Спорт
Њукасл нема да имаат пари за трансфери во јануари?

И покрај тоа што од неодамна се според многумина најбогатиот фудбалски клуб на светот, Њукасл јунајтед можеби нема да имаат доволно средства за најавеното големо трошење во јануари за засилувања за обезбедувањето на опстанокот во Премиерлигата.
Ова доаѓа откако Премиерлигата официјално забрани спонзорства од Саудиска Арабија до средината на декември. Мораториумот на нови комерцијални договори беше воведен директно по преземањето на Њукасл од саудискиот ПИФ јавен фонд за 305 милиони фунти, и првично требаше да заврши во вторник, но сега ПЛ реши да го продолжи датумот барем до 14 декември, додека клубовите не се договорат детално за правилата за спонзорство.
Новата директорка на клубот, Аманда Стевели неодамна изјави дека клубот сака да ги заврши спонзорските договори „што е можно побргу“, а освен Њукасл, само уште Манчестер сити, уште еден клуб кој зависи од странските спонзорски договори, биле против одлуката на Премиерлигата.
Њукасл се последни во Премиерлигата и единствен клуб кој нема остварено победа оваа сезона и се очекуваше во јануари да го направат првиот голем „шопинг“ на фудбалери за тимот на Еди Хоув да може да избори опстанок во лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.