеко под водство на Жозе Мурињо.
Дуран се проби низ МЛС, од каде, по 27 натпревари и осум гола за Чикаго Фаер, замина за Астон Вила за нешто помалку од 18 милиони фунти. Имаше само 19 години.
Спорт
Перикар „испука“ сервис од 246 километри на час

Францускиот тенисер Џовани Мпеши Перикард го сруши рекордот на Вимблдон на првиот ден од третиот Гренд слем во сезоната.
Тенисерот, познат по својот убиствен сервис, го оправда својот углед во натпреварот од првото коло против Тејлор Фриц.
Во првиот поен, тој сервираше со брзина од 239,8 километри на час, соборувајќи го рекордот на Тејлор Дент од 2010 година (238,2).
Тоа не беше доволно за Перикард, па во истиот гем „испука“ сервис од неверојатни 246,2 километри на час.
Интересно е што дури ни тоа не му беше доволно за да го освои тој поен.
Перикар беше блиску до победа над фаворизираниот Американец (четврти ноосител на турнирот), но го загуби четвртиот сет (7:6, 7:6, 4:6, 6:7) по што натпреварот беше прекинат.
Причината се строгите правила на Вимблдон дека нема игра по 23 часот.
До тој момент, тој сервираше 33 аса.
Спорт
Инзаги: Се искачивме на Монт Еверест без кислород

Симоне Инзаги, тренерот на Ал Хилал, им честиташе на своите играчи за пласманот во четвртфиналето на Светското клупско првенство.
Тимот од Ријад ги елиминираше „граѓаните“ во осминафиналето на Светското клупско првенство по продолженијата (4:3), со што го направи најголемото изненадување на турнирот.
„За овој резултат, клучни се играчите и храброста што ја покажаа на теренот. Моравме да направиме нешто посебно со оглед на тоа што сите ја знаат силата на Манчестер сити. Моравме да се искачиме на Монт Еверест без кислород и успеавме во тоа“, рече Инзаги по натпреварот.
Во четвртфиналето, Ал Хилал ќе игра против Флуминензе, кој претходно исто така неочекувано го елиминираше Интер.