Спорт
Домино ефект – Почетино во Јунајтед, Зидан во ПСЖ?
Заминувањето на Оле Гунар Солскјер од кормилото на Манчестер јунајтед би можело да донесе до домино-ефект во европската фудбалска елита, тврди шпанска „Марка“, бидејќи нивниот посакуван наследник Маурисио Почетино наводно е подготвен веднаш да пристигне на „Олд Трафорд“, што би оставило празно место во Пари Сен-Жермен, кое би го пополнил Зинедин Зидан…
Според „Марка“, Почетино ја има целосната поддршка на Сер Алекс Фергусон, додека Зидан е долгорочна желба на катарските газди на ПСЖ. Двете опции не се лесни за реализација, барем до крајот на групната фаза на ЛШ, но во денешниот фудбал се можни и изненадувања.
Пред една година, Тухел го водеше ПСЖ, Почетино беше без работа, Лампард беше во Челси, Пирло во Јувентус, Роналд Куман во Барселона, Зидан во Реал Мадрид, а Солскјер сигурен на клупата на Јунајтед. По 12 месеци, работите се целосно сменети.
Тухел, иако фантастичен тренер, не можеше да најде решение за составот во ПСЖ, и доби отказ, по што ги однесе Челси до титулата од ЛШ. Почетино ја доби тешката задача да ги контролира ѕвездите во Париз, но „Би-би-си“ јавува дека тој е несреќен во француската престолнина, бидејќи семејството му е во Лондон, а дека по третпат не сака да ги пропушти Јунајтед, откако претходно беше блиску до „Олд Трафорд“ додека беше тренер на Саутемптон и Тотенхем.
Зидан пак, од друга страна, нема поврзаност со клубот од Париз – во својата кариера во Франција играше за Кан и за Бордо, а бидејќи е роден во Марсеј, Олимпик секогаш му бил блиску до срцето.
?? Lo imposible a veces pasa: ¿Pochettino al Manchester United y Zidane al PSG? https://t.co/T8jvmPyqBz Por @jfelixdiaz
— MARCA (@marca) November 22, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).
Спорт
(Видео) Алкараз на удар: „Се распаѓа, изгледа како 78-годишен старец“
Шпанскиот тенисер Карлос Алкараз имаше проблеми со многу повреди во текот на својата кратка кариера.
Последна во низата е повредата на подлактицата која го мачи оваа пролет и поради неа ги пропушти турнирите во Монте Карло, Барселона и Рим.
На оваа тема се зборуваше и во подкастот „Super Moscato“ на добро познатиот RMC.
Водител на емисијата е поранешниот француски рагбист, денес актер и водител Винсент Москато, кој многу го критикуваше 21-годишниот Шпанец.
„Да не бидам досаден, добри супи се прават во стари тенџериња, па еве го Ѓоковиќ, со сите повреди типувам на Ѓоковиќ“, изјави Москато и додаде:
„Алкараз „се распаѓа“. Го боли подлактицата, изгледа како 78-годишен старец. На 20 години раката не ве боли многу. Го гледате ли Алкараз како наследник на Надал? Слушајте ме, ќе јадам стаорец ако се случи тоа“
Алкарас моментално е трет на АТП листата, а полуфиналето ќе го брани на Ролан Гарос.
Спорт
FourFourTwo: Пикси Стојковиќ е најлош од сите селектори на Евро 2024
Сезоната на клупскиот фудбал полека привршува, а стартот на Европското првенство во Германија е се поблиску. За точно 38 дена во Минхен ќе се одигра првиот натпревар на ЕП меѓу Германија и Шкотска.
Специјализираниот фудбалски магазин „FourFourTwo“ во пресрет на првенството објави список на селекторите на сите репрезентации кои според нивната проценка ги рангираше од најдобар до најлош. На првото место е Дидие Дешамп (Франција), а зад него се Лучијано Спалети (Италија) и Јулијан Нагелсман (Германија). Најлош од сите сите селектори според „FourFourTwo“ е Драган Стојковиќ.
Рангирање на сите екипи на Евро според „FourFourTwo“:
1. Дидие Дешамп (Франција)
2. Лучијано Спалети (Италија)
3. Јулијан Нагелсман (Германија)
4. Герет Саутгејт (Англија)
5. Златко Далиќ (Хрватска)
6. Роберто Мартинез (Португалија)
7. Доменико Тедеско (Белгија)
8. Луис де ла Фуенте (Шпанија)
9. Каспер Хјулманд (Данска)
10. Марко Роси (Унгарија)
11. Стив Кларк (Шкотска)
12. Роналд Куман (Холандија)
13. Силвињо (Албанија)
14. Винченцо Монтела (Турција)
15. Вили Сањол (Грузија)
16. Ралф Рангник (Австрија)
17. Франческо Калцона (Словачка)
18. Едвард Јорданеску (Романија)
19. Сергеј Ребров (Украина)
20. Матјаж Кек (Словенија)
21. Мурат Јакин (Швајцарија)
22. Михал Пробиерц (Полска)
23. Иван Хашек (Чешка)
24. Драган Стојковиќ (Србија)