Македонија
Овој викенд почнува новогодишниот базар во „Скопје сити мол“
Конечно, дојде месецот во кој сѐ што сакаме е забава, подароци, убави мигови со саканите и спомени што засекогаш ќе ги чуваме. Дојде декември и го означи почетокот на празниците!
Празничните базари ги привлекуваат своите посетители со интересни содржини и весела празнична атмосфера, а оваа година во Скопје се случува една нова приказна. Со почеток во сабота, на 4 декември, ќе блесне новата, голема елка во Skopje City Mall, што ќе го означи почетокот на нашиот празничен, новогодишен базар. По овој повод Ве покануваме сите на официјално отворање на Новогодишниот базар, оваа сабота од 19:00 часот и свечено палење на новогодишната елка.
Истата вечер од 20:00 часот настап ќе има нашата прекрасна Тамара Тодевска, која ќе создаде вистинска празнична атмосфера. Со тоа, вистински ќе зачекориме во декември, месец на големиот Новогодишен базар во Skopje City Mall, месецот на убаво расположение, добра музика, вкусна храна, греано вино, моменти на смеа и забава, празнично дарување и создавање сеќавања. Следниот ден, во недела, продолжуваме со забава, преку ден со детска програма како и со вечерна програма со Саут Парк од 18:00 часот.
17:00 DJ Skopje City Mall
19:00 Официјално отворање на базарот
19:15 Музичкиот перформанс “Писмото од Дедо Мраз”; танцов перфоманс и хорска изведба
20:00 Свечено палење на елка
20:15 Тамара Тодевска концерт
Секој ден, од 4 до 31 декември 2021 г., посетителите на Новогодишниот базар во и пред Skopje City Mall, ќе уживаат во различни музички, книжевни, забавни, гастрономски и куп други содржини и изненадувања, кои ќе ги задоволат барањата и вкусовите на сите посетители, од најмали до најголеми од 7 до 77 години.
МУЗИЧКА ПРОГРАМА
Од Тамара и Нокаут до Band Off, од Дац и Митевски до Дарио, од Лозано до Саут Парк и Џанкјард, Камерен орекстари и уште многу други, очекувајте ги најголемите, најпрогресивните и најзабавните музички имиња од македонската сцена на Новогодишниот базар во Skopje City Mall
· Понеделник – Електро музика
· Вторник – Хип-хоп ден
· Среда – Cover бендови
· Четврток – Камерен оркестар на Битола ( Рок Симфони; Поп Симфони; James Bond; Електро Симфони )
· Петок – Настапи на македонски музички ѕвезди
· Сабота – Комерцијална вечер
· Недела – Урбани cover бендови
* музичката програма почнува од 20:00 часот (освен недела од 18:00 часот)
** секој ден од 17:00 – 20:00 часот резидент диџеј
ДЕТСКА ПРОГРАМА
Секоја Среда од 08.12.21
19:00 Читање новогодишни приказни / II кат Skopje City Mall
Секоја Сабота од 11.12.21
11:30 Новогодишна претстава / Cineplexx (со претходно подигнување на карти на инфо пулт, од петок до недела)
13:00 театарска претстава / Новогодишен базар пред Skopje City Mall
18:00 Читање новогодишни приказни / II кат Skopje City Mall
Секоја Недела од 05.12.21
11:30 Новогодишна претстава / Cineplexx (со претходно подигнување на карти на инфо пулт, од петок до недела)
13:00 Златно славејче / Новогодишен базар пред Skopje City Mall
14:00 Театарска претстава / Новогодишен базар пред Skopje City Mall
18:00 Читање новогодишни приказни / II кат Skopje City Mall (Од 12.12.21)
Овие празници, не плашете се да сонувате, бидејќи желбите навистина се остваруваат! Дојдете на Новогодишниот базар во Skopje City Mall и заедно, пред најубавата елка во Скопје, да посакаме Новата 2022 година да биде посреќна, повесела и поубава.
Се гледаме во Skopje City Mall!
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Фетаи на COSP11 во Доха: Стратегиите против корупцијата бараат лидерство, имплементација и јавна доверба
Заменик претседател на Владата, задолжен за добро владеење, Арбен Фетаи, учествуваше на 11-тата сесија на Конференцијата на државите членки на Конвенцијата на Обединетите нации против корупцијата (COSP11), која се одржува во Доха.
Заменик претседателот, Фетаи, се обрати на панел-дискусијата посветена на сеопфатните антикорупциски стратегии во Југоисточна Европа, при што истакна дека антикорупциските политики и стратегии можат да обезбедат одржливи резултати само доколку се поддржани од силно владино лидерство, ефикасна институционална координација и активно учество на граѓанското општество.
Во своето излагање, Фетаи нагласи дека стратешките документи имаат суштинска вредност единствено доколку се преточат во конкретни механизми за имплементација, следење и отчетност, со што фокусот се пренасочува од формални заложби кон мерливи и конкретни резултати.
Осврнувајќи се на искуствата на Република Северна Македонија, тој ја потенцираше важноста на пристапите базирани на податоци, дигитализацијата на процесите и институционалната транспарентност како клучни алатки за намалување на ризиците од корупција и за зајакнување на јавната доверба во институциите.
Македонија
Петрушевски: Ниту еден пратеник од СДС не присуствува на собраниската седница, на повидок нов раскол во СДС?
Пратеникот Бране Петрушевски од ВМРО-ДПМНЕ објави дека денеска ниту еден пратеник од СДСМ не присуствува на собраниската седница. Тој прашува дали на повидок е нов раскол во СДС?
„Денес, ниту еден пратеник од СДС не присуствува на собраниската седница. Дали е случајност или некому испраќаат порака? Особено што вчеравечер Филипче го објави новиот тим на СДС во кој речиси и да нема актуелен пратеник. Очигледно, незадоволството не може да се сокрие“, вели Петрушевски.
Според него, кога внатрепартиските калкулации им се поважни од институциите, резултатот ќе е уште подлабока криза во редовите на опозицијата.
Македонија
Јаневска: За забрзување на напредокот, во 2026 рекордни вложувања во науката
Јавните ресурси се ограничени. Нашата определба, како Министерство и како Влада, да насочуваме од година во година сé поголеми средства кон наука и истражувања, ја покажува решеноста да градиме општество засновано на знаење, иновации и одржлив развој, рече министерката за образование и наука Весна Јаневска на Правниот факултет „Јустинијан Први“ во Скопје, каде беа презентирани прелиминарните резултати од истражувањето „Иновативни научни решенија за намалување на социјалната нееднаквост и сивата економија во Македонија преку даночната регулатива“.
Истражувањето го спроведува тим од Правниот факултет, со финансиска поддршка од Министерството за образование и наука, за стимулирање на научно-истражувачки проекти.
Македонија не може да продолжи со практиката на мали инвестиции во наука. Државите во опкружувањето ги интензивираат вложувањата во научно-технолошки развој и земјата, ако сака да остане релевантна и на меѓународна научна сцена, неопходно е да направи исчекор кон системско и значајно зголемување на средствата за истражувања, создавање современа инфраструктура и поттикнување на иновацискиот капацитет.
Министерката Јаневска посочи дека следната, 2026 година ќе имаме рекордни 773 милиони денари за наука, што е континуиран раст, од 380 милиони денари во 2024 година и 680 милиони денари во 2025 година.
„Преземаме бројни активности насочени кон јакнење на научно-истражувачкиот капацитет на државата. Една од нив е можноста за вклучување на македонските научници и истражувачи во европските истражувачки мрежи, за што потпишавме договор со Заедничкиот истражувачки центар на Европската комисија. Со пристапот до врвни ресурси, знаење и заеднички проекти со европски партнери, нашите научници добиваат мобилност, а државата развојна перспектива“, нагласи Јаневска.
Укажа на зголемените плати на универзитетските професори за 14% и обезбедениот бесплатен пристап до научните бази Web of science и Scopus. Се подготвуваат, како што беше речено и две нови законски решенија, за високо образование и за научно-истражувачка дејност, што, заедно со реформата на Агенцијата за квалитет во високото образование и отворањето на првиот државен научно – технолошки парк, ќе овозможат значајно подобрување на условите за научни истражувања.

