Спорт
Ole at the wheel – времеполов во кариерата на Солскјер – 0 трофеи, само 54 отсто победи!
Откако Оле Гунар Солскјер стана „бивши“ во Манчестер јунајтед, британскиот „Гардијан“ ги потсети навивачите на „ѓаволите“ на клучните датуми во периодот во кој Норвежанецот беше на чело на клубот.
19 декември 2018 Јунајтед го именуваат Солскјер како преоден менаџер еден ден откако го отпуштија Жозе Мурињо, а Норвежанецот потпиша договор со Молде еден месец претходно. Коментаторите не се убедени. „Дали, ова се местото каде што се Јунајтед? Навистина, најголемиот клуб на светот со преоден менаџер кој работи во Молде“, се прашува Роби Севиџ.
22 декември 2018 Јунајтед го победуваат поранешниот клуб на Солскјер, Кардиф со 5:1 во првиот меч. Тој станува првиот менаџер на Јунајтед со победа во првите пет меча по Сер Мет Базби во 1946 година и ја добива наградата за менаџер на месецот. „Ова е само почеток“, вели Солскјер.

28 март 2019 По победа во 14 од 19 меча, Солскјер станува постојан менаџер на клубот со тригодишен договор. „Ова е работа за која секогаш сонував“, вели Солскјер. Јунајтед сезоната ја завршуваат на шестото место.
26 јули 2020 На крајот на солидната сезона, Јунајтед завршуваат трети, само вторпат во топ 3 по пензионирањето на Сер Алекс Фергусон. Играат во полуфиналињата на Лига купот, ФА купто и Лига Европа, но губат во трите дуели.
4 октомври 2020 Јунајтед губат дома со 1:6 од Тотенхем. „Ова е најлошиот ден во мојата кариера како менаџер на Манчестер јунајтед. Но, сме се враќале и порано“, вели Солскјер. Таа сезона, Јунајтед не ја поминува групната фаза во ЛШ, губат во финалето на Лига Европа од Вилјареал. Завршуваат втори на табелата со 77 поени, а забележуваат и легендарна 9:0 победа над Саутемптон.

4 јули 2021 Солскјер потпишува тригодишно продолжување на договорот. Во преодниот рок, „ѓаволите“ се активни и ги носат Џејдон Санчо, Рафаел Варан, а тука е и емоционалното враќање на Кристијано Роналдо. „Под водство на Оле, одиме во вистинска насока“, вели извршниот потпретседател на клубот, Ед Вудворд.
18 септември 2021 Јунајтед победуваат со 2:1 кај Вест хем за да постават рекорд – 29 премиерлигашки гостински натпревари без пораз.
24 октомври 2021 Јунајтед губат со 0:5 дома од Ливерпул, во „најцрниот ден“ за Солскјер. „Дојдовме предалеку за да се предадеме. Јас не сум научен така. Ова е најниското, но ја прифаќам одговорноста и одиме напред“, вели Солскјер.

6 ноември 2021 Притисокот расте – Јунајтед губат со 0:2 од Манчестер сити, иако резултатот според играта требаше да биде повисок. „Не сме на исто ниво и мораме да се поглденеме во огледало“, вели Бруно Фернандеш.
20 ноември 2021 Пораз од 4:1 кај Вотфорд. „Тешко е да се објасни, се наоѓаме во тежок момент. Верувам во мојот тим, моите играчи и во самиот себе“, вели Солскјер. Јунајтед на итен состанок на бордот решаваат да го отпуштат. „Оле секогаш ќе биде легенда на клубот“, велат од Јунајтед.

Графика: Sofascore за Топспорт.мк
Официјално – Оле Гунар Солскјер си замина од Манчестер јунајтед!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Малиот Чоло го продолжи договорот со Атлетико
Џулијано Симеоне нема намера да го напушти Атлетико Мадрид. Со одличната форма си обезбеди нов договор со клубот од „Метрополитано“.
Малкумина веруваа дека по позајмувањата во Сарагоса и Алавес, конечно ќе добие вистинска шанса кај својот татко во Атлетико Мадрид, но кога ја доби Џулијано ја искористи максимално.
Според информациите, Симеоне ќе потпише договор до летото 2030 година, со значително зголемување на платата, додека неговата откупна клаузула ќе изнесува 500.000.000 евра.
Тековниот договор на Симеоне имаше важност до летото 2028 година, што значи дека тој ја продолжи договорот за дополнителни две сезони.
Тој одигра 78 натпревари за првиот тим на Атлетико Мадрид, постигна осум гола и забележа 16 асистенции.
Во меѓувреме, тој успеа да се наметне кај селекторот на Аргентина, Лионел Скалони, а за „гаучосите“ одигра девет натпревари и постигна еден гол.
Foto/ depositphotos
Спорт
Роналдо во 2025 година заработил двојно повеќе од Меси
Кристијано Роналдо повторно е на врвот на годишната листа на „Спортико“ на најплатени спортисти. Португалецот заработил двојно повеќе од неговиот долгогодишен ривал Лионел Меси во текот на 2025 година. Напаѓачот Ал-Наср остварил приход од 260 милиони долари, а на листата на 100-те најплатени играчи има вкупно 13 фудбалери.
Роналдо, трета година по ред е на врвот на листата на „Спортико“, Неговиот договор со клубот од Саудиската професионална лига наводно му носи 200 милиони долари годишно, плус 60 милиони долари од други деловни потфати. Португалецот заработувал најмалку 100 милиони долари девет години по ред, а ова е трет пат неговата заработка да надмине 200 милиони долари.
Неговиот успех надвор од теренот се темели и на рекордниот број следбеници на социјалните мрежи, кој вкупно надминува една милијарда, и на профитабилни спонзорски партнерства со компании како што се „Најки“, „Хербалајф“, „Бинанс“, „Перплексити“, „Јили“ и „Терабоди“.
Лионел Меси е на третото место на листата со заработка од 130 милиони долари во 2025 година, што е половина од сумата на Роналдо. Аргентинската ѕвезда потпиша нов договор со Интер Мајами до 2028 година.
Во меѓувреме, Роналдо работи и на продолжување на договорот со Ал-Наср до летото 2027 година, а се споменува дека двајцата би можеле да играат на Светското првенство, кое оваа година се одржува во САД, Канада и Мексико.
Меѓу двајцата фудбалери се наоѓа мексиканскиот боксер Канело Алварез, благодарение на профитабилниот договор со саудиските промотори.
Бразилецот Нејмар, кој се споменува и како можен учесник на Светското првенство, падна на 30-то место на листата. Откако го раскина договорот со Ал-Хилал, тој се врати во својот матичен клуб Сантос на почетокот на 2025 година. Поради значително пониските заработки во Јужна Америка, неговата заработка се намали за речиси 50 милиони долари во споредба со претходната година.
Вкупната заработка на 100-те најплатени спортисти е 6,05 милијарди долари, што е намалување од 2,1% во споредба со минатата година. Прагот за влез на машката листа беше 37,9 милиони долари, додека најплатена спортистка е тенисерката Коко Гоф со заработка од 37,5 милиони долари.
Најзастапен спорт е кошарката, со 40 играчи од НБА на листата. Тие се предводени од Леброн Џејмс, кој беше најплатен кошаркар во 12 од последните 13 сезони. Следи американскиот фудбал со 22 играчи од НФЛ, меѓу кои Патрик Махоумс заработува најмногу.
Фудбалот има 13 претставници меѓу првите 100, од кои пет се во првите 20. Карим Бензема, кој исто така игра во Саудиската професионална лига, е на шестото место, Килијан Мбапе е надвор од првите десет, а Ерлинг Халанд е на 18-то место.
Овде можете да ја видите целата листа на „Спротико“.
Foto/ depositphotos
Спорт
Баерн подготвува сензационален трансфер
Баерн Минхен, има намера да го ангажира Бруно Фернандеш (31) и да го комбинира со Хари Кејн, пишува британскиот „The i Paper“. Извесно е дека Португалецот ќе го напушти клубот по завршувањето на сезоната. Овој извор не открива дали намерата на Баерн е да го реализира трансферот во зимскиот преоден рок.
Овој извор, потенцира дека за клубовите кои не се од Премиер лигата откупната клаузула на Бруно изнесува 57 милиони фунти, односно 67,26 милиони евра (77 милиони долари),
Баерн, наводно е подготвен да го стори тоа за да внесе поголема креативност во тимот, што би требало да му помогне и на Кејн.
Фернандеш е во Манчестер точно шест години, постигна 103 гола и забележа 95 асистенции.
Foto/ depositphotos

