Црна хроника
Контрола на угостителски објекти во Скопје
Синоќа екипи на комесаријатот на Јавен ред и мир, скопската полиција и инсепктори од Упрвата за јавни приходи и пазарната иснпекцијаод полноќ до раните утрински часови спровеле контроли во десет угостителски објекти на територијата на главниот град
Како што известуваат од Министерството за внатрешни работи, акцијата била по претходно направен план со цел да се пронајдат лица за кои е распишана потерница, откривање на точење алкохол на малолетни лица, откривање странски државјани без пријавен престој, препродажба на дрога и оружје итн.Покрај прегледот на десетината објекти, инспекциските служби и полицијата легитимирале 127 лица, од кои четири биел малолетни. Републичките пазарни инспектори констатирче неправилности во работата на три угостителски објекта, од кое за еден веднаш била изречена парична казна. Инспекторите од УЈП, пак, во два објекта изрекле казни од по иалјду евра за неизудавање фискална сметка, а за одговорните лица по 500 евра.Во угостителскиот објект „Версачи“, лоциран на ул.„Казанџиска“ – Бит Пазар, сопственост на М.Б., беа легитимирани и извршен преглед и проверка за потрага по лица (истите не минуваат во казнена евиденција) на 11 присутни гости. При проверката не се затекнати малолетни лица. Од претресот не се пронајдени предмети кои потекнуваат од кривично дело, ниту психотропни супстанции. Од страна на самостојниот даночен контролор од УЈП на сопственикот М.Б., му е изречена глоба од 500 евра и 1000 евра на фирма „Бали 2000“ за неиздавање фискална сметка. Државниот пазарен инспектор констатираше недоследности во поглед на неистакнување фирма, работно време и телефонски број од државен пазарен инспекторат Скопје, за што следи изрекување на глоба.Во координација со УЈП и Републичка пазарна инспекција, во угостителскиот објект „Пантра“ лоциран во ТЦ„Бисер“ нас.„Аеродром“ легитимирани се 31 лице, од кои кај 13 е извршен и личен претрес, при што не се пронајдени предмети од интерес на службата. Во објектот беше затекната малолетничка (но при тоа не беше утврдено точење на алкохол на малолетник) која беше предупредена да го напушти локалот. Сопственикот на локалот Х.Д., беше усмено предупреден дека по 00.00 часот, во локалот не смее да се задржува малолетно лице. Од страна на даночен контролор од УЈП, за неиздавање фискална сметка, за вкупен износ од 13.150,00 денари, на правниот субјект му е изречена глоба од 1000 евра, а на одговорното лице во правниот субјект му е изречена глоба во износ од 500 евра.Извршена е контрола и во угостителските објекти: ресторан „Кашет“ лоциран во ТЦ„Бисер“, кабаре клуб „Волчица“ лоциран во ТЦ„Скопјанка“ на бул.„Кузман Јосифовски-Питу“ и ресторан „Мементо“ лоциран под објектот на новата железничка станица, при што во ресторан „Кашет“ легитимирани се 9 лица, во кабаре клуб „Волчица“ легитимирани се 8 лица, а во ресторан „Мементо“ легитимирани се 13 лица. Од извршената контрола во угостителските објекти не се најдени забелешки во однос на почитувањето на прописите. Од извршената контрола во угостителските објекти: ноќен клуб „Рицер“ лоциран во ТЦ„Лисиче“, ноќен клуб „Динамик“ лоциран под објектот на новата железничка станица, кафеаната „Перална“ лоцирана во нас.„Шуто Оризари“ во содејство со даночни контролори од УЈП и инспектори од Републичка пазарна инспекција, констатирано е дека од вкупно 19-те легитимирани лица во ноќниот клуб „Рицер“ едно е малолетник, а од даночниот контролор од УЈП, констатирано е неиздавање фискална сметка. Во ноќниот клуб „Динамик“, легитимирани се 27 лица, при што е утврдено присуство на две малолетни лица и притоа не се пронајдени лица по кои се трага по потерница или лица кои се интересни за службата. Од страна на инспектор од Републичка пазарна инспекција, констатирани се недостатоци, а од даночниот контролор од УЈП, констатирано е неиздавање фискална сметка, поради што од страна на даночниот контролор превземени се законски санкции. Кафеаната „Перална“ е затекната вон функција, односно истата не работи.Од извршената контрола во угостителските објекти: кафе бар„Графити“, лоциран во старата чаршија и гостилницата „Хилда“, лоцирана на булевар „Октомвриска револуција“ во содејство со даночни контролори од УЈП и инспектори од Републичка пазарна инспекција, констатирано е дека од затекнатите и легитимирани 14 гости во угостителскиот објект „Графити“ , затекнато е едно малолетно лице кое од страна на инспектор по малолетничка деликвенција е предадено на возрасен член од неговото семејство. Од страна на даночни контролори од УЈП и инспектори од Републичка пазарна инспекција, констатирани се неправилности во работењето на угостителскиот објект „Графити“ за што е сочинет записник. Во гостилницата „Хилда“, легитимирани се 5 лица. Од страна на полицијата и УЈП не се утврдени основи за постапување, а од пазарната инспекција е констатиран еден прекршок, за што е сочинет записник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.
Црна хроника
Пожар во Дом за стари лица во струмичко Банско, нема повредени
Пожар синоќа избил во Дом за стари лица во село Банско, Струмичко. Нема повредени лица, предизвикана е само материјална штета, соопшти Центарот за управување со кризи (ЦУК).
Според Регионалниот центар за управување со кризи – Струмица, пожарот бил пријавен околу 23.30 часот. Во гаснењето на пожарот интервенирале седум пожарникари со две противпожарни возила. Пожарот целосно е изгаснат во 50 минути по полноќ.
– Прво биле евакуирани лица од катот каде што бил пожарот, потоа од долните катови. По целосното гаснење на пожарот, евакуираните лица полека се вратени на местата, собите од каде што биле евакуирани. Причината за пожарот и материјалната штета дополнително ќе бидат утврдени, појаснуваат од ЦУК.
Во денешното соопштение се наведува и дека изминатото деноноќие имало вкупно 1.759 повици на единствениот повикувачки број за итни случаи – 112 во ЦУК.
Црна хроника
Притвор за осомничен за спречување на полициски службеници да фатат побегнат затвореник
Основното јавно обвинителство Кавадарци поведе постапка против 18-годишник за кого постои основано сомнение дека сторил кривично дело – Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.
На 2 мај, во куќа на улицата “Димката А. Габерот” во Кавадарци, двајца инспектори од МВР преземале службено дејствие – фаќање побегнат затвореник од КПУ Гевгелија, кој бил роднина на сега осомничениот.
Затвореникот давал отпор при обидот да биде лишен од слобода за доизвршување на затворската казна, во што сега осомничениот го поддржал, се нафрлил врз еден од полициските службеници, го влечел и го гребел, нанесувајќи му телесни повреди.
Затвореникот успеал да се ослободи и да побегне, но подоцна бил фатен и вратен во затворот. Осомничениот исто така избегал во прв момент, но бил лишен од слобода, а по предлог на јавниот обвинител, Основниот суд во Кавадарци му определи притвор во траење од осум дена.