Црна хроника
Гардистот од АРМ ја ограбил Уни Банка за да врати коцкарски долгови
Гардистот на АРМ, дваесет ипетгодишниот Салиахмет Саид ја ограбил експозитурата на Уни Банка за да врати коцкарски долгови. Тој во четврток во попладневните часови беше приведен за грабежот на УНИ Банка во ТЦ Мавровка во Скопје на 18 јануари годинава
Салиахмет Саид во исказот пред полицијата признал дека на 18 јануари украл 80 илјади денари од експозитурата на „Уни Банка“ во Трговскиот центар „Мавровка“. Истражен судија му одреди 30 дневен притвор.Разбојникот вооружен со пиштол и маскиран со шал околу лицето, црна јакна со капуљача и безбол капа, влегол во експозитурата каде биле четворицата вработени, како и три странки кои се нашле во моментот во банката. Му ставил пиштол на еден од вработените на главата и му се заканил дека ќе го убие ако не му ги даде парите. Откако ги зел парите, крадецот избегал кон Старата скопска чаршија и отишол во автосервисот на неговиот братучед, дваесет иедумгодишниот Усеин Усеин каде и ги оставил парите. Безбол капата ја оставил во сервисот, а пиштолот, шалот и фармерките кои ги носел ги ставил во корпа за отпадоци од сервисот, која ја истурил во еден од контејнерите во Мавровка. Црната шушкавец јакна ја однесол во станот кај неговата тетка. „Во текот на вчерашниот ден со обезбедена судска наредба за вршење на претрес беа извршени неколку претреси, во касарната каде што бил вработен, во неговиот дом, во домот на неговиот братучед при што се одземени облека и други предмети кои што може да бидат од значење на истрагата“ изјави Иво Котевски, портпарол на МВР.Црната безбол капа е пронајдена при претрес на домовите на Саид и Усеин, а во станот на тетката е пронајдената црната шушкавец јакна. Неговиот братучед Усеин се барал по распишана потерница за издржување казна затвор во траење од три години за тешки кражби и една година за продавање на дрога. Усеин е вратен во затворот Идризово. МВР работи на расчистување на уште неколку разбојништва за кои постојат индиции дека е можна инволвираност на разбојникот. По информациите дека и Јасмин Лесковица, убиецот на Мирсад Криешторац, бил гардист во армијата на АРМ, како и дека кривичните дела ги извршувале додека биле во работен однос со АРМ, се наметнува прашањето какви луѓе работат во армијата на Македонија. Од министерството за одбрана и Генерал штабот на АРМ, велат дека армијата не е над судската власт и дека не може да дејствуваат се додека судот не донесе одлука за некое лице кое е припадник на АРМ. „За секое прекршување на воената дисциплина во согласност со Законот за служба во АРМ, секој воен старешини е должен да покрене дисциплинска постапка врз основа на која потоа се изрекува одредена дисциплинска мерка. Што се однесува на кривични дела надвор од службата и надвор од објектите од АРМ , врз основа на правосилна судска одлука Армијата е должна да покрене и дисциплинска постапка против припадникот на АРМ“ изјави Мирче Ѓоргоски од ГШ на АРМ. Двајцата гардисти имале договор за работа во Армијата до април оваа година. Во февруари е започната постапка за прекинување на работниот однос на Лесковица, а договорот ќе му биде прекинат и на Саид
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицијата им ги зема возачките дозволи на 5 возачи кои управувале автомобили под дејство на алкохол
На 25/26.05.2024 година од 23 до 04 часот, при извршени сообраќајни контроли во Охрид, полициските службеници затекнале 5 возачи кои управувале моторни возила под дејство на алкохол.
Тие, веднаш се исклучени од сообраќај, одземени им се возачките документи и поднесени им се соодветни платни налози.
Црна хроника
Приведен маж од Неготино, ја вознемирувал поранешната партнерка
Неготинец бил лишен од слобода поради непочитување на судска мерка и вознемирување на поранешна партнерка, информираа денеска од СВР Велес.
„Вчера во 16.00 часот полициски службеници од ОВР Неготино го лишиле од слобода З.М.(42) од Неготино, постапувајќи по претходна пријава од страна на неговата поранешна 37-годишна партнерка од тој град. Според пријавеното, З.М. не го почитувал решението од Основен суд Неготино со мерка забрана за приближување, дошол во нејзиниот дом и по кратка расправија скршил прозорец од домот. З.М. бил задржан во полициска станица, известен бил јавен обвинител и по документирање на настанот против него ќе биде поднесен соодветен поднесок“, соопштија од СВР Велес.
Црна хроника
Скопјанец почина косејќи трева во двор, го усмртил струен удар
Вчера во 20.45 часот во СВР Скопје било пријавено дека во двор од семејниот дом на подрачјето на Бит Пазар, додека В.П.(66) од Скопје косел трева со импровизирана косилка, се здобил со струен удар и починал.
Од страна на лекар од Итната медицинска помош била констатирана смрт.